VOVWORLD_ស្ថិតចំងាយ៣០គីឡូម៉ែត្រពីទីរួមខេត្ត Ha Tien ប្រជុំកោះ Hai
Tac​ ប្រៀប​ដូចជាត្បូងមិនទាន់ច្នៃមួយគ្រប់របស់ផ្នែកទេសរណ៍ខេត្ត Kien Giang។ 
ទោះបីមិន​សូវល្បី​ឈ្មោះ ដូចកោះ Phu Quoc និងប្រជុំគោះNam Duក្ដីតែប្រជុំកោះ
Hai Tac មាន​ទី​តាំង​​​នៅ​ឃុំ Tien Hai បានទាក់ទាញភ្ញៀវដោយសារឈ្មោះមានន័យ
ថាចោរសមុទ្រ​រួម​ជាមួយ​សោភ័ណភាពធម្មជាតិនិងជីវភាពរស់នៅស្រគត់ស្រគំរបស់
ប្រជាពលរដ្ឋនៅ​លើ​កោះ។ក្នុងរយៈពេលប៉ុន្នានឆ្នាំកន្លងទៅនេះទីរួមខេត្ត Ha Tien
បានប្រមូលផ្ដុំ​គ្រប់​ប្រភព​កំលាំង​ដើម្បី​កសាងឃុំ Tien Haiនិងប្រជុំកោះ Hai Tac 
ឲ្យក្លាយទៅជាកន្លែង​ទេសចរណ៍​ទាក់​ទាញមួយ។

        ប្រជុំកោះ Hai Tac ទាំងមូលស្ថិតនៅឃុំ Tien Hai ក្នុងនោះកោះ Tre Lon ឬហៅ
ថា​កោះ ​Doc ជាមជ្ឈមណ្ឌលឃុំ កោះ Tien Hai ដែលជាទីប្រជុំជន។ ប្រជុំកោះនេះរួម
មាន​កោះ​ធំតូចចំនួន១៦ដែលបានប្រជាជនដាក់ឈ្មោះយ៉ាងចំឡែកដូចជា កោះ
 Keo Ngua​(កោះសេះ) កោះ Kien Vang (ស្រមោចភ្លើង) កោះ Tre Lon(ឬស្សីធំ)ជា
ដើម។

        ប្រជាពលរដ្ឋនៅទីនេះរស់នៅដោយរបរនេសាទនិងចិញ្ចឹមមច្ឆាផល។ នា
បច្ចុប្បន្ន នៅក្នុងឃុំ Tien Hai មានគ្រួសារចំនួន៧០គ្រួប្រកបរបរចិញ្ចឹមត្រីក្នុងបែ
ចំនួន២០០​បែ​ដែល​ភាគច្រើនគឺត្រីមានតំលៃខ្ពស់មានជាអាទិ៍ត្រីតុកកែ ត្រី Cobia​ 
ជាដើម។ ដោយ​មាន​ទីតាំង​ស្ថិតក្នុងឈូង​សមុទ្រ Ha Tien – Rach Gia និងឈូង
សមុទ្រថៃបានជាតំបន់​នេះ​​មិន​សូវ​រងការបក់បោកដោយសារខ្យល់ព្យុះឡើយ។ម្យ៉ាង
ទៀតទឹកសមុទ្រថ្លាដោយ​មិនរងការបំពុលដែលជាការអំណោយផលចំពោះរបរចិញ្ចឹម
ជលផលនិងអភិវឌ្ឍន៍ទេសចរណ៍។ តាមលោក Hong Xuan Than ជាពលរដ្ឋមួយនាក់
នៅក្រុមទី៥ភូមិ Hon Tre​ឃុំ Tien Hai ​បានឲ្យដឹងថា មុននេះប្រជាពលរដ្ឋគ្រាន់តែ
ចេញទៅលំហសមុទ្រនេសាទ​ប៉ុណ្ណោះ។ពេលមានភ្ញៀវមកទស្សនាកោះគឺលោកចាត់
ទុកគេជាសមាជិកក្នុងគ្រួសារហើយឲ្យគេសំរាកក្នុងផ្ទះ។ បើភ្ញៀវចង់ទៅទស្សនាបែ
ត្រី ជិះទូកជុំវិញកោះ មុជក្រោមផ្ទៃទឹកមើលត្រីគឺលោកជូនទៅ។ ភ្ញៀវនិយមចូលចិត្ត
ណាស់ហើយប្រាប់គ្នាមកទស្សនាកោះនេះកាន់តែច្រើនឡើងៗពីមួយថ្ងៃទៅមួយថ្ងៃ។ 
ដោយហេតុនេះបរិយាកាសនៅលើកោះដាច់ស្រយាលមួយនេះ មានភាពសប្បាយអ៊ូអរ
និងប្រជាជននៅលើកោះ​ក៏មាន​បន្ថែម​ការងារ​ធ្វើដែរ។ លោក Hong Xuan Than
បានសំណេះសំណាលថា

