គោលនយោបាយអភិវឌ្ឍន៍មនុស្សរបស់វៀតណាមតាំងពីមុនមក បានអនុវត្តន៍ដោយព្រមៗគ្នា និងទូលំទូលាយ ចាប់ពីការលុបបំបាត់ភាពអត់ឃ្លាន និងការកាត់បន្ថយភាពក្រីក្រ រហូតដល់ការអប់រំ ការថែទាំសុខភា ។ល។  (រូបថត៖ និស្សិតនៃសាកលវិទ្យាល័យបច្ចេកវិទ្យាទីក្រុងហូជីមិញក្នុងម៉ោងពិសោធន៍វិទ្យាសាស្ត្រ (ប្រភព៖ tapchicongsan.org.vn)

Freedom House គឺជាអង្គការអន្តរជាតិក្រៅរដ្ឋាភិបាល ដែលមានទីស្នាក់ការកណ្តាលនៅសហរដ្ឋអាមេរិក។ បើតាមទ្រឹស្តី សកម្មភាពរបស់ Freedom House គឺដើម្បីគាំទ្រ វឌ្ឍនភាពនិងលើកកម្ពស់ ពង្រីកសេរីភាព និងលទ្ធិប្រជាធិបតេយ្យនៅជុំវិញពិភពលោក។ ជារៀងរាល់ឆ្នាំ អង្គការនេះបានតាក់តែង និងប្រកាសរបាយការណ៍ដូចជា៖ របាយការណ៍អំពីសេរីភាពលើពិភពលោក, របាយការណ៍ស្តីពីសេរីភាពលើបណ្តាញ, របាយការណ៍ស្តីពីសេរីភាពនិងការផ្សព្វផ្សាយជាដើម។ ថ្វីត្បិតដូច្នេះក៏ដោយ ក្នុងប៉ុន្មានឆ្នាំកន្លងមកនេះ ព័ត៌មានត្រូវបានអង្គការនាំចេញដែលពាក់ព័ន្ធជាមួយប្រទេសជាច្រើន ក្នុងនោះមានវៀតណាមគឺបំភាន់ការពិត និងមានលក្ខណៈអវិជ្ជមានលើនយោបាយ។

អង្គការនេះបន្តចាត់ថ្នាក់វៀតណាមក្នុងក្រុមប្រទេសដែលគ្មានសេរីភាព និងលទ្ធិប្រជាធិបតេយ្យ។ ការវាយតម្លៃ និងចាត់ចំណាត់ថ្នាក់របស់ Freedom House មិនយោងតាមឯកសារផ្លូវការ ហើយក៏មិនយោងតាមស្ថានភាពនៃជីវភាពជាក់ស្តែងរបស់ប្រជាជនវៀតណាមនោះទេ។ ផ្ទុយទៅវិញ អង្គការនេះ បានចាប់ដៃជាមួយនឹងមុខសញ្ញាប្រតិកិរិយា, មុខសញ្ញាប្រឆាំង, ពួកឱកាសនយោបាយដែលជាជនវៀតណាមក្នុងប្រទេស និងក្រៅប្រទេស រួមទាំងបុគ្គល និងអង្គការបរទេសដែលមានការរើសអើងប្រឆាំងនឹងវៀតណាម ដើម្បីធ្វើបទសម្ភាសន៍ ប្រមូលព័ត៌មាន ដោយមូលបង្កាច់បង្ខូចវៀតណាមថា រំលោភបំពានលើសេរីភាពនិងលទ្ធិប្រជាធិបតេយ្យ។ សកម្មភាពរបស់ Freedom House បង្ហាញយ៉ាងច្បាស់ពីការរើសអើង និងអរិភាពចំពោះវៀតណាម។ អង្គការនេះតែងតែប្រដូចនិងសន្មត់ថា ក្នុងរបបនយោបាយឯកបក្ស គឺគ្មានសេរីភាព គ្មានប្រជាធិបតេយ្យ គ្មានសិទ្ធិមនុស្ស។ មិនត្រឹមតែវៀតណាមនោះទេ ប្រទេសជាច្រើនទៀតក៏ត្រូវបានអង្គការ Freedom House ចោទប្រកាន់ផងដែរ។

ឯកអគ្គរដ្ឋទូតកាហ្សាក់ស្ថានប្រចាំនៅវៀតណាម Yerlan Baizhanov (រូបថត៖ Phan Suong)

