ដោយការប្តេជ្ញាចិត្តចាប់ផ្តើមអាជីពធ្វើមាននោះ នាឆ្នាំ២០០២ លោក Nguyen Quoc Viet បានចាប់ផ្តើមការងារបង្កបង្កើនផលលើវាលស្រែរបស់គ្រួសារខ្លួននិងចូលរួមកិច្ចការ សង្គម។ ដល់ឆ្នាំ២០០៥ លោកបានខ្ចីប្រាក់ធនាគារទិញម៉ាស៊ីនប្រមូលផលសម្រាប់ បម្រើតម្រូវការផលិតកម្មរបស់ក្រុមគ្រួសារខ្លួននិងអោយអ្នកភូមិជួលដើម្បីរកប្រាក់ ចំណូលបន្ថែម។

លោក Nguyen Quoc Viet នៅក្បែរម៉ាស៊ីនប្រមូលផលស្រូវ (រូបថត៖ VOV)

        ឃើញថា ពលករបម្រើការងារកសិកម្មកាន់តែតិចទៅៗ ជាពិសេស គឺក្នុងរដូវប្រមូលផល ហើយលោក Viet ក៏បានឃើញនូវប្រសិទ្ធភាពវិនិ យោគ នៃការទិញម៉ាស៊ីនប្រមូលផល បានជាលោកសម្រេចចិត្តទិញបន្ថែមម៉ាស៊ីនពីរគ្រឿង ទៀត។ ដល់រដូវប្រមូលផល គឺមានយុវជនរាប់សិបនាក់បានចូលរួមការច្រូតស្រូវ ប្រ មូលស្រូវជួយម្ចាស់ស្រែ។ Tran Huu Lam យុវជនម្នាក់នៃក្រុមប្រមូលផលស្រូវបានឲ្យដឹងថា តាំង ពីធ្វើការជាមួយលោក Viet មក ខ្លូនលោកផ្ទាល់និងយុវជនច្រើន នាក់ក្នុងតំបន់គឺទទួលបានចំណូលល្អប្រសើរហើយការងារក៏មិនសូវធ្ងន់ធ្ងរដែរ។

        “យើងត្រឹមតែដើរតាមម៉ាស៊ីនប៉ុណ្ណោះ។ ដោយមានម៉ាស៊ីនច្រូតកាត់ស្រូវហើយបានជាការងារ មិនពិបាកទេ។ ដល់រដូវប្រមូលផលគឺរួមគ្នាធ្វើ។ មានម៉ាស៊ីនជួយកម្លាំងមនុស្សហើយ ជីវភាពកាន់តែបានកែ លំអពីមួយថ្ងៃទៅមួយថ្ងៃ”។

        មិនត្រឹមតែស្ថិតក្នុងដំណាក់កាលប្រមូលផលស្រូវប៉ុណ្ណោះទេ លោក Nguyen Quoc Viet ថែមទាំងផលិតពូជស្រូវដាំដុះទៀតផង។ ក៏ដោយសារពូជស្រូវដែលលោក ផលិតនោះមានគុណភាពខ្ពស់ បានជាតម្លៃលក់ចេញគឺខ្ពស់ជាងតម្លៃទីផ្សារ។ ឆ្នាំ២០១២ លោក Viet បានបង្កើតក្រុមផលិតពួជស្រូវភូមិ Kinh Moi។ ក្រុមនេះមានសមាជិកចំនួន ៥នាក់ដែលចូលរួមផលិតកម្មលើផ្ទៃដី៧ហិកតា។ ដោយបានចូលរួមវគ្គវឹកហាត់បច្ចេកទេសផលិតពួជស្រូវរបស់ផ្នែកកសិកម្មតំបន់ ថែមទាំងមានការព្យាយាម បានជា សមាជិកទាំង៥នាក់នេះ ផលិតបានពួជស្រូវទទួលបានទិន្នផល៨តោនក្នុងមួយហិកតា ។ ពួជស្រូវលក់ចេញក្នុងតម្លៃ១ម៉ឺនដុង/មួយគីឡូក្រាម។ លោក Nguyen Quoc Viet ឲ្យដឹងថា៖