 “ ជួនកាលមានបងប្អូនពីដីគោកមកទស្សនាគឺខ្ញុំជួយឧបត្ថម្ភគេ។ ដោយសារ
មាន​ភ្ញៀវមកទស្សនាកោះបានជាប្រជាពលរដ្ឋនៅទីនេះក៏មានបន្ថែមការងារធ្វើនិង
ចំណូលតាមរយៈការជួលផ្ទះសំណាក់និងលក់ម្ហូប”។

ភ្ញៀវទេសចរនិយមចូលចិត្តមកទស្សនាប្រជុំកោះ Hai Tac ដោយសារសោភ័ណភាពនៃវាលខ្សាច់ស ទឹកសមុទ្រខៀវស្រងាត់ ពន្លឺព្រះអាទិត្យព្រិចៗរួមទាំងរឿងព្រេងនិទានអំពីបណ្ដាក្រុមចោរសមុទ្រដែលបានផ្សាភា្ជប់ជាមួយប្រវតិ្តសាស្រ្តកកើតតំបន់នេះទៀតផង។

        ភ្ញៀវទេសចរនិយមចូលចិត្តមកទស្សនាប្រជុំកោះ Hai Tac ដោយសារ​
សោភ័ណភាព​នៃវាលខ្សាច់ស ទឹកសមុទ្រខៀវស្រងាត់ ពន្លឺព្រះអាទិត្យព្រិចៗរួមទាំង​
រឿងព្រេងនិទានអំពីបណ្ដាក្រុមចោរសមុទ្រដែលបានផ្សាភា្ជប់ជាមួយប្រវតិ្តសាស្រ្ត
កកើតតំបន់នេះ​ទៀតផង។ លោក Nguyen Thanh Sang ជាភ្ញៀវទេសចរមួយរូបមក
ពីខេត្ត An Giang ​បានចែករំលែកថា

   ‘’ លឺមិត្តភកិ្តរៀបរាប់ថាកោះ Hai Tac នេះនៅរក្សាបានលក្ខណៈធម្មជាតិបាន
ជាខ្ញុំ​ចង់​ទៅទស្សនាម្ដង។ ខុសពីរមនីយដ្ឋានផ្សេងៗដែលត្រូវជួលបន្ទប់សណ្ឋាគារ​
រឺផ្ទះ​សំណាក់ មកទស្សនាទីនេះខ្ញុំ នៅក្នុងខ្ទមមួយដាក់នៅទីរហោស្ថានដែលខ្ញុំចូល
ចិត្ត​ណាស់”។

        នាឆ្នាំ២០១៥កន្លងទៅ មានភ្ញៀវទេសចរចំនួន៣ហ្មឺននាក់មកទស្សនា​ឃុំកោះ
 Tien Hai ហើយផ្ដល់មកនូវប្រាក់ចំណូលជិត៨ពាន់លានដុងជូនសហគមន៍តំបន់។
 ​នា​ពេលខាងមុខនេះ សំណង់ថ្មីៗនឹងបានកសាងឡើងនៅ Tien Hai ដើម្បីបំរើ
ប្រជាជន​និងភ្ញៀវទេសចររួមមានមជ្ឈមណ្ឌលរដ្ឋបាលឃុំ ផ្សារ ទីប្រជុំជន កំពង់ផែ 
រមនីយដ្ឋានទេសចរណ៍ធម្មជាតិ ​រោងចក្រសំអាតសំរាម និងតបណ្ដាញភ្លើងជាតិ៕