គោលដៅរបស់អង្គការនេះគឺតាមរយៈយីហោនៃលទ្ធិប្រជាធិបតេយ្យ និងសិទ្ធិមនុស្ស ដើម្បីវាយប្រហារ និងជ្រៀតជ្រែកចូលក្នុងកិច្ចការផ្ទៃក្នុងរបស់ប្រទេសមួយផ្សេងៗទៀត។ ក្នុងបទសម្ភាសន៍ជាមួយទូរទស្សន៍ជាតិ VTV លោក Yerlan Baizhanov ឯកអគ្គរដ្ឋទូតកាហ្សាក់ស្ថានប្រចាំនៅវៀតណាមបានវាយតម្លៃថា៖ “មានអង្គការសិទ្ធិមនុស្សមួយចំនួនដែលមានគំនិតរឹងទទីង និងមានតែម្ខាងប៉ុណ្ណោះ។ ពួកគេត្រូវបានគ្របដណ្ដប់ដោយមហិច្ឆតានយោបាយ។ ពួកគេមិនយកចិត្តទុកដាក់ចំពោះភាពខុសគ្នានៅក្នុងកាលៈទេសៈប្រវត្តិសាស្ត្រ និងវប្បធម៌។ នៅពេលធ្វើរបាយការណ៍ ពួកគេតែងតែទទួលឥទ្ធិពលពីនយោបាយ និងការរើសអើង។ យើងរស់នៅ និងធ្វើការមិនមែនដើម្បីផ្គាប់ចិត្តអង្គការដូចជា Freedom House នោះទេ ប៉ុន្តែរដ្ឋវៀតណាមធ្វើការដើម្បីប្រជាជនមានជីវភាពប្រសើរជាង។ នោះជាប្រការសំខាន់បំផុត”។

ត្រូវតែបញ្ជាក់យ៉ាងច្បាស់ថា បក្សនិងរដ្ឋវៀតណាមតែងតែគោរព ការពារ និងធានាសិទ្ធិសេរីភាព និងលទ្ធិប្រជាធិបតេយ្យរបស់ប្រជាជន។ រដ្ឋសភាវៀតណាមក្នុងសម័យប្រជុំដែលកំពុងប្រព្រឹត្តទៅនៅទីក្រុងហាណូយ កំពុងពិភាក្សាលើការប្រកាសឱ្យអនុវត្តន៍ច្បាប់ស្តីពីលទ្ធិប្រជាធិបតេយ្យមូលដ្ឋាន ដើម្បីអនុវត្តន៍ជាក់ស្តែងនូវគោលនយោបាយលើកកម្ពស់លទ្ធិប្រជាធិបតេយ្យសង្គមនិយមយ៉ាងទូលំទូលាយ ដោយពាក្យស្លោក “ប្រជាជនដឹង ប្រជាជនពិភាក្សា ប្រជាជនធ្វើ ប្រជាជនត្រួតពិនិត្យ ប្រជាជនឃ្លាំមើល ប្រជាជនទទួលផល” តាមស្មារតីនៃសេចក្តីសម្រេចចិត្តនៃមហាសន្និបាតបក្សលើកទី១៣ ដោយបន្តការបញ្ជាក់អំពីសិទ្ធិរបស់ប្រជាជនក្នុងការធ្វើជាម្ចាស់ សិទ្ធិមនុស្ស  សិទ្ធិនិងកាតព្វកិច្ចជាមូលដ្ឋានរបស់ប្រជាពលរដ្ឋត្រូវបានចែងក្នុងរដ្ឋធម្មនុញ្ញឆ្នាំ ២០១៣ ដោយឈរលើមូលដ្ឋាននោះ រួមចំណែកក្នុងការកសាង និងសុក្រិតនូវនីតិរដ្ឋសង្គមនិយមវៀតណាម គឺ របស់ប្រជាជន ដោយប្រជាជន និងដើម្បីប្រជាជន។

