ឥណ្ឌាធ្វើជាម្ចាស់ផ្ទះសន្និសីទ Sherpa ជាលើកដំបូងក្នុងនាមជាប្រធាន G២០
(VOVWORLD) - ប្រទេសឥណ្ឌាកាលពីម្សិលមិញ (ថ្ងៃទី ៤ ខែធ្នូ) បានបើកកិច្ចប្រជុំមន្ត្រីជាន់ខ្ពស់ជាលើកដំបូងរបស់ខ្លួន (Sherpa) ក្នុងនាមជាប្រធានក្រុមនៃសេដ្ឋកិច្ចអភិវឌ្ឍន៍ឈានមុខគេ និងកំពុងរីកចម្រើន (G២០)។ សន្និសីទនេះបានធ្វើឡើងក្នុងរយៈពេលបួនថ្ងៃនៅទីក្រុង Udaipur ក្នុងរដ្ឋ Rajasthan។
កិច្ចប្រជុំមន្ត្រីជាន់ខ្ពស់ (Sherpa) នឹងប្រព្រឹត្តទៅចាប់ពីថ្ងៃទី ៤-៧ ខែធ្នូ ឆ្នាំ ២០២២ នៅទីក្រុង Udaipur រដ្ឋ Rajasthan ប្រទេសឥណ្ឌា (រូបថត៖ PTI) |
នៅក្នុងសន្និសីទនេះ គណៈប្រតិភូបានពិភាក្សាលើបញ្ហាសំខាន់ៗមួយចំនួន រួមទាំងការផ្លាស់ប្តូរបច្ចេកវិទ្យា ការអភិវឌ្ឍន៍បៃតង និងគម្រោង Mission LiFE របស់ឥណ្ឌា ដោយសង្កត់ធ្ងន់ទៅលើការអភិវឌ្ឍដែលជំរុញដោយស្ត្រីនាំមុខ ពន្លឿនការអនុវត្តគោលដៅអភិវឌ្ឍន៍ប្រកបដោយចីរភាព (SDGs) និងសម្រួលដល់កំណើនរួម។ កិច្ចប្រជុំ Sherpa មានគោលបំណងបង្កើតការឯកភាពគ្នាលើបញ្ហាសំខាន់ៗនៅក្នុងសេចក្តីប្រកាសរបស់មេដឹកនាំ ដែលគ្រោងនឹងនាំចេញនៅក្នុងកិច្ចប្រជុំកំពូល G២០ នៅទីក្រុងញូវដែលីក្នុងឆ្នាំ ២០២៣។
សូមគូសបញ្ជាក់ថា ប្រទេសឥណ្ឌាបានចូលកាន់តំណែងជាប្រធាន G២០ ជាផ្លូវការពីប្រទេសឥណ្ឌូណេស៊ីនៅថ្ងៃទី ១ ខែធ្នូ។ ក្នុងអំឡុងពេលកាន់តំណែងជាប្រធាន ឥណ្ឌាគ្រោងនឹងរៀបចំការប្រជុំជាង ២០០ ក្នុងវិស័យចំនួន ៣២ ផ្សេងគ្នាក្នុងទីក្រុងជាង ៥០ នៃប្រទេសឥណ្ឌា៕