វៀតណាមកំពុងគ្រប់គ្រងម៉ាក្រូសេដ្ឋកិច្ចបានយ៉ាងល្អ

ក្នុងបរិបទកំណើនសេដ្ឋកិច្ចពិភពលោកទាប វៀតណាមនៅតែមានកំណើនខ្ពស់។ ខណៈដែលពិភពលោកមានអតិផរណាខ្ពស់ វៀតណាមអាចរក្សាបានអតិផរណាទាប។ ខឿនសេដ្ឋកិច្ច
វៀតណាមមានភាពបើកចំហដ៏ធំធេង ទំហំនាំចូលនាំចេញសរុបត្រូវបានប៉ាន់ប្រមាណថា សម្រេចបានចំនួន ៧៥០ ពាន់លានដុល្លារអាមេរិក ខ្ពស់ជាង GDP ប្រហែលទ្វេដង។ សន្ទស្សន៍ស្ដីពីភាពធន់ សមត្ថភាពសម្របខ្លួន និងភាពខ្លួនទីពឹងខ្លួននៃខឿនសេដ្ឋកិច្ចវៀតណាម ស្ថិតក្នុងកម្រិតមធ្យមនិងល្អបង្គួរ។ វៀតណាមក៏រងផលប៉ះពាល់យ៉ាងធ្ងន់ធ្ងរដោយជំងឺរាតត្បាត និងគ្រោះមហន្តរាយធម្មជាតិ។ សម្ពាធលើម៉ាក្រូសេដ្ឋកិច្ចគឺធំណាស់។ ទោះជាយ៉ាងណាក៏ដោយ វៀតណាមបានគ្រប់គ្រងម៉ាក្រូបានយ៉ាងល្អ។ ទីភ្នាក់ងារវាយតម្លៃឥណទានបានលើកចំណាត់ថ្នាក់ឥណទានរបស់វៀតណាម។ អង្គការអន្តរជាតិដូចជា WB, IMF, ADB... ព្យាករថា កំណើន GDP របស់ វៀតណាមក្នុងឆ្នាំ ២០២២ នឹងសម្រេចបានក្នុងចន្លោះ ៦,៧-៧,៥% អតិផរណាទាបជាង ៤%... ក្នុងឆ្នាំ ២០២២ វៀតណាមមានគោលនយោបាយសារពើពន្ធត្រូវបានអនុវត្តន៍ជាបន្តបន្ទាប់ដែលមិនធ្លាប់មានពីមុនមក។ ការជួយកាត់បន្ថយពន្ធ និងជំនួយសារពើពន្ធបានជួយធ្វើឲ្យស្ថានភាពម៉ាក្រូមានស្ថេរភាព; កញ្ចប់ជំនួយមួយចំនួនទាក់ទងនឹងការជួយទ្រទ្រង់អាជីវកម្ម ក៏ដូចជាជួយឧបត្ថម្ភពលករ បានរួមចំណែកដល់ស្ថិរភាពសេដ្ឋកិច្ចសង្គម ហើយដោះស្រាយការងារ។ ច្បាស់លាស់ថា វៀតណាមបានព្យាករណ៍ វិភាគ ដោះស្រាយដោយសមហេតុផល ហើយគោលនយោបាយម៉ាក្រូសុទ្ធតែស្ថិតក្រោមទិសដៅត្រឹមត្រូវ។ នាយកបណ្ឌិតសភានយោបាយជាតិហូជីមិញ លោក Nguyen Xuan Thang បានឲ្យដឹងថា៖

“ប្រការដ៏ពិសេសនោះគឺ ផ្ទុយនឹងខាងក្រៅ សេដ្ឋកិច្ចវៀតណាមបានឆ្លងផុតដំណាក់កាលដ៏លំបាកបំផុតដោយការរីករាលដាលយ៉ាងខ្លាំងនៃជំងឺរាតត្បាតកូវីដ-១៩ ហើយរក្សាបាននូវសន្ទុះកំណើនវិជ្ជមានក្នុងរយៈពេលជិត ៩ ខែកន្លងមក រក្សារឹងមាំស្ថិរភាពម៉ាក្រូសេដ្ឋកិច្ច គ្រប់គ្រងអតិផរណាប្រកបដោយប្រសិទ្ធភាព។ ជាមូលដ្ឋានធានាបាននូវតុល្យភាពធំ ហើយត្រូវបានគេព្យាករណ៍ថានឹងមានកំណើនសុទិដ្ឋិនិយមក្នុងឆ្នាំ២០២២”។

គន្លឹះសម្រាប់សេដ្ឋកិច្ចវៀតណាមបន្តរីកចម្រើនប្រកបដោយនិរន្តរភាព

យោងតាមនាយកបណ្ឌិតសភានយោបាយជាតិហូជីមិញ លោក Nguyen Xuan Thang ការរំដោះប្រភពធនធាន ហើយពង្រីកកម្លាំងចលករសម្រាប់កំណើននៅក្នុងស្រុកចាំបាច់ត្រូវក្លាយជាវិធីអភិក្រមថ្មីដើម្បីពង្រឹងមូលដ្ឋានម៉ាក្រូសេដ្ឋកិច្ច ជំរុញការស្តារសេដ្ឋកិច្ចឡើងវិញ និងការអភិវឌ្ឍប្រកបដោយចីរភាព។ ក្នុងនោះ ការផ្តោតសំខាន់ទៅលើការសុក្រិតក្របខ័ណ្ឌរបៀបរបប និងច្បាប់ស្តីពីការគ្រប់គ្រងដីធ្លី និងទីផ្សារអចលនទ្រព្យ នឹងធ្វើអាជីវកម្មប្រកបដោយប្រសិទ្ធភាពនូវប្រភពធនធានដ៏សំខាន់មួយនៃសេដ្ឋកិច្ចជាតិ។ ទាក់ទិននឹងបញ្ហានេះ រដ្ឋមន្ត្រីក្រសួងធនធានធម្មជាតិនិងបរិស្ថាន លោក Tran Hong Ha បានមានប្រសាសន៍ថា៖

