ADFM-២១៖កិច្ចសហប្រតិបត្តិការដើម្បីសន្តិភាព សន្តិសុខនិងភាពធន់របស់អាស៊ាន
(VOVWORLD) - សន្និសីទមេបញ្ជាការកងទ័ពអាស៊ានលើកទី២១ (ACDFM-21) បានបើកជាផ្លូវការនាព្រឹកថ្ងៃទី៥ ខែកញ្ញា ក្នុងរដ្ឋធានីវៀងច័ន្ទ ប្រទេសឡាវ។ គណៈប្រតិភូវៀតណាមដឹកនាំដោយឧត្តមសេនីយឯក Nguyen Tan Cuong អគ្គសេនាធិការកងទ័ពប្រជាជនវៀតណាមនិងជាអនុរដ្ឋមន្ត្រីក្រសួងការពារជាតិបានចូលរួមសន្និសីទនេះ។
នៅក្នុងសន្និសីទ មេបញ្ជាការកងទ័ពនៃបណ្តាប្រទេសអាស៊ានបានអះអាងសារជាថ្មីអំពីចំណងមិត្តភាព និងសាមគ្គីភាពយូរអង្វែងរបស់ពួកគេ អភិវឌ្ឍន៍រួមគ្នាឆ្ពោះទៅរកការកសាងសហគមន៍អាស៊ាន រួមដៃគ្នាឆ្លើយតបប្រកបដោយប្រសិទ្ធភាពចំពោះបញ្ហាប្រឈម និងសក្តានុពលដែលតំបន់កំពុងប្រឈមមុខ។ សន្និសីទក៏បានវាយតម្លៃលទ្ធផលនៃកិច្ចសហប្រតិបត្តិការរវាងកងទ័ពនៃប្រទេសអាស៊ាន ហើយបានដាក់ចេញទិសដៅជំរុញកិច្ចសហប្រតិបត្តិការជាក់ស្តែង ប្រកបដោយប្រសិទ្ធភាពនាពេលខាងមុខ។
 ប្រមុខគណៈប្រតិភូនៃបណ្តាប្រទេសអាស៊ាន សម្តែងសាមគ្គីភាព និងមិត្តភាពនៅក្នុងសន្និសីទ។ រូបថត៖ qdnd.vn |
ថ្លែងមតិក្នុងសន្និសីទនេះ ឧត្តមសេនីយឯក Nguyen Tan Cuong អនុរដ្ឋមន្ត្រីក្រសួងការពារប្រទេសវៀតណាមបានអះអាងថា វៀតណាមជានិច្ចកាលគាំទ្រឡាវក្នុងការបំពេញភារកិច្ចជាប្រធានអាស៊ានឆ្នាំ ២០២៤។ ឧត្តមសេនីយឯក Nguyen Tan Cuong បានអះអាងថា វៀតណាមជានិច្ចកាលប្រកាន់ខ្ជាប់នូវគោលការណ៍ដោះស្រាយវិវាទនិងការខ្វែងគំនិតគ្នាដោយសន្តិវិធី ឈរលើមូលដ្ឋានគោរពឯករាជ្យ អធិបតេយ្យភាព និងផលប្រយោជន៍ស្របច្បាប់របស់ប្រជាជាតិនានា និងគោរពតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS 1982)។ វៀតណាមគាំទ្រការអនុវត្តពេញលេញនិងប្រកបដោយប្រសិទ្ធភាពនៃសេចក្តីថ្លែងការស្តីពីប្រតិបត្តិរបស់ភាគីនានានៅសមុទ្រខាងកើត (DOC) បង្ហើយការចរចានិងចុះហត្ថលេខាលើក្រមប្រតិបត្តិនៅសមុទ្រខាងកើត (COC) ប្រកបដោយប្រសិទ្ធភាព ជាមួយនឹងច្បាប់អន្តរជាតិ៕