នាយក KOICA ប្រចាំនៅវៀតណាម លោក Kim Jinoh (រូបថតៈ TTXVN)

នៅក្នុងជំនួបនេះ លោកឧត្តមសេនីយ៍ឯក Nguyen Chi Vinh បានវាយតម្លៃខ្ពស់ចំពោះការរួមចំណែករបស់លោក Kim Jinoh និងតួនាទីរបស់ទីភ្នាក់ងារសហប្រតិបត្តិការអន្តរជាតិកូរ៉េខាងត្បូង ក្នុងការអភិវឌ្ឍទំនាក់ទំនងសហប្រតិបត្តិការរវាងវៀត ណាមនិងកូរ៉េខាងត្បូងក្នុងរយៈពេល ៣ ឆ្នាំកន្លងមក នៅវៀត ណាម។ នាពេលខាងមុខនេះ វៀតណាមនិងកូរ៉េខាងត្បូងនឹងបន្តអនុវត្តន៍ជាក់ស្តែងនូវខ្លឹមសារសហប្រតិបត្តិការមួយចំនួន ក្នុងនោះរួមមាន៖ បើកទូលាយគម្រោងការដោះស្រាយបញ្ហាមីនក្រោយសង្គ្រាមនៅខេត្ត Quang Nam និង Quang Tri; ជួយឧបត្ថម្ភបច្ចេកទេសនិងកម្លាំងចលករ ដើម្បីដោះស្រាយបញ្ហាដីដែលមានជាតិ dioxin នៅឯអាកាសយានដ្ឋាន A Sho ស្រុក A Luoi ខេត្ត Thua Thien -  Hue។ ម្យ៉ាងវិញទៀត កូរ៉េខាងត្បូងនឹងជួយដល់វៀត ណាមក្នុងការបណ្តុះបណ្តាល បង្កើនសមត្ថភាពឧបត្ថម្ភនិងកសាងមូលដ្ឋានទិន្នន័យក្នុងវិស័យជំនះពុះពារលើផលវិបាកដោយគ្រាប់បែកមីន និងសារធាតុគីមី ពុល ក្រោយសង្គ្រាមនៅវៀតណាម៕