ចាស់ទុំនៃភូមិ Kim Hoang កំពុងស្តារឡើងវីញគំនូរប្រជាប្រិយ Kim Hoang

គំនូរប្រជាប្រិយ Kim Hoang ត្រូវបានបង្កើតឡើងនៅពាក់កណ្តាលនៃសតវត្សទី ១៨។ ប្រជាជននៅភូមិ Kim Hoang ភាគច្រើនជាជនភៀសខ្លួនពីខេត្ត Thanh Hoa ទៅកាន់តំបន់ខាងជើងតាំងពីឆ្នាំ ១៧០១ មក រួមមានភូមិពីរគឺភូមិ Kim Bang និងភូមិ Hoang Bang។ ដោយអ្នកភូមិគេបានយល់ឃើញថា គំនូរ Dong Ho, Hang Trong ត្រឹមតែគ្រប់គ្រាន់សម្រាប់ផ្គត់ផ្គង់អតិថិជននៅទីក្រុងហាណូយ, ខេត្ត Bac Giang និង Hai Duong ក៏ដូចមិនសមស្របសម្រាប់ប្រជាកសិករ ទាំងសោភ័ណ្ឌភាពនិងតម្លៃ ហេតុដូច្នេះ ប្រជាជនភូមិ Kim Hoang បានប្តេជ្ញាចិត្តដើម្បីបង្កើតប្រភេទគំនូរថ្មី ដោយមានការរួមបញ្ចូលគ្នានៃបច្ចេកវិទ្យា - សិល្បៈពីប្រភេទគំនូរទាំងពីរដួចដែលបានពោលខាងលើ។ ត្រកូល Nguyen Sy និងត្រកូល Nguyen The ជាត្រកូលពីរដែលត្រួសត្រាយផ្លូវក្នុងការធ្វើគំនូរ។ នៅសតវត្សទី ១៩ គំនូរ Kim Hoang មានការរីកចម្រើន ប៉ុន្តែបានចាប់ផ្តើមសាបសូន្យ បន្ទាប់ពីទឹកជំនន់នៅឆ្នាំ ១៩១៥  ពោលគឺ ពុម្ភសម្រាