បណ្តាអង្គការបាល់ទាត់អន្តរជាតិ ជួយឧបត្ថម្ភជនរងគ្រោះដោយគ្រោះរញ្ជួយដីនៅប្រទេសទួរគី និងស៊ីរី
(VOVWORLD) - នាថ្ងៃទី ១៧ ខែកុម្ភៈ សហព័ន្ធបាល់ទាត់ពិភពលោក (FIFA) បានដកប្រាក់ចំនួន ១ លានដុល្លារពីមូលនិធិ FIFA ដើម្បីផ្តល់ជំនួយមនុស្សធម៌ដល់ជនរងគ្រោះដោយគ្រោះរញ្ជួយដីនៅប្រទេសទួរគី និងស៊ីរី។
ប្រជាជនទទួលទំនិញសង្គ្រោះនៅក្រុម Hatay ប្រទេសតួកគី។ (រូបថត៖ Hai Linh/TTXVN) |
FIFA បានឲ្យដឹងថា ប្រាក់ជំនួយនឹងត្រូវបានប្រើប្រាស់ដើម្បីទិញនិងចែកចាយរបស់របរសំខាន់ៗ ក៏ដូចជាផ្គត់ផ្គង់ទីជម្រកបន្ទាន់និងបណ្តោះអាសន្នសម្រាប់ប្រជាជនដែលរងផលប៉ះពាល់។ FIFA នឹងបន្តតាមដានស្ថានការណ៍យ៉ាងដិតដល់ ដើម្បីធ្វើការសម្រេចចិត្តបន្ថែមទៀត។
កាលពីសប្តាហ៍មុន ការប្រកួតបាល់ទាត់អង់គ្លេស Premier League បានប្រកាសថា នឹងបរិច្ចាគ ១ លានផោន ខណៈដែលសហព័ន្ធបាល់ទាត់អឺរ៉ុប (UEFA) និងមូលនិធិ UEFA សម្រាប់កុមារក៏បានបញ្ជូនទៅតំបន់រងគ្រោះដោយការរញ្ជួយដីនូវកញ្ចប់ជំនួយដំបូងដែលមានតម្លៃ ២០ ម៉ឺនអឺរ៉ូផងដែរ៕