ថ្នាក់ដឹកនាំទីក្រុងហាណូយ និងទីក្រុងហូជីមិញអញ្ជើញទៅសួរសុខទុក្ខ ជូនពរបុណ្យចូលឆ្នាំថ្មី ប្រពៃណីជាតិចំពោះអ្នកមុខអ្នកការសាសនា
(VOVWORLD) -នារសៀលថ្ងៃទី ១ ខែ កុម្ភៈ ប្រធានគណៈកម្មាធិការប្រជាជនទីក្រុងហាណូយលោក Nguyen Duc Chung បានអញ្ជើញទៅសួរសុខទុក្ខ និងជូនពរ ឆ្នាំថ្មី ចំពោះសមាគមប្រូតេស្តង់វៀតណាម (ភាគខាងជើង) និងសមាគមប្រូតេស្តង់ទីក្រុងហាណូយ។
ប្រធានគណៈកម្មាធិការប្រជាជនទីក្រុងហាណូយលោក Nguyen Duc Chung បានអញ្ជើញទៅសួរសុខទុក្ខ និងជូនពរ ឆ្នាំថ្មី ចំពោះសមាគមប្រូតេស្តង់វៀតណាម (ភាគខាងជើង) និងសមាគមប្រូតេស្តង់ទីក្រុងហាណូយ (kinhtedothi.vn) |
អញ្ជើញថ្លែងនៅទីនេះ លោក Nguyen Duc Chung បានថ្លែងអំណរគុណចំពោះ លោកគ្រូប៉ាស្ទ័រ សាសនិកប្រូតេស្ដង់វៀតណាម (ភាគខាងជើង) ដែលជានិច្ចកាលរួមដំណើរជាមួយទីក្រុងក្នុងសកម្មភាពជាច្រើន រួមចំណែកជួយទីក្រុងសម្រចបានគោលដៅសេដ្ឋកិច្ច សង្គមលើគ្រប់ជ្រុងជ្រោយនាពេលកន្លងទៅ ជាពិសេសគឺសកម្មភាពថែទាំ ពិនិត្យ ព្យាបាលជម្ងឺជូនអ្នកក្ដីក្រ និងអ្នកមានស្ថានភាពរស់នៅលំបាកនៅទីក្រុង។
ចំណែកឯលោកគ្រូប៉ស្ទ័រ Nguyen Huu Mac ប្រធានសមាគម ប្រូតេស្តង់វៀតណាម (ភាគខាងជើង) បានឲ្យដឹងថា ប្រជាសាសនិកប្រូតេស្តង់នៅទីក្រុងមានក្ដីសប្បាយរីករាយ និងមោទនភាពអំពីសមិទ្ធិផលសេដ្ឋកិច្ច សង្គម ដែលទីក្រុងទទួលបាននាពេលកន្លងទៅ។ ប្រជាសាសនិកប្រូតេស្តង់នឹងជានិច្ចកាលរួមដំណើរជាមួយទីក្រុង ចូលរួមចលនាប្រឡងប្រណាំងស្នេហាជាតិយ៉ាងសកម្ម ក៏ដូចជាបណ្ដាចលនាដែលរដ្ឋអំណាចបំផុសឡើងផងដែរ។
នៅទីក្រុងហូជីមិញនាព្រឹកថ្ងៃទី ២ ខែកុម្ភៈ គណៈប្រតិភូនៃគណៈកម្មាធិការបក្ស ក្រុមប្រឹក្សាប្រជាជនគណៈកម្មាធិការប្រជាជន និងគណៈកម្មាធិការរណសិរ្សមាតុភូមិទីក្រុង ដឹកនាំដោយ លេខាគណកម្មាធិការបក្សទីក្រុងលោក Nguyen Thien Nhan បានអញ្ជើញទៅសួរសុខទុក្ខ និងជូនពរឆ្នាំថ្មីចំពោះអ្នកមុខអ្នកការសាសនានៅទីក្រុងហូជីមិញផងដែរ៕