គងឃ្មោះក្នុងជីវភាពរស់នៅរបស់ជនរួមជាតិ Muong (vtc.vn)

Vovworld-ក្រុមគងឃ្មោះរបស់ជនរួមជាតិ Muong មាន១២គ្រឿងដែល បានចែក
ជា៣ក្រុម​រួមមាន ឃ្មោះ Dam ឃ្មោះ Bong និងឃ្មោះ Tle។ ជនរួមជាតិ Muong លេង
គងឃ្មោះក្នុងពិធីបុណ្យ​ចំនួន២៤ដូចជា ពិធីបុណ្យផ្ទះថ្មី អាពារហ៍-ពិពារហ៍ ពិធីចុះ
ស្រែជាដើម។ ចំពោះជនរួមជាតិបណ្ដាជនជាតិនៅដំបន់ Tay Nguyen នោះ អ្នកវាយ
គងឃ្មោះភាគច្រើនគឺបុរស រីឯជនរួមជាតិ Muong គឺជា​នារី​វិញ។ លោក Bui Chi Thanh អ្នកស្រាវជ្រាវវប្បធម៍ Muong បានឲ្យដឹងថា គង​ឃ្មោះបានឌិតជាប់ក្នុងដួងព្រលឹង
របស់ជនម្នាក់ៗ គ្រួសារនិងត្រកូល​នីមួយៗ។

        “តាំងពីសតវត្សទី១១មក តូរតន្ត្រីនិងបរិយាកាសគងឃ្មោះរបស់ជនរួមជាតិ
Muong បានអភិវឌ្ឍន៍ដោយឥតឈប់ឈរ។ ​វប្បធម៍គងឃ្មោះនិងបរិយាកាស​វប្បធម៍គងឃ្មោះបានស៊ីជម្រៅលើគ្រប់វិស័យក្នុងជីវភាពរស់នៅរបស់ជនរួមជាតិ
Muong។ ជនរួមជាតិ Muong មានទស្សនាទានគងឃ្មោះជានិមិត្តរូបរបស់ជន​ជាតិ​និង​នាំមកនូវតំលៃដ៏ធំធេង។”

        ស្រុកព្រៃភ្នំ Tan Lac ខេត្ត Hoa Binh នាបច្ចុប្បន្នជាកន្លែងមានគងឃ្មោះជា​ច្រើន​បំផុតដោយមានក្រុមគងឃ្មោះរាប់រយ ក្នុងនោះឃុំ Phu Vinh មានប្រមាណ​៤០០​
គ្រឿង។ នៅ Phu Vinh គ្រួសារណាក៏មានឃ្មោះដែរ ជាពិសេសមាន​គ្រួសារ​នៅ​រក្សាបានក្រុម១២គ្រឿងដូចជាគ្រួសារលោក Bui Van Nuom។ លោក Nuom ចែក
រំលែកថា៖

        “គងឃ្មោះមានតាំងពីយូរមក។​ គងឃ្មោះរបស់គ្រួសារត្រូវបានឪពុកខ្ញុំ​បន្សល់
ទុកឲ្យកូនចៅមើលនិងរក្សាក៏ដូចជាទោចូលរួមបណ្ដាពិធីបុណ្យហេតុនេះហើយ
គ្រួសារខ្ញុំមិនលក់ហើយបន្សល់ទុកឲ្យកូនចៅក្រោយៗនេះ។”

        នៅ Phu Vinh ដល់ឥឡូវនេះបានរក្សាទម្លាប់ពិសេសមួយគឺក្នុងនាទីឆ្លង​ចូល​ឆ្នាំ
ថ្មី បណ្ដាគ្រួសារបានវាយឃ្មោះ៣លើកដើម្បីអញ្ចើញជីដូនជីតាត្រឡប់​មកគ្រួសារ
ទទួលបុណ្យតេតជាមួយកូនចៅ។ ប្រហែលជាដោយហេតុនេះ​ប្រជាជន Phu Vinh ប្តេជ្ញាមិនលក់គងឃ្មោះរបស់ខ្លួននិងរក្សាបន្តពីជំនាន់មួយ​ទៅ​ជំនាន់មួយ។​លោក
ស្រី Bui Thi Anh ប្រជាជនឃុំ Phu Vinh បានចែករំលែក​ថា៖

        “ទោះបីជាក្រីក្រយ៉ាងណាក្តីក៏មិនអាចលក់ឃ្មោះបានឡើយ ដោយសារ​គ្មាន​អ្វីអាចជំនួសឲ្យស្នូរឃ្មោះក្នុងជីវភាពរស់នៅរបស់យើងខ្ញុំ។ មនុស្សជាច្រើន​បាន
រកមកទិញប៉ុន្តែគ្រួសារប្តេជ្ញាមិនលក់ទេ។”

        ច្រើនឆ្នាំកន្លងមក រដ្ឋអំណាចស្រុក Tan Lac រួមជាមួយបងប្អូនប្រជាជន​នៅ
ទីនេះចាប់ផ្ដើមអភិវឌ្ឍន៍បរិមាណគងឃ្មោះ ទន្ទឹមនឹងនោះស្ដារបណ្ដា​ពិធី​បុណ្យ
ប្រពៃណីដើម្បីឧទ្ទេសនាមក្រុមគងឃ្មោះបណ្ដាចង្វាក់គងឃ្មោះចំពើភ្ញៀវទេសចរណ៍
ក្នុងនិងក្រៅប្រទេស។ លោក Bui Van Dung ប្រធានគណៈ​កម្មាធិការ​ប្រជាជនឃុំ
Phu Vinh ស្រុក Tan Lac ខេត្ត hoa Binh បានឲ្យដឹងថា៖

        “ចាប់ផ្ដើមពីគងឃ្មោះជាបេតិកភ័ណ្ឌវប្បធម៍ដ៏ថ្លៃថ្លារបស់ដំបន់ ហេតុនេះ​ហើយរដ្ឋអំណាចដំបន់បានចាត់កម្មាភិបាលភូមិឃុំចលនាប្រជាជនរក្សាឃ្មោះ។​
ក្រៅពីនោះ យើងខ្ញុំបានចាត់កម្មាភិបាលគណៈកម្មាធិការ កម្មាភិបាលវប្បធម៍​ជួប​ផ្ទាល់ជាមួយបងប្អូនប្រជាជនបានឃើញនូវអត្ថន័យក្នុងការអភិរក្សគងឃ្មោះ ហេតុនេះហើយនាពេលកន្លងមកគ្មានគ្រួសារណាលក់ឃ្មោះថែមទាំងទិញបន្ថែម
ដើម្បីបំរើឲ្យជីវភាពសង្គម។”

        ចំពោះជនរួមជាតិ Muong នៅ Hoa Binh នោះ បេតិកភ័ណ្ដគងឃ្មោះជា​បេតិកភ័ណ្ឌវប្បធម៍ពិសេស ដោយហេតុនេះការការពារនិងពង្រីកជាប្រការមាន​អត្ថន័យរួមចំណែកលើកកំពស់ជីវភាពខាងស្មារតីរបស់ប្រជាជន។ ដោយមាន​តំលៃសិល្បៈរបស់បរិយាកសវប្បធម៍គងឃ្មោះខេត្ត Hoa Binh បានស្នើរ​ក្រសួង​វប្បធម៍កីឡានិងទេសចរណ៍ពិនិត្យទទួលស្គាល់បរិយាកាសវប្បធម៍គងឃ្មើរបស់
ជនរួមជាតិ Muong ជាបេតិកភ័ណ្ឌវប្បធម៍អរូបីយ៍ថ្នាក់ជាតិ៕