(VOV)_វង់ចរចារដោយបានអន្តរជាតិជាអាជ្ញាកណ្ដាល រវាងរដ្ឋាភិបាលស៊ីរី ជា
មួយភាគីប្រឆាំងគ្រោងនឹងប្រព្រឹត្តទៅនាថ្ងៃទី២៥មករា នៅទីក្រុង Geneva ស្វីស ត្រូវ
បានផ្អាក់ដល់ថ្ងៃទី២៩ មករា ដោយសារបញ្ហាមួយចំនួនមិនទាន់ដោះស្រាយអោយ
បានរួចរាល់។ ប៉ុន្តែមុននឹងការចរចារប្រព្រឹត្តទៅនោះ បណ្ដាការខ្វែងគំនិតរវាងភាគី
នានាត្រូវបានថមថយចុះឡើងវិញដែល​និងប្រការនេះ បានបង្កើតឡើងសេចក្ដី
សង្ឃឹមថ្មី អំពីការ​បញ្ចប់សង្គ្រាម ដែលបានអូសបន្លាយក្នុងរយៈពេល៥ឆ្នាំកន្លង
ទៅនៅស៊ីរី។

សេចក្តីសង្ឃឹមអំពីសន្តិភាពនៅស៊ីរីត្រូវបានកើតមានឡើង?

មុននឹងការចរចារសន្តិភាព កងទ័ពរដ្ឋាភិបាលស៊ីរីដណ្ដើមបានឧត្តមភាពជាច្រើន

          ក្នុងសភាពការណ៍​ការចរចារ ស្វែងរកសន្តិភាពសំរាប់ស៊ីរីដោយអង្គការសហ
​ប្រជាជាតិគាំពារ នឹងប្រព្រឹត្តទៅនៅទីក្រុង Geneva ស្វីសនេះកងទ័ពរដ្ឋាភិបាល ​រួម
ជាមួយកងកម្លាំងសេនាជនតំបន់ដណ្ដើមបានទីរួមស្រុក Rabia ពីក្រុមជន​បះបោរ។
 នេះគឺជាជ័យជំនះមានអត្ថន័យយុទ្ធសាស្ត្រ របស់កងកម្លាំងគាំទ្រប្រធានាធិបតី 
Bashar Al – Assad ក្នុងរយៈពេលជិត២សប្ដាហ៍ បន្ទាប់ពី​ពេល​ដណ្ដើម​បានទីរួម
ស្រុក Salma ពីពួកឧទ្ទាម នាថ្ងៃទី១២មករាកន្លងទៅ។ តាមមជ្ឈដ្ឋាន​អ្នកវិភាគថា៖
ទីរួមស្រុក Rabia មានទីតាំងយុទ្ធសាស្ត្រ ក្នុងខ្សែផ្លូវដឹកជញ្ជូនស្នូលក្នុងតំបន់។
 បានជា កងទ័ពរដ្ឋាភិបាលអាចប្រើប្រាស់ Rabia ដើម្បីបើកយុទ្ធ​នា​ការវាយប្រហារ
ទៅលើតំបន់នានានៅភាគខាងកើតខេត្ត Idlib ដែរ។

          នាពេលនោះ ក្នុងរបាយការណ៍របស់វិទ្យុឃ្លាំមើលសិទ្ធិមនុស្សស៊ីរី មានទី​
ស្នាក់ការនៅអង់គ្លេសបានអោយដឹងថា៖ ជ័យជំនះនេះរបស់រដ្ឋាភិបាល មានការ
ជួយឧបត្ថម្ភជាច្រើនពីភាគីរុស្ស៊ី។ ចាប់ពីថ្ងៃទី៣០កញ្ញាឆ្នាំ២០១៥មក រុស្ស៊ីបាន​
ចាប់ផ្តើមយុទ្ធនាការវាយប្រហារដោយជើងអាកាសទៅលើ​មូលដ្ឋាននានារបស់
​កងកម្លាំងភេរវកម្មនៅស៊ីរី តាមសំណូមពររបស់រដ្ឋអំណាចប្រធានាធិបតីស៊ីរី
 ​លោក​Bashar Al Assad ។ ដោយមានការធ្វើអន្តរាគមន៍នេះរបស់រុស្ស៊ី​ កងទ័ព
ស៊ីរី​មានបន្ថែម​ឧត្តមភាពជាច្រើន តាមនោះលើកកំពស់តួនាទីរបស់​ប្រធានាធិ
បតី​ Assad។

