ទម្លាប់ដាក់ឈ្មោះសំរាប់កូនរបស់ជនរួមជាតិ Giay (dulichsapa365.vn)

        Vovworld-តាមទំនៀមទំលាប់របស់ជនរួមជាតិ Giay កូនៗត្រូវបានដាក់​ឈ្មោះ
​នៅពេលគ្រប់១ខែ ដោយសាររាល់អ្វីៗនឹងប្រព្រឹត្តទៅបានល្អបំផុត។ ហេតុនេះ
ហើយជនរួមជាតិ Giay បានរៀបចំពិធីដាក់ឈ្មោះសំរាប់កុមារប៉ុន្មានថ្ងៃមុនឬក្រោយ
ថ្ងៃគ្រប់មួយខែ។ លោក San A Son ជនជាតិ Giay នៅទីក្រុង Lao Cai បានឲ្យដឹងថា៖

        “ជាធម្មតាពី៣០ដល់៣៣ក្រោយពីថ្ងៃកំណើតរបស់ទារក។ ក្នុងថ្ងៃនោះ​គេ
​អញ្ចើញសាច់ញាតិខាងប្តីនិងប្រពន្ធមកចូលរួម។”

        គ្រឿងសំណែនក្នុងថ្ងៃនេះរួមមាន​សាច់​ជ្រូកម៉ាន់ទាធូបផ្កាជាដើម។ ពិធីការ
ដំបូងបង្អស់គឺលោកតាលោកយាយខាងឪពុក​ពរចៅទៅថ្វាយបង្គុំនៅចំពោះមុខតុ
សក្ការបូជាដើម្បីណែនាំខ្លួន។ លោក San Chang អ្នក​ជំនាញ​ស្រាវជ្រាវអំពីជនជាតិ
Giay បានឲ្យដឹងថា៖

        “ឪពុកម្ដាយទារកត្រូវត្រៀមថាស​តូចមួយ។​ នៅលើថាសមានដាក់ស្រាពណ៌
ចំនួន៨កែវ ចានធូបជាមួយអង្ករមួយ​ចាន នៅលើចានអង្ករមានពង់ម៉ាន់មួយ។​
ឪពុកម្ដាយទារកយកថាស​នោះមកដល់អ្នកចាស់ជរា។ អញ្ចើញព្រឹទ្ធាចារ្សរក
ឈ្មោះសំរាប់​ចៅ។”

        ក្រោយពីឈ្មោះបានជ្រើសរើសជនគ្រប់រូបក្នុងតុបាយទទួលស្រាក្រហម​ផឹក
និងចូនអំណោយនិងប្រសិទ្ធិពរជូនទារក។ ក្នុងពិធីដាក់ឈ្មោះរបស់ទារកជន​ជាតិ
Giay គឺមិនអាចខ្វះបានការចូលរួមរបស់គ្រួសារត្រកូលខាងម្ដាយឡើយ។ លោក
Chang បានពន្យល់ថា៖

        “ក្នុងថ្ងៃនោះតំណាងគ្រួសារខាងម្ដាយ១ក្រុមបានអញ្ចើញចូលរួម។ ក្រុមនេះ
ពាំណាំអំណោយ​ផ្ទាងសំពត់មក។ ខណៈដែលគ្រួសារម្ដាយយល់ព្រមនឹងឈ្មោះគឺ
ជូនអំណោយដើម្បី​ជូន​ឲ្យទារក។ ពេលជូនអំណោយនឹងច្រៀងបទចម្រៀងដោយ
ខ្លឹមសារស្តីអំពី​ដំណើរការធ្វើដីដាំកប្បាសត្បាញក្រណាត់ដេរទៅជាផ្ទាងដើម្បីជូន
ឲ្យចៅ។”

ឈ្មោះកូនចៅជាក្តីមោទនភាពរបស់ឪពុកម្ដាយជនជតិ Giay ប្រសិនបើ​អ្នក​ណា​ហៅ
តាមឈ្មោះចាស់គឺជាការបេះបួយ។ ពិធីដាក់ឈ្មោះឲ្យកូនរបស់​ជន​រួមជាតិ Giay មិន
ត្រឹមតែជាបែបបទដាក់ឈ្មោះធម្មតាប៉ុណ្ណោះទេ ថែមទាំងផ្ទុក​នូវ​អត្ថន័យពិសិទ្ធិ។​ ការ
ដាក់ឈ្មោះត្រូវជាលោកតាលោកយាយឬជនចាស់ជរា​នៅ​ខាងប្តីធ្វើ មិននែមជាឪពុក
ម្ដាយទារកបានបង្ហាញនូវការបន្តជំនាន់ចាស់-ក្មេង រៀបរយនិងសណ្ដាប់ធ្នាប់ក្នុង
ត្រកូល។

        ពិធីដាក់ឈ្មោះសំរាប់ទារកជាទំនៀមទំលាបល្អនៅតែបានសហគមន៍ជន​រួមជាតិ
Giay រក្សាដល់ឲឡូវនេះ។ ​ពិធីនេះបានរួមចំណែកធ្វើឲ្យសម្បូរបែប​ពហុបែបសំរាប់
ឃ្លាំងវប្បធម៍ទំនៀមទំលាប់របស់ជនរួមជាតិ Giay៕