នាយករដ្ឋមន្ត្រី លោក Pham Minh Chinh ស្នើឱ្យខេត្ត Quang Nam អភិវឌ្ឍន៍យ៉ាងឆាប់រហ័សនិងនិរន្តរភាព
(VOVWORLD) - នាថ្ងៃទី ២៧ មិនា នៅខេត្ត Quang Nam នាយករដ្ឋមន្ត្រី លោក Pham Minh Chinh បានអញ្ជើញជួបធ្វើការជាមួយថ្នាក់ដឹកនាំខេត្ត Quang Nam ដោយស្តីពីលទ្ធផលអភិវឌ្ឍន៍សេដ្ឋកិច្ចសង្គមឆ្នាំ ២០២១; ទិសដៅនិងភារកិច្ចក្នុងឆ្នាំ២០២២។
នាយករដ្ឋមន្ត្រី លោក Pham Minh Chinh អញ្ជើញជួបធ្វើការជាមួយថ្នាក់ដឹកនាំខេត្ត Quang Nam (រូបថត៖ VOV) |
អញ្ជើញថ្លែងមតិសន្និដ្ឋានក្នុងកិច្ចប្រជុំនេះ នាយករដ្ឋមន្ត្រីលោក Pham Minh Chinh បានសង្កត់ធ្ងន់ថា ខេត្ត Quang Nam ត្រូវខិតខំប្រឹងប្រែងអស់ពីសមត្ថភាព ឱកាស ដែលតែងតែមាននិងសមិទ្ធិផលសម្រេចបាន ដើម្បីអភិវឌ្ឍ ន៍យ៉ាងលឿន និរន្តរភាព និងបៃតង។ ខេត្ត Quang Nam ត្រូវបង្កើតកម្មវិធី ផែនការ និងរៀបចំការអនុវត្តឱ្យស្របតាមស្ថានភាពជាក់ស្តែងក្នុងមូលដ្ឋាន។ ក្នុងនោះ ផ្តោតលើកម្មវិធីនៃស្តារឡើងវិញយ៉ាងឆាប់រហ័សនិងការអភិវឌ្ឍប្រកបដោយចីរភាព។ នៅឆ្នាំ ២០២២នេះ ត្រូវតែផ្តោតលើការងាររៀបចំផែនការ។ នេះជាកិច្ចការសំខាន់ដែលត្រូវបញ្ចប់នៅឆ្នាំនេះ ជាពិសេសរៀបចំផែនការថ្នាក់ខេត្ត (ត្រូវបញ្ចប់នៅត្រីមាសទី៣ ឆ្នាំ២០២២) បន្ទាប់មករៀបចំផែនការថ្នាក់ស្រុក និងឃុំ។ ទន្ទឹមនឹងនេះ ខេត្តត្រូវផ្តោតលើការលុបបំបាត់ភាពអត់ឃ្លាន និងការកាត់បន្ថយភាពក្រីក្រ ការកែលម្អជីវភាពរស់នៅខាងសម្ភារៈ និងស្មារតីរបស់ប្រជាជននៅតំបន់ដាច់ស្រយាល និងតំបន់ជនជាតិ ភាគតិច; អនុវត្តន៍រាល់ដំណោះស្រាយដើម្បីឆ្លើយតបប្រកបដោយប្រសិទ្ធភាពចំពោះគ្រោះមហន្តរាយធម្មជាតិ និងការប្រែប្រួលអាកាសធាតុ៕