អាមេរិកឃាត់ទុកនាវាដឹកទំនិញគឺជា ឧបសគ្គធំបំផុតក្នុងការបន្តកិច្ចចរចានុយក្លេអ៊ែរ
(VOVWORLD) -ក្រសួងយុត្តិធម៌អាមេរិកបានប្រកាសថាកងកម្លាំងមានសមត្ថិកិច្ចនៃប្រទេសនេះបានចាប់ឃាត់នាវា Wise Honest របស់ ស.ប.ប.ក ដោយសង្ស័យថានាវានេះបានដឹកធ្យូងថ្មនិងគ្រឿងម៉ាស៊ីនដែលរំលោភបំពាន់លើបទដាក់ទណ្ឌកម្មអន្តរជាតិ។
 នាវា Wise Honest របស់ ស.ប.ប.ក (ប្រភព៖ AFP/TTXVN |
|
នាថ្ងៃទី ២៣ ខែឧសភា ទីភ្នាក់ងារព័ត៌មានយ៉ុនហាប់បានផ្សាយព័ត៌មានថា លោក Han Tae-song ឯកអគ្គរដ្ឋទូត ស.ប.ប.ក ប្រចាំនៅទីក្រុងហ្សឺណែវ (ប្រទេសស្វ៊ីស) បានចាត់ទុកថា ការដែលអាមេរិកបានចាប់ឃាត់នាវាដឹកទំនិញមួយគ្រឿងរបស់ ស.ប.ប.ក គឺជាឧបសគ្គធំបំផុតចំពោះការបន្តកិច្ចចរចានុយក្លេអ៊ែររវាងប្រទេសទាំងពីរ ព្រមទាំងអំពាវនាវដល់អាមេរិកដោះលែងនាវានេះ។ លោកបានលើកច្បាស់ថា៖ នេះគឺជាបញ្ហាធំ ហើយជាទង្វើរំលោភបំពានលើច្បាប់អន្តរជាតិ។
កាលពីថ្ងៃទី ៩ ខែឧសភា កន្លងទៅ ក្រសួងយុត្តិធម៌អាមេរិកបានប្រកាសថាកងកម្លាំងមានសមត្ថិកិច្ចនៃប្រទេសនេះបានចាប់ឃាត់នាវា Wise Honest របស់ ស.ប.ប.ក ដោយសង្ស័យថានាវានេះបានដឹកធ្យូងថ្មនិងគ្រឿងម៉ាស៊ីនដែលរំលោភបំពាន់លើបទដាក់ទណ្ឌកម្មអន្តរជាតិ៕