អ្នកស្រី Dao Thi Phuong Anh  (រូបថត៖ VOV5)

អ្នកស្រី Dao Thi Phuong Anh មានអាយុ៣១ឆ្នាំ បានប្រកបរបរជា មគ្គុទេសទេសចរណ៍ក្នុងរយៈពេល៧ឆ្នាំកន្លងមកហើយ។ អាស្រ័យដោយមាន ភាពស្ទាត់ជំនាញខាងភាសាបរទេសថែមទាំង មានបទពិសោធន៍ជាច្រើនក្នុង ការទាក់ទងប្រាស្រ័យជាមួយជនបរទេសទៀត ហេតុដូច្នេះបានជាអ្នកស្រីបានចុះ ឈ្មោះភ្លាមៗបន្ទាប់ពីដឹងថាទីក្រុងហាណូយកំពុងខ្វះខាតអ្នកបកប្រែ សម្រាប់ជនបរទេសនៅតាមមណ្ឌលចត្តាឡីស័កនិងមន្ទីរពេទ្យក្នុងទីក្រុង។ គ្រួសារញាតិសន្ដាននិងមិត្តភក្តិរបស់អ្នកស្រី Phuong Anh បន្ទាប់ពីដឹង ថានាងស្ម័គ្រចិត្តចូលធ្វើការនៅមណ្ឌល ចត្តាឡីស័ក សុទ្ធតែមានការ ព្រួយបារម្ភខ្លាំងណាស់ ប៉ុន្តែខ្លួនាងផ្ទាល់មិនភ័យ ខ្លាចនោះឡើយដោយមានបំណងចង់កម្លាំងកាយដ៏តូចតាចរបស់ខ្លួន ទៅក្នុងការងារបង្ការនិងប្រយុទ្ធប្រឆាំងជំងឺឆ្លង។ អ្នកស្រី Dao Thi Phuong Anh បានរៀបរាប់ថា៖

“តាមពិត ការដែលខ្ញុំស្ម័គ្រចិត្តធ្វើការនៅក្នុងមណ្ឌលចត្តាឡីស័កនោះ មិនមែនជារឿងធ្ងន់ធ្ងរនោះឡើយ។ ខ្ញុំក៏ខ្លាចដែរ ប៉ុន្តែមិនមែនជាការខ្លាចជំងឺ នោះទេដោយសារខ្ញុំដឹងថា ប្រសិនបើខ្ញុំជួបបញ្ហាអ្វី រដ្ឋមិនដែលទុកចោលខ្ញុំ ឡើយ។ ប្រការតែមួយគត់ដែលខ្ញុំខ្លាចគឺ ប្រសិនបើខ្ញុំត្រូវឆ្លងជំងឺ នឹងមាន ហានិភ័យឆ្លងរីករាលដាលទៅកាន់អ្នកដទៃ”។

អ្នកស្រី Dao Thi Phuong Anh ត្រូវបានប្រគល់ភារកិច្ចធ្វើជាអ្នកបកប្រែ នៅមណ្ឌលចត្តាឡីស័កមួយកន្លែងនៅទីរួមស្រុក Son Tay ជាយរដ្ឋធានីហាណូយ។ នៅទីនេះ មានពលរដ្ឋបរទេសមកពីអាល្លឺម៉ង់ អង់គ្លេស អេស្ប៉ាញ់និងកូរ៉េ ខាងត្បូងជាដើម។ នៅពេលទើបតែមកដល់ទីនេះ ពួកគេតែងតែមានអារម្មណ៍ភ័យស្លន់ស្លោ យ៉ាងខ្លាំងដោយមិនដឹងថា តើអ្វីជាការធ្វើចត្តាឡីស័ក។ ប៉ុន្តែ ដោយមានការជួយឧបត្ថម្ភយ៉ាងសកម្មរបស់កងទ័ព អ្នក ស្ម័គ្រចិត្តនិងអ្នកបកប្រែ ពួកគេបានយល់ហើយជឿជាក់ទៅលើគោលនយោ បាយធ្វើចត្តាឡីស័ករបស់អាជ្ញាធរទីក្រុងហាណូយ។ មិនត្រឹមតែប៉ុណ្ណោះទេ ក្នុងអំឡុងពេលធ្វើចត្តាឡីស័ក ជនបរទេសខ្លះៗថែមទាំងសរសេរសំបុត្រ ថ្លែងអំណរគុណហើយស្ងើចសរសើរវៀតណាមក្នុងការងារបង្ការ ទប់ស្កាត់ ជំងឺឆ្លង ព្រមទាំងបង្ហោះលើវេទិកានានារបស់ជនបរទេសទៀតផង។ ការងារ ដ៏ស្ងៀមស្ងាត់របស់កម្លាំងអ្នកស្ម័គ្រចិត្តដូចជាអ្នកស្រី Dao Thi Phuong Anh បានរួមចំណែកយ៉ាងសំខាន់ទៅក្នុងជោគជ័យនៃការងារប្រយុទ្ធប្រឆាំងជំងឺ ហើយទទួលបានការស្ងើចសរសើររបស់សង្គមទាំងមូល។ លោក Cao Huy Hoang នៅទីក្រុងហាណូយ បានចាត់ទុកថា៖