          នៅមានការខ្វែងគំនិត

ការចរចារសន្តិភាពស៊ីរី គ្រោងបានរៀបចំឡើងនាថ្ងៃទី២៥មករាហើយក្តី ​ប៉ុន្តែ
ដោយការខ្វែងគំនិតរបស់ភាគីនានា អំពីការជ្រើសតាំងគណៈប្រតិភូប្រឆាំង​ចូល
រួមការចរចារនេះ។ តាមទស្សនះរបស់អាល្លឺម៉ង់ ការចរចារនេះត្រូវមានការ​​​ចូលរួម
របស់ពួកឧទ្ទាមឥស្លាម ប៉ុន្តែគេមិនមែនជាភារវករទេ។ នាពេលនោះ ​គណៈកម្មាធិ
ការចរចារជាន់ខ្ពស់ របស់សម្ព័ន្ធមិត្ត ដោយ អារ៉ាប់ប៊ីសាអ៊ូឌីដ បាន​ផ្ញើបញ្ជីរាយ
នាមដំណាងចំនួន៣ចូលរួមការចរចារ។ ប៉ុន្តែ ក្នុងបញ្ជីរាយនាមនេះ មានឈ្មោះ 
Mohamed Alloush ថ្នាក់ដឹកនាំរបស់ក្រុមបះបោរ កងទ័ពឥស្លាម​ ជាប្រធាន។ រដ្ឋា
ភិបាលស៊ីរីនៅចាត់ទុកកងទ័ពឥស្លាម និងក្រុមជនប្រដាប់អាវុធផ្សេងៗទៀត ជា
ភេរវករ ជាកងកម្លាំងដែលគេមិនអាចចរចារជាមួយគ្នាបានឡើយ។ ទន្ទឹមនឹងនោះ
 រដ្ឋាភិបាលស៊ីរីក៏បានអំពាវនាវអោយបង្កើនបន្ថែមសមាជិកចូលរួម ដំណាង
អោយភាគីប្រឆាំង គឺបណ្ដាក្រុមជនប្រដាប់អាវុធ Kurd។ 

សេចក្ដីសង្ឃឹមមានតែតិចតួចប៉ុណ្ណោះ

រហូតមកដល់ពេលនេះ គ្រាន់តែមិនទាន់មានការព្រមព្រៀងណាមួយឡើយ 
តាមនោះ គណៈប្រតិភូប្រឆាំងអាចចូលរួមសន្និសីទសន្តិភាពនេះនៅទីក្រុង Geneva
 ស្វីស។ រដ្ឋមន្ត្រីការបរទេសអាមេរិក លោក​John Kerry បានអះអាងថា៖ ​រហូតមក
ដល់ពេលនេះ បណ្ដាភាគីទទួលបានការឯកភាពជាច្រើនថា៖ បន្ទាប់ពី​វង់ចរចារ
ដើមដំបូង នៃការចរចារនេះ ក្រុមជួយឧបត្ថម្ភអន្តរជាតិស៊ីរី ត្រូវបានកោះអញ្ជើញ
ដោយសារគ្មានអ្នកណាចង់អោយដំណើការនេះត្រូវផ្អាក់ទៀតទេ។ ប៉ុន្តែ លោក 
Kerry ក៏បានទទួលស្គាល់ថា៖នៅមានឧបសគ្គជាច្រើននៅខាងមុខនេះ។ 

បញ្ហាមួយទៀតក៏បានជះឥទ្ធិពលជាច្រើនដល់ដំណើរសន្តិភាពរបស់ស៊ីរី នោះ
គឺអនាគតរបស់ប្រធានាធិបតី Assad។ នេះមិនមែនជាបញ្ហាថ្មីក្តី ប៉ុន្តែបន្តជាបញ្ហា
ដែលអាមេរិកនិងរុស្ស៊ីជជែកជាច្រើនលើកផងដែរ។ ប៉ុន្តែ ក្នុងការខំប្រឹងប្រែងមួយ
 ​ដែលបានចាត់ទុកជាកាយវិការស្វែងរកដំណោះស្រាយ​មួយ អាមេរិកបានមិន​
បង្ខំលោក Assad ត្រូវលាលែងពីដំណែង ដូចជាលក្ខណះសម្រេចសំខាន់ ក្នុង​ដំ
ណើការផ្លាស់ប្តូរនយោបាយនៅស៊ីរីោឡើយ។

បណ្ដាព្រឹត្តិការណ៍នានាពោលខាងលើអាចជាក្តីសង្ឃឹម រួមជាមួយការខំប្រឹង
ប្រែងដោយឥតឈប់ឈរ របស់សហគមន៍អន្តរជាតិដើម្បីដោះស្រាយជំលោះនៅ
ស៊ីរី។ជាងពេលណាទាំងអស់ ប្រជាជនស៊ីរីជាមនុស្សកំពុងរង់ចាំអំពីសន្តិភាពនៅ
លើប្រទេសនេះ ក្រោយរយៈពេល៥ឆ្នាំ ត្រូវគ្រប់ដណ្ដប់ដោយរាត្រីងងឹតរបស់សង្គ្រាម៕  ​