មកដល់បច្ចុប្បន្ននេះ គោលនយោបាយអភិវឌ្ឍន៍មនុស្សរបស់វៀតណាមត្រូវបានអនុវត្តព្រមៗគ្នា និងទូលំទូលាយ ចាប់ពីការលុបបំបាត់ភាពអត់ឃ្លាន និងការកាត់បន្ថយភាពក្រីក្រ រហូតដល់ការអប់រំ ការថែទាំសុខភាព និងការអភិវឌ្ឍការងារ។ ទាំងនេះគឺជាមូលដ្ឋានគ្រឹះដ៏សំខាន់សម្រាប់មនុស្សគ្រប់រូបក្នុងសង្គម ក្នុងការបន្តទទួលផល និងអនុវត្តន៍សិទ្ធិនយោបាយ ស៊ីវិល សេដ្ឋកិច្ច វប្បធម៌ និងសង្គមប្រកបដោយគុណភាព ទូលំទូលាយ ស៊ីជម្រៅ មានគុណភាព ជាក់ស្តែងនិងមានប្រសិទ្ធភាពជាង។ មិនត្រឹមតែវៀតណាមប៉ុណ្ណោះទេ ប្រទេសទាំងអស់ក្នុងពិភពលោក ប្រសិនបើ ចង់វាយតម្លៃលើសេរីភាព លទ្ធិប្រជាធិបតេយ្យ និងសិទ្ធិមនុស្ស គឺប្រាកដជាត្រូវពឹងផ្អែកលើមតិរបស់ប្រជាជនភាគច្រើននៃប្រទេសនោះ។ ការដែលបុគ្គលនិងអង្គការមួយចំនួនដូចជា Freedom House មិនស្ថិតនៅក្នុងប្រទេសវៀតណាម ហើយមិនទទួលស្គាល់តាមរយៈការស្ទាបស្ទង់បរានុម័ត ប៉ុន្តែតែងតែធ្វើការវាយតម្លៃនិងវិនិច្ឆ័យអំពីប្រទេសវៀតណាមដោយពណ៌ប្រផេះ បានបង្ហាញឲ្យឃើញយ៉ាងច្បាស់ថា ទាំងនោះជាល្បិចកលមូលបង្កាច់ ដូច្នេះព័ត៌មានដែលពួកគេផ្តល់គឺគ្មានទំនុកចិត្តគ្រប់គ្រាន់នោះឡើយ។

ជាក់ស្តែង វៀតណាមបច្ចុប្បន្នជាប្រទេសមួយក្នុងចំណោមប្រទេសទាំង ២០ ដែលមានអត្រាប្រើប្រាស់អ៊ីនធឺណេតខ្ពស់បំផុតក្នុងពិភពលោក ដោយមានអ្នកប្រើប្រាស់ប្រហែល ៧០លាននាក់ (ស្មើនឹងជិត ៧០% នៃចំនួនប្រជាជន)។ ដូច្នេះហើយ ការចោទប្រកាន់របស់ Freedom House ថា វៀតណាមគ្មានសេរីភាព ហើយថា រដ្ឋាភិបាលកំពុងធ្វើការវាយប្រហារតាមប្រព័ន្ធអ៊ីនធឺណែត “ការបង្ក្រាបអន្តរព្រំដែន” ច្បាស់ណាស់ថា ជាពាក្យសំអាងមិនសមហេតុផល និងជាការមូលបង្កាច់យ៉ាងងងើល។ ច្បាស់លាស់ថា អង្គការ Freedom House និងគូប្រជែងរបស់ខ្លួនបានសំដែង "ល្ខោនប្រជាធិបតេយ្យ" មិនទំនង ក្នុងគោលបំណងវាយប្រហារលើវៀតណាម។ សកម្មភាពរបស់ Freedom House កាន់តែបង្ហាញភាពមិនស្របច្បាប់របស់ពួកគេ ដោយទាញយកផលប្រយោជន៍ពីឈ្មោះនៃការលើកកម្ពស់សេរីភាព និងលទ្ធិប្រជាធិបតេយ្យ ដើម្បីជ្រៀតជ្រែកចូលកិច្ចការផ្ទៃក្នុងរបស់វៀតណាម។ នេះជាសកម្មភាពឆ្លៀតយកប្រយោជន៍ពីលទ្ធិប្រជាធិបតេយ្យ រំលោភលើបទប្បញ្ញត្តិនៃច្បាប់អន្តរជាតិ និងរំលោភសិទ្ធិ និងផលប្រយោជន៍របស់ប្រជាជនវៀតណាមដោយផ្ទាល់៕