“ការងារផែនការមេ ត្រូវតែផ្លាស់ប្ដូរថ្មីក្នុងទិសដៅ ខ្លឹមសារ និងទម្រង់ ដើម្បីបែងចែកធនធានដ៏ពិសេស មានតម្លៃ និងសំខាន់នេះ។ ខ្លឹមសារថ្មីៗ នឹងធានាបាននូវភាពយុត្តិធម៌ និងសមភាពសម្រាប់គ្រប់ភាគី ដោះស្រាយតម្រូវការប្រើប្រាស់ដីធ្លី ដោះស្រាយបញ្ហានានានៅក្នុងអតីតកាល បច្ចុប្បន្ន និងអនាគត។ ទី២ គឺត្រូវស្វែងរកវិធីដើម្បីបង្រួញគម្លាតរវាងការវាយតម្លៃដីធ្លី និងហិរញ្ញវត្ថុដីធ្លី។ ការកំណត់តម្លៃត្រឹមត្រូវនឹងរួមចំណែកដល់ការអនុវត្តគោលនយោបាយសង្គមកិច្ច។ ទីបី ចាំបាច់ត្រូវកសាងទិន្នន័យដីធ្លី ជំរុញការផ្លាស់ប្តូរឌីជីថលក្នុងវិស័យនេះ”។

ទីផ្សារភាគហ៊ុន មូលបត្របំណុលសាជីវកម្ម មូលបត្របំណុលរដ្ឋាភិបាល រូបិយវត្ថុ អចលនទ្រព្យ... គឺជាសរសៃឈាមនៃខឿនសេដ្ឋកិច្ច។ ដូច្នេះហើយ ចាំបាច់ត្រូវធានាចរន្តឈាមឲ្យមានសុខភាពល្អ និងអភិវឌ្ឍន៍ប្រកបដោយចីរភាព។ លោក Nguyen Duc Chi អនុរដ្ឋមន្ត្រីក្រសួងហិរញ្ញវត្ថុបានឲ្យដឹងថា ក្រសួងមានការតំរង់ទិស និងដំណោះស្រាយដើម្បីឲ្យមូលបត្របំណុលសាជីវកម្មក្លាយជាកាណាល់កៀងគរមូលធនរយៈពេលមធ្យមនិងវែងប្រកបដោយប្រសិទ្ធភាព។

“បន្តសុក្រិតក្របខ័ណ្ឌច្បាប់នៃទីផ្សារ ពិនិត្យច្បាប់ដែលទាក់ទងដោយផ្ទាល់ទៅនឹងសិទ្ធិចេញមូលបត្របំណុលសាជីវកម្ម និងការកៀរគរដើមទុន (ច្បាប់សហគ្រាស និងច្បាប់ស្តីពីមូលបត្រ)។ ក្នុងនោះមានបញ្ហា៣ក្រុមដែលត្រូវពិចារណានិងរាយការណ៍ជូនរដ្ឋសភារួមមាន៖ លក្ខខណ្ឌសម្រាប់សាជីវកម្មដែលសុំឲ្យដាក់លក់មូលបត្របំណុល; លក្ខខណ្ឌសម្រាប់វិនិយោគិនដែលត្រូវបានអនុញ្ញាតឲ្យវិនិយោគលើមូលបត្របំណុលសាជីវកម្ម; របៀបចេញផ្សាយមូលបត្របំណុលឯកជននិងចេញផ្សាយមូលបត្របំណុលសាធារណៈ; ទីពីរ ធ្វើពិពិធកម្ម និងកែលម្អតម្រូវការវិនិយោគលើមូលបត្របំណុលសាជីវកម្ម។ ទីបី គឺការកែលម្អគុណភាពនៃអន្តរការីហិរញ្ញវត្ថុដែលចូលរួមក្នុងដំណើរការចេញផ្សាយមូលបត្របំណុលសាជីវកម្ម”។

មេរៀនជាក់ស្តែងក្នុងរយៈពេលជាង ៣៥ ឆ្នាំនៃបុព្វហេតុផ្លាស់ប្ដូរថ្មី រួមទាំងក្នុងដំណាក់កាលលំបាក ពោរពេញទៅដោយបញ្ហាប្រឈមដ៏ធ្ងន់ធ្ងរដូចរយៈពេល២ឆ្នាំមុន បានបង្ហាញឲ្យឃើញថា ការធានាស្ថិរភាពម៉ាក្រូសេដ្ឋកិច្ចគឺជាកត្តា “ឥតងាករេ” ដើម្បីទប់ទល់នឹងការប្រែប្រួលនៃស្ថានភាពសេដ្ឋកិច្ចអន្តរជាតិ។ ការរក្សារឹងមាំនូវស្ថិរភាពមូលដ្ឋានម៉ាក្រូសេដ្ឋកិច្ច នឹងជួយវៀតណាមពង្រីកសក្ដានុពលសេដ្ឋកិច្ចដ៏ធំធេង៕