VOVWORLD_ភូមិ Cu Lan ជាកន្លែងរស់នៅរបស់ជនរួមជាតិជនជាតិ K’ho។ 
ដោយ​សារ​មានទីតាំងស្ថិតនៅតំបន់ខ្ពង់រាប Lang Biang ខេត្តLam Dong បានជានៅ
ទី​នេះមាន​អាកាស​ធាតុ​ត្រជាក់ស្រួលពេញមួយឆ្នាំ។​ភូមិ Cu Lan នាបច្ចុប្បន្នបាន
ក្លាយទៅជា​កន្លែង​មកដល់គួរឲ្យគាប់ចិត្តរបស់ភ្ញៀវទេសចរជាច្រើននាក់។ 

Cu Lan ជាឈ្មោះរបស់រុក្ខជាតិម្យ៉ាងដុះក្នុងព្រៃហើយក៏ជាឈ្មោះ​នៃសត្វព្រៃ​មួយ​
ប្រភេទដែរ។ ភូមិ Cu Lan មានផ្ទៃដីចំនួន៣០ហិកតាដោយស្ថិតនៅ​កណ្ដាលព្រៃ​
ស្រោង​នៅជើងភ្នំLang Biang លើទឹកដីស្រុក Lac Duong ខេត្ត​ Lam Dong​ ចំងាយ២០
គីឡូម៉ែត្រ ពីទីក្រុងDa Lat។ ភូមិ នេះ ជាកន្លែងរស់នៅរបស់សហគមន៍ជនរួមជាតិ
ជនជាតិ K’ho។​ ផ្ទះរបស់ប្រជាពលរដ្ឋក្នុងភូមិធ្វើអំពីឈើហើយជីវភាពរស់នៅសុខ
សាន្តត្រាណណាស់។ ដោយសារមានការចាប់អារម្មណ៍ខ្លាំងចំពោះភូមិ Cu Lan 
តន្រ្តីករមួយរូប​ ឈ្មោះVan Tuan Anh  បានកសាង​កន្លែងនេះក្លាយទៅជារមនីយដ្ឋាន
ទេសចរណ៍ធម្មជាតិ​ដ៏វិសស​វិសាលមួយ។ តាមលោក Doan Truong Son ជា​
មគ្គុយទេសទេសចរណ៍នៃក្រុមហ៊ុន Viettravel ឲ្យដឹងថា

“ មនុស្សម្នាក់ៗមានចំណាប់អារម្មណ៍រៀងៗខ្លួនចំពោះឈ្មោះនៃតំបន់។ ​ឈ្មោះ
 Cu Lan មានលក្ខណៈប្រជាប្រិយហើយសាមញ្ញដូចទិដ្ឋភាពនៅទីនេះដែរ។​ ក៏ប៉ុន្តែ
 ​យើងនឹងរកឃើញប្រការគួរឲ្យចាប់អារម្មណ៍ជាច្រើននៅក្នុងបរិយាកាសធម្មជាតិដ៏
មហិមានេះ។ អ្នករស់នៅទីក្រុងដែលសំបូរធូលីនិងផ្សែងនោះពេលមកទស្សនា
រមនីយដ្ឋានធម្មជាតិនេះគេឃើញមានភាពខុសប្លែកយ៉ាងច្បាស់”។

មកទស្សនាភូមិ Cu Lan ភ្ញៀវទេសចរអាចដើរគយគន់ទេសភាព ​ឡើងទួល ​
ចូល​មើល​ផ្ទះឈើរបស់អ្នកភូមិ  ដើរឆ្លងស្ពានខ្សែកាបមានប្រវែង១០០ម៉ែត្រ ​ឬជិះ
ឡាន​Jeep​ទស្សនាទេសភាពនៅជំវិញភូមិ។ 

អង្គុយលើឡាន​ ​Jeepធ្វើដំណើរទៅតាមផ្លូវបទបែនលើទួលឬឆ្លងកាត់​ជ្រោះក្នុង​
ព្រៃដែលមានផ្កាចំរុះពណ៌រីកស្គុះស្គាយនោះគឺបទពិសោធន៍គួរឲ្យចាប់អារម្មណ៍យ៉ាង
ខ្លាំងរបស់ភ្ញៀវទេសចរ។ អ្នកស្រីTrinh Thi Ngot​មកពីទីក្រុងហូជីមិញបានចែករំលែក
ថា

“ មកទស្សនាភូមិ Cu Lan ខ្ញុំត្រូវបានជិះឡាន​Jeep​ហើយមានការចាប់អារម្មណ៍​
យ៉ាង​ខ្លាំង។ មុននេះខ្ញុំមិនដែលជិះឡានលើផ្លូវចោទនិងកោងបែបនឹងទេ។​ នេះជា​
សេវាដ៏ល្អមួយដែលនាំមកការសប្បាយរីករាយជូនភ្ញៀវទេសចរ”។

ភូមិ Cu Lan មានផ្ទៃដីចំនួន៣០ហិកតាដោយស្ថិតនៅកណ្ដាលព្រៃស្រោងនៅជើងភ្នំLang Biang លើទឹកដីស្រុក Lac Duong ខេត្ត Lam Dong ចំងាយ២០ គីឡូម៉ែត្រ ពីទីក្រុងDa Lat

ក្រៅពីសកម្មភាពនេះ​ អ្នកទេសចរអាចចូលរួមការឡើងភ្នំ​ បង្ហោះខ្លែង ​ជិះ​ទូក​
លើបឹងឬចាប់ត្រី។ គេក៏បោះជំរំលេងល្បែងប្រជាប្រិយឬស្ដាប់កំសាន្តតូរ្យតន្ត្រីគង
 ឃ្មោះផងដែរ។ នៅភូមិ Cu Lan នេះមានវិចិត្រសាលមួយកន្លែងសំរាប់ភ្ញៀវនិយម
ចូល​ចិត្តវិចិត្រកម្ម។​​ តាមតន្ត្រីករ Van Tuan Anh ជាអ្នកបង្កើតសំណង់នានាក្នុង
រមនីយដ្ឋាន​បានឲ្យដឹងថា

“ ភ្ញៀវទេសចរផ្ចិតផ្ចង់ណាស់។ គេចង់ស្វែងយល់ជីវភាពរបស់តំបន់បាន​ជា
ការ​ថែរក្សាវប្បធម៌របស់ជនរួមជាតិនៅទីនេះមានសារដ៏សំខាន់។ អ្នកភូមិ Cu Lan
 រក្សាបាន​ជីវភាពវប្បធម៌នៃជាតិខ្លួនដែលមានការច្រៀងរាំ វាយគងឃ្មោះ ហើយ
បន្លែនិងសត្វត្រូវបានដាំដុះចិញ្ចឹមនៅក្នុងព្រៃតាមបែបធម្មជាតិ។ ដូច្នេះភ្ញៀវទេសចរ
មកទស្សនាភូមិសុទ្ធតែមានការចាប់អារម្មណ៍ដ៏ល្អប្រសើរ”។