VOVWORLD_រួមជាមួយប្រព័ន្ធអក្សរសាស្រ្តជាភាសាចិនដែលបាន
ចាររិកលើសំណង់ស្ថាបត្យកម្មបរមរាជវាំងHueគឺសំណុំរឿងឈើពុម្ភអក្សរ
TRUONG LUU នឹងត្រូវបានវៀតណាមដាក់ជូនអង្គការ UNESCO ពិនិត្យ
មើលនាចុងឆ្នាំនេះ​ដើម្បី​ទទួលស្គាល់ជាកេរ្តិ៍ដំណែលឯកសារអាស៊ី 
ប៉ាស៊ីហ្វីក។ ទោះបីឈើពុម្ភអក្សរ TRUONG LUUចជាទ្រព្យសម្បតិ្តរបស់
ត្រកូលមួយក្ដីតែវាមានតំលៃ​ក្នុងការ​ស្រាវ​ជ្រាវវិស័យអក្សរសាស្រ្ត 
ប្រវតិ្តសាស្រ្ភ​​​ភូមិសាស្រ្ត សេដ្ឋកិច្ច ការទូត អប់រំ និងបចេ្ចកទេសបោះពុម្ភ
របស់វៀតណាមនាសតវត្សទី១៨។ 

ឈើពុម្ភអក្សរ TRUONG LUU មានចំនួនជាង២០០០ពុម្ភដែលបានឆ្លាក់​អក្សរ
​ចិនបញ្ច្រាសដើម្បីបោះពុម្ភសៀវភៅបំរើវិស័យអប់រំនិងការប្រលងជ្រើសអ្នក
ពូកែសំរាប់ប្រទេសជាតិនាសករាជស្ដេច Le សតវត្សទី១៨។ ឈើពុម្ភអក្សរ
ទាំងនេះត្រូវបានត្រកូល Nguyen Huy នៅខេត្ត Ha Tinh ភាគកណ្ដាលវៀត
ណាមកែឆ្នៃ​និង​ថែរក្សា។​ រយៈពេលគេកែឆ្នៃឈើពុម្ភអក្សរនេះត្រូវបានចែង
ច្បាស់គឺចាប់​ពីឆ្នាំ​១៧៥៨ដល់ឆ្នាំ១៧៨៨ពោលគឺមុននេះជាង២៥០ឆ្នាំដែល
ធ្វើនៅភូមិ Truong Luu ឃុំ Lai Thach ស្រុក ​Can Loc ខេត្ត Ha Tinh។ គួរឲ្យ
ចាប់អារម្មណ៍គឺឈើពុម្ភអក្សរ TRUONG LUU មានខ្លឹមសារសំខាន់ជាសៀវ
ភៅរបស់អ្នកកាន់​លិទ្ធិខុងជីនិយម​តែបានសម្រិតសម្រាំងនិងកែសំរួលជា
ច្រើន។ ឆ្លងកាត់ការប្រែប្រួលនៃប្រវត្តិសាស្រ្តឥឡូវនេះនៅបណ្ណាល័យ Phuc
 Giang របស់បណ្ឌិត Nguyen Huy Oanh នៅ​រក្សាទុកនូវឈើពុម្ភអក្សរចំនួន
៣៩៤ក្នុងនោះមាន៣៧៩ពុម្ភសំរាប់បោះពុម្ភសៀវភៅរបស់អ្នកកាន់លិទ្ធិខុង
ជីនិយមចំនួយ១២ច្បាប់។ សាស្រ្តាចារ្យ Nguyen Huy My ជាកូនចៅជំនាន់
ក្រោយនៃក្រកូល Nguyen Huy បានឥ្យដឹងថា

"ក្នុងកម្រងសៀវភៅទស្សនវិជ្ជានិងអក្សរសាស្រ្តនេះ លោក Nguyen Huy Tu
បានបញ្ចូលជំពូកស្ដីពីរាជកាលស្ដេច Dinh – Le – Ly – Tran​ របស់វៀត
ណាមដើម្បី​បង្រៀនឲ្យសិស្ស​ដែលក្នុងនោះមានការធ្វើអត្ថាធិប្បាយអំពី
បណ្ដាស្ដេច។​ ប្រការនេះខុសឆ្ងាយពីកម្រងសៀវភៅទស្សនវិជ្ជានិងអក្សរ
សាស្រ្តរបស់ចិន"។