“នាពេលកន្លងទៅ មានជនបរទេសជាច្រើនដែលមកដល់វៀតណាម ប៉ុន្តែត្រូវបានរកឃើញឆ្លងវីរុស SARS-CoV-2។ ហេតុដូច្នេះ ការងាររបស់ កម្លាំងអ្នកបកប្រែសម្រាប់ជនបរទេសទាំងនោះ គឺសំខាន់ណាស់។ ពួកគេ បានជួយឲ្យវេជ្ជបណ្ឌិតដឹងស្ថានភាពសុខភាពរបស់អ្នកជំងឺ ដើម្បីសម្រេច វិធីព្យាបាលឲ្យមានប្រសិទ្ធភាពបំផុត។ ហេតុដូច្នេះ អ្នកបកប្រែទាំងនោះ មានគុណបំណាច់ធំណាស់ក្នុងការប្រយុទ្ធប្រឆាំងជំងឺ Covid-19 លើកនេះ”។

ចំពោះអ្នកស្រី Dao Thi Phuong Anh រយៈពេល១៤ថ្ងៃធ្វើជាអ្នកបក ប្រែនៅមណ្ឌលចត្តាឡីស័កទីរួមស្រុក Son Tay នោះ គឺពេលវេលាពោរ ពេញទៅដោយអត្ថន័យនិងគួរឲ្យចងចាំ។ អ្នកស្រីបានចែករំលែកថា៖

“នៅពេលទើបតែចូលក្នុងមណ្ឌលចត្តាឡីស័ក ខ្ញុំភ្ញាក់ផ្អើលណាស់ ដោយសារចំនួនកម្មាភិបាល យុទ្ធជននិងវេជ្ជបណ្ឌិតនៅទីនេះ មានតិចតួច ពេកបើធៀបនឹងចំនួនអ្នកធ្វើចត្តាឡីស័ក។ ពោលគឺមានតែយុទ្ធជនត្រឹម១២ ទៅ១៣នាក់ ប៉ុណ្ណោះ ប៉ុន្តែត្រូវថែទាំឲ្យមនុស្ស៨០០នាក់ ចាប់ពីការរៀបចំ ឥវ៉ាន់  ចែក ចាយអាហារ រហូតដល់ការបោសសម្អាតអនាម័យ កំចាត់មេរោគ។ ដំណាក់ កាលនោះក៏ជាពេលវេលាដែលស្ថានភាពជំងឺនៅវៀតណាមឡើងដល់ កំពូលផងដែរ។ ស្ទើរតែរាល់ជើង ហោះហើរ ពីអឺរ៉ុបគឺសុទ្ធតែមានអ្នកឆ្លង Covid-19។ ការងារនោះពិតជាលំបាកនិងគ្រោះថ្នាក់ណាស់ ប៉ុន្តែយើងទាំងអស់គ្នាមិនភ័យខ្លាចអ្វីឡើយ”។

ស្មារតីស្ម័គ្រចិត្តចូលរួមនៅខ្សែប្រយុទ្ធជួរមុខរបស់បណ្ដាអ្នកបកប្រែដូចជាអ្នកស្រី Dao Thi Phuong Anh ពិតជាគួរឲ្យគោរពសរសើរ ដូចទៅនឹងសាររបស់លោកនាយករដ្ឋមន្រ្តី រដ្ឋាភិបាលដែលថា “ប្រយុទ្ធប្រឆាំងជំងឺឆ្លងដូចនឹងប្រយុទ្ធប្រឆាំងនឹងខ្មាំង សត្រូវអញ្ចឹងដែរ” មានន័យថាប្រជាជនម្នាក់ៗសុទ្ធតែជាយុទ្ធជន ហើយគ្មាននរណាម្នាក់ ឈរនៅពីក្រៅក្នុងការប្រយុទ្ធប្រឆាំងនេះឡើយ។ ការលះបង់ដ៏ស្ងៀមស្ងាត់ របស់អ្នកស្រី Dao Thi Phuong Anh បានរួមចំណែកទៅក្នុងកិច្ចខិតខំប្រឹង ប្រែងរួមរបស់ប្រទេសជាតិទាំងមូលដើម្បីរុញថយក្រោយជំងឺរាតត្បាត៕