 |
| ពិធីបួងសួងសូមឲ្យមេឃភ្លៀងរបស់ជនជាតិ Lo Lo នៅដំបន់ខ្ពង់រាបថ្ម Dong Van |
Vovworld-ជនជាតិ Lo Lo បានរៀបចំពិធីបួងសួងសូមឲ្យមេឃភ្លៀងដើម្បី
បួងសួងសូមឲ្យទេវតាមកថែរក្សាឲ្យអាកាសធាតុអំណោយផល រដូវទទួលផល
ជីវភាពរស់នៅសម្បូរធូធារគ្រាន់បើ។ លោក Lo Sy Pao មេភូមិ Sung Pa A ទីរួម
ស្រុក Meo Vac ស្រុក Meo Vac បានឲ្យដឹងថា៖
“ឆ្នាំណាអាកាសធាតុរីងស្ងួត ដល់ខែទី៣តាមច័ន្ទគតិគ្មានភ្លៀងគឺរៀបចំពិធី
បុណ្យបួងសួងសូមឲ្យមេឃភ្លៀង។ ជាធម្មតាគឺថ្ងៃទី១៣ខែទី៣។ រៀបចំរួចរាល់
មានមេឃភ្លៀងគឺប្រជាជនផលិតកម្មបាន។ ពិធីបុណ្យបានរៀបចំដោយប្រជាជន
រួមចំណែក។”
ក្នុងពិធីបុណ្យនេះ ប្រជាជនក្នុងភូមិបានត្រៀមរៀបចំម៉ាន់មួយក្បាល ឆ្កែ២
ក្បាល ដាវមួយជាឈើឬដែក ទឹកផឹកស្រាជាដើម។ គ្រឿងសំណែនមិនអាចខ្វះបាន
ស្គូរសំរិទ្ធនិងចាប៉ី Nhi ឡើយ។ ក្នុងឱកាសពិធីបុណ្យសក្ការបូជាមេឃ ពិធីបុណ្យបួង
សួងសូមឲ្យមេឃភ្លៀងជនជាតិ Lo Lo បានប្រើស្គូរ Mo Danh (ស្គូរមេឃ)។ ក្រុមស្គូរ
នេះរួមមាន២គ្រឿង ស្គូរមេនិងស្គូរបា។ ផ្នែកនីមួយៗក្នុងពិធីបុណ្យបួងសួងសូមឲ្យ
មេឃភ្លៀងត្រូវបានដំណើរការក្នុងរយៈពេលជិត២ម៉ោង។
ពិធីបុណ្យចាប់ផ្ដើមនោះ អ្នកជួយការងារបានយកគ្រឿងសំណែនទៅកន្លែង
រៀបចំបុណ្យ។ អ្នកតាបួងសួងនឹងអញ្ចើញទេវតានៅគ្រប់ទិសទីមកថែរក្សាឲ្យអាកាស
ធាតុអំណោយផលឲ្យរដូវទទួលបានផល។ លោក Lo Sy Pao បានឲ្យដឹងថា៖
“ពិធីបួងសួងសូមឲ្យមេឃភ្លៀងបានរៀបចំនៅកណ្ដាលវាលស្រែ មិនធ្វើនៅផ្ទះ
ទេ និងគ្រួសារណាក៏ត្រូវមានវត្តមានដែរ។ ត្រូវស្លៀកពាក់សម្លៀកបំពាក់របស់ជនជាតិ
ខ្លួន។ ពេលធ្វើបុណញយត្រូវមានម៉ាន់ឆ្កែបាយដំណើបធូបជាដើម។ ក្នុងពេលបួងសួង
ត្រូវសូមឲ្យគ្រប់ទិសទីនិងសូមអ្នកតាលើមេឃ២នាក់។ អ្នកតាទាំងពីរនាក់នោះជាអ្នក
បង្កើតឡើងមនុស្សនិងជនជាតិជាភាតរៈហេតុនេះហើយត្រូវសូមអ្នកតាទាំងពីរនាក់
នោះ បើមិនសូមគឺគ្មានភ្លៀងឡើយ។”
ទិវាប្រព្រឹត្តទៅពិធីបុណ្យសូមឲ្យមេឃភ្លៀងមិនមែនជាទិវាបុណ្យរបស់ជនជាតិ
Lo Lo ប៉ុណ្ណោះ ថែមទាំងជាទិវាបុណ្យរបស់ជនជាតិផ្សេងៗរួមរស់នៅ Ha Giang ទៀត
ផង។ នេះក៏ជាឱកាសជនរួមជាតិជួបគ្នាសំណេះសំណាលរឿងគ្រួសារកូនចៅ
ផលិតកម្មចិញ្ចឹមដាំដុះទៀតផង។ អ្នកស្រី Can Thi Quy ភូមិ Sung Pa A ទីរួមស្រុក Meo
Vac បានឲ្យដឹងថា៖
“គ្រួសារនីមួយៗនៅភូមិសុទ្ធតែស្ម័គ្រចិត្តរួមចំណែកឲ្យពិធីបុណ្យបួងសួងសូមឲ្យ
មេឃភ្លៀង។ ទោះបីជាមិនមែនជាជនជាតិ Lo Lo ប៉ុន្តែរស់នៅដំបន់គឺគ្រួសារណាក៏រួម
ចំណែកដែរ។ ពិធីបុណ្យត្រូវបានប្រជាជនរក្សាដើម្បីជំនាន់វ័យក្មេងស្គាល់អំពីប្រភព
ដើមនិងវប្បធម៍របស់ជនជាតិខ្លួន។”
បន្ទាប់ពីផ្នែកពិធីការនោះ ប្រជាជនទាំងអស់បានអង្គុយនៅក្បែរកែវស្រាឆ្នាំង
Thang co រាំជុំវិញតុសក្ការបូជា។ ពេលនេះកំលោះក្រមុំជនជាតិ Lo Lo នឹងសម្ដែងចង្វាក់
ចម្រៀងប្រជាប្រិយ Te Phua, Te La, Ho La Teជាដើមស្ងើចសសើរស្រុកកំណើតទឹកដី
សុភមង្គលគូរស្រករ។
ពិធីបុណ្យបួងសួងសូមឲ្យមេឃភ្លៀងរបស់ជនជាតិ Lo Lo ជាសកម្មភាពពិធីបុណ្យ
ជំនឿមួយរបស់សហគមន៍ជនជាតិជាភាតរៈចំនួន២១ដែលកំពុងរួមរស់នៅខេត្ត Ha
Giang។ ពិធីបុណ្យបួងសួងសូមឲ្យមេឃភ្លៀងបង្ហាញនូវបំណងអំពីរដូវអំណោយផល
អាកាសធាតុអំណោយផលដើម្បីអ្នកភូមិរស់នៅធូធារសុភមង្គល៕