ឈើពុម្ភអក្សរ Truong Luu ត្រូវបានអ្នកវប្បធម៌ល្បីឈ្មោះចំនួន៥នាក់​ក្នុង​
ត្រកូល Nguyen Huy រៀបរៀង។ នោះគឺលោក Nguyen Huy Tuu  Nguyen
Huy Oanh Nguyen Huy Cu  Nguyen Huy Quynh និងNguyen Huy Tu។ មាន
ជន៤នាក់ក្នុង​ចំណោមពួកគេជាគ្រូបង្រៀននៅ Quoc Tu Giam ដែលជាមហា
វិទ្យាល័យ​ដើមដំបូង​របស់វៀតណាម។តាមបណ្ឌិត Pham Van Anh នៅវិទ្យា
ស្ថាន​អក្សរសាស្រ្ត​ចំណុះ​​បណ្ឌិតសភាវិទ្យាសាស្រ្តសង្គមវៀតណាមឲ្យដឹងថា
​ឈើពុម្ភអក្សរ Truong Luu ​បង្ហាញឲ្យឃើញនូវទិសដៅជ្រួតជ្រាបរបស់
មជ្ឈដ្ឋាន​អ្នកកាន់លិទ្ធិខុងជីនិយមនៅប្រទេសវៀតណាមនាគ្រានោះ។ ក្រៅ
ពីតំលៃអំពីបចេ្ចកទេសពុម្ភឆ្លាក់និងអក្សរសរសេរ ឈើពុម្ភអក្សរ Truong Luu 
បានបើកចេញ​នូវទិសដៅស្រាវជ្រាវ​សំខាន់​ពីរ។ ​នោះគឺទិសដៅស្រាវជ្រាវ
ប្រព័ន្ធកេរ្តិ៍ដំណែល​ទាក់ទិន​ដល់វិស័យអប់រំ​និង​របៀបជ្រួតជ្រាបប្រព័ន្ធលិទ្ធិ
ខុងជីនិយមពីប្រទេស​ចិន។​ ដោយឡែកលើវិស័យអប់រំបណ្ឌិត Pham Van
Anh បានអះអាងថា​ ឈើពុម្ភ​អក្សរ​ Truong Luu គឺជា​កេរ្តិ៍​ដំណែល​ឈើ​ពុម្ភ
អក្សរសំបូរ​បែបដែលបង្ហាញនូវ​ប្រពៃណី​​ឧស្សាហ៍ព្យាយាម​រៀនសូត្រនិង
កំរិតវប្បធម៌ខ្ពង់ខ្ពស់នៃទឹកដី Ha Tinh របស់វៀតណាម។

        "នេះជាតំបន់មួយមានប្រពៃណីរៀនសូត្រនិងវប្បធម៌ដោយមានអ្នកពូកែ
ប្រសូតចេញពីហ្នឹង។ ដោយឡែកត្រកូល Nguyen Huy ជាត្រកូលមានអ្នក​
ប្រាជ្ញជា​ច្រើនជំនាន់។ ការបន្សល់ទុកមកនូវឈើពុម្ភអក្សរ ខ្នាតធំដូចឈើ
ពុម្ភ​អក្សរ​របស់ត្រកូល Nguyen Huy នៅ Truong Luu នេះគឺកម្រណាស់"។

នាបច្ចុប្បន្ននេះកម្រងឈើពុម្ភអក្សរ Truong Luu ត្រូវបានពុម្ភយ៉ាងរឹងមាំ​
ហើយ​បានបញ្ចូលជាសៀវភៅ Digital ចំនួន១២ភាគហើយបញ្ជូនទៅ​
បណ្ណសារ​ដើម្បីរក្សាទុកនិងជូនដល់បណ្ណាល័យនិងវិទ្យាស្ថាននានាសំរាប់
បំរើការងារសិក្សាស្រាវជ្រាវ។ ប្រសិនបើឈើពុម្ភអក្សរនៅវត្ត Vinh Nghiem
ខេត្ត Bac Giang ជាឯសារ​ទាក់ទិនដល់សកម្មភាពរបស់ព្រះពុទ្ធនិកាយTruc
 Lam Yen Tu​  និងឈើពុម្ភអក្សរ​មួយទៀតនៅ Da Lat ខេត្ត Lam Dong ជា
ឯកសាររបស់រាជវង្សានុវង្ស Nguyen​ នៅ​Hue នោះគឺកម្រងឈើពុម្ភអក្សរ
Truong Luu នៅខេត្ត Ha Tinh ជាឯ​កសារ​អប់រំ​វិញ។​ នេះជាប្រភេទឯកសារ
ដ៏ថ្លៃថ្លានិងកម្រដែល​ចាំបាច់ត្រូវថែររក្សារនិង​ផ្សព្វ​ផ្សាយ​ក្នុងសហគមន៍៕