        “នៅទីនេះ ប្រជាកសិករបានអនុវត្តបច្ចេកវិទ្យាជឿនលឿន ហើយកម្មាភិបាល ការិយាល័យកសិកម្មនិងសម្ព័ន្ធយុវជនឃុំគេឃើញមានប្រសិទ្ធភាព បានជាគេចលនា បង្កើតក្រុមផលិតពួជស្រូវលក់អោយប្រជាកសិករក្នុងតំបន់។ ស្រុកមួយចំនួនរបស់ខេត្ត  Dong Thap ក៏បាន មកទិញពួជស្រូវគុណភាពខ្ពស់ច្រើនផងដែរ”។

        ពីលទ្ធផលនេះ យុវជនក្នុងឃុំជាច្រើន បានឈរឈ្មោះចូលរួមក្រុមផលិតកម្ម លើកចំនួនសមាជិកឡើងដល់១៦នាក់ ហើយផ្ទៃដីដាំដុះឡើងដល់២១ហិកតា។ ពាក្យ ស្លោករបស់ក្រុមនេះគឺសមាជិកចាស់ ផ្ទេប្រគល់បទពិសោធន៍ទៅឲ្យសមាជិកថ្មី និង តែងតែអញ្ជើញវិស្វករកសិកម្មចុះទៅត្រួតពិនិត្យតាមដានការលូតលាស់របស់ស្រូវ។ ហេតុ ដូច្នេះបានជា ពួជស្រូវទទួលបានបទដ្ឋានរបស់ផ្នែកកសិកម្មហើយទទួលបានការបញ្ជា ទិញជាច្រើន។ រហូតមកដល់ពេលនេះ ផ្ទៃដីផលិតពួជស្រូវ Kinh Moi បានឡើងដល់ ៣៣ហិកតា ដោយមានសមាជិកជិត៣០នាក់។

        លោក Nguyen  Hoai Phong  លេខាសម្ព័ន្ធយុវជន My Thuan ស្រុក Binh Tan បានឲ្យដឹងថា លោក Nguyen Quoc Viet ជាយុវជនព្យាយាមនិងមានការច្នៃប្រឌិត។ តាំងពីកសាងគ្រួសារមក លោកបានឪពុកម្តាយប្រគល់ឲ្យដីដំាដុះចំនួន៤ពាន់មែត្រក្រឡា រហូតមកដល់ទីនេះលោកមានដីច្រើនហិកតាហើយ៖

        “និយាយរួមគឺលោក Viet បានជួយយុវជនក្នុងភូមិមានការងារធ្វើ។ បន្ទាប់ពីចាប់ ផ្តើមអាជីពប្រកបដោយប្រសិទ្ធិភាពនោះ លោកបានទិញម៉ាស៊ីនជួយយុវជនក្នុងភូមិ ជួយដោះស្រាយការងារធ្វើសម្រាប់យុវជនក្នុងតំបន់”។

        រីឯអ្នកស្រី Huynh Thu លេខាសម្ព័ន្ធយុវជន Vinh Long បានពិនិត្យថា៖

        “លោក Viet ជាយុវជនម្នាក់មានឆន្ទៈ ហ៊ាននិយាយ ហ៊ានធ្វើដោយវិនិយោគនូវ សំភារៈទំនើបដើម្បីអនុវត្តគោលបំណងចាប់ផ្តើមអាជីពរបស់ខ្លួន។ លោកក៏ជាសមាជិក សម្ព័ន្ធយុវជនគំរូមួយនាក់ ដែលមិនត្រឹមតែយកចិត្តទុកដាក់លើការងារអាជីវកម្ម អភិវឌ្ឍន៍សេដ្ឋកិច្ចប៉ុណ្ណោះទេ ថែមទាំងយកចិត្តទុកដាក់លើការងារសង្គមនិងចូលរួម រាល់សកម្មភាពក្នុងតំបន់ទៀតផង”។

        ជាមួយនឹងការងារជាក់ស្តែងប្រកបដោយប្រសិទ្ធិភាពនោះ រហូតមកដល់ពេល នេះ យុវជនដែលបានលោក Viet ជួយនោះសុទ្ធតែមានឆន្ទៈរួចផុតពីភាពក្រីក្រធ្វើមាន ។ លោក Nguyen Quoc Viet ត្រូវបានជ្រើសតាំងជាលេខាសាខាសម្ព័ន្ធយុវជនភូមិ Ap Moi នឹងបានមជ្ឈឹមសម្ព័ន្ធយុវជនប្រគល់ប័ណ្ណសរសើនិងទទួលបានពានរង្វាន់ Luong Dinh Cua ឆ្នាំ២០១៥ផងដែរ៕