ប្រធានាធិបតីរុស្ស៊ី និងអាមេរិកអាចបន្តជួបជុំគ្នានៅទីក្រុងប៉ារ៉ីសនាថ្ងៃទី១១ខែវិច្ឆិកា ខាងមុខ
(VOVWORLD) - ទីក្រុងម៉ូស្កូ ត្រៀមខ្លួនជាស្រេចពិភាក្សាជាមួយទីក្រុងវ៉ាស៊ីនតោនស្តីពីទំនាក់ ទំនងទ្វេភាគីទាំងមូល ហើយប្រសិនបើអាមេរិកមានគោលបំណងចង់ជួបសន្ទនា ថ្នាក់ជាន់ខ្ពស់បំផុត នោះរុស្ស៊ីត្រៀមខ្លួនពិភាក្សាអំពីពេលវេលា និងទីទាំងដែល រៀបចំជំនួបកំពូលនេះដែរ។
ប្រធានាធិបតីអាមេរិកលោក Donald Trump និងសមភាគីរុស្ស៊ី លោក Vladimir Putin បានជួបគ្នាកាលពីថ្ងៃទី១៦ ខែកក្កដាឆ្នាំ២០១៨នៅរដ្ឋធានី Helsinki ប្រទេសហ្វាំងឡង់ |
ប្រធាននាយកដ្ឋានអាមេរិកខាងជើងនៃក្រសួងការ បរទេសរុស្ស៊ី លោក Georgy Borisenko បានអះអាងដូច្នេះក្នុងឱកាសឆ្លើយបទ សម្ភាសមួយទៅកាន់ទីភ្នាក់ងារសារព័ត៌មានរុស្ស៊ី RIA Novosti នាថ្ងៃទី១២ ខែតុលាកន្លងទៅ។ លោក Georgy Borisenko បានឲ្យដឹងថា ប្រសិនបើ ប្រធានាធិបតីអាមេរិក និងរុស្ស៊ី បានរួមគ្នាចូលរួមនៅក្នុងព្រឹត្តិការណ៍នេះ គឺនឹងលទ្ធភាពថ្នាក់ដឹកនាំទាំងពីររូបនេះអាចជួបគ្នាពុំុំខានឡើយ ក៏ប៉ុន្តែនាបច្ចុប្បន្នភាគីទាំងពីរមិនទាន់ពិភាក្សាគ្នាអំពីបញ្ហានេះ ដោយសារភាគីអាមេរិកនៅតែមិនលើកឡើងនូវសំណើរណាមួយឡើយ។
គួរបញ្ចាក់ថា ជំនួបផ្ទាល់ថ្មីៗនេះរវាងថ្នាក់ដឹកនាំរុស្ស៊ីនិងអាមេរិកបានប្រព្រឹត្តិទៅនៅរដ្ឋធានី Helsinki ប្រទេសហ្វាំងឡង់នាថ្ងៃទី១៦ខែកក្កដាកន្លងមក ហើយនេះ គឺជា កិច្ចសន្ទនាជាផ្លូវការដំបូងបង្អស់រវាងភាគីទាំងពីរផងដែរ៕