បំផុសចលនាជួយជ្រោមជ្រែងទិវាពិភពលោកបង្ការទប់ស្កាត់នឹងគ្រាប់បែកមីន
|
បំផុសចលនាជួយជ្រោមជ្រែងទិវាពិភពលោក
បង្ការទប់ស្កាត់នឹងគ្រាប់បែកមីន (Đỗ Trưởng- TTXVN) |
(VOV)_នាថ្ងៃទី ៤ មេសា នៅ ទីក្រុង Tam Ky ខេត្ត Quang Nam ស្ថាប័នអចិន្ត្រៃយ៍នៃគណៈកម្មាធិការបញ្ជាណែនាំលេខ ៥០៤ និងមជ្ឈឹមសម្ព័ន្ធយុវជនកុម្មុយនិស្តហូជីមិញបាន
រួមសហការជាមួយគណៈកម្មាធិការប្រជាជនខេត្ត Quang Nam ប្រារព្ធពិធីបំផុសចលនា
និងដង្ហែក្បួនជួយជ្រោមជ្រែងទិវាពិភពលោកបង្ការទប់ស្កាត់គ្រាប់បែកមីន។ នៅទីនេះ
ឧត្តមសេនីយ៍ឯក លោក Nguyen Chi Vinh អនុរដ្ឋមន្ត្រីក្រសួងការពារប្រទេសវៀតណាម
បានឲ្យដឹងថា បន្ទាប់ពីថ្ងៃរំដោះមកដល់បច្ចុប្បន្ននេះ គ្រាប់បែកមីនដែលបន្សល់ទុកពី
សម័យសង្គ្រាមបានផ្ទុះ បណ្ដាលឲ្យមនុស្សស្លាប់ចំនួន ៤ ហ្មឺននាក់ និងរងរបួសចំនួន ៦
ហ្មឺននាក់ ។ បច្ចុប្បន្ននេះបក្សនិងរដ្ឋយកចិត្តទុកដាក់យ៉ាងខ្លាំងចំពោះការជំនះពុះពារ
ផលប៉ះពាល់នៃគ្រប់បែកមីន ដែលក្នុងនោះផ្ដោតសំខាន់ទៅលើកិច្ចការបោះសម្អាតគ្រាប់
បែកមីន ជួយឧបត្ថម្ភដល់ជនរងគ្រោះដោយសារគ្រាប់បែកមីន និងឃោសនាអប់រំបង្ការ
ចៀសវាងគ្រោះថ្នាក់ដោយសារគ្រាប់បេកមីនក្នុងសហគមន៍ប្រជាជន ។
"ប្រសិនបើបច្ចុប្បន្ននេះជារៀងរាល់ឆ្នាំយើងបានបោសសម្អាតដីធ្លីដែលបង្កប់ គ្រាប់
បែកមីនប្រមាណ ៣ ហ្មឺនហិកតា គឺប្រមាណ ១០០ ឆ្នាំទៀត ទើបនឹងបោសសម្អាតបាន
គ្រាប់បែកមីនទាំងអស់នៅទូទាំងប្រទេស។ ប្រសិនបើមានល្បឿនលឿនជាងគឺអាចថយ
ចុះនៅ ៨០ ៥០ ឆ្នាំ។ ការប្តេជ្ញាចិត្តរបស់រដ្ឋាភិបាលជាពិសេស នាយករដ្ឋមន្រ្តីលោក Nguyen
Xuan Phuc គឺ ក្នុងរយៈពេល ២០ ឆ្នាំខាងមុខ យើងនឹងបោសសម្អាតជាសារវ័ន្តគ្រាប់បែក
មីនលើទឹកដីវៀតណាម "។
ក្នុងឱកាសនេះ ឧត្តមសេនីយ៍ឯកលោក Nguyen Chi Vinh និងថ្នាក់ដឹកនាំខេត្ត
Quang Nam បាន ប្រគល់អំណោយជូនក្រុមជនរងគ្រោះដោយគ្រាប់បែកមីននៅខេត្ត
Quang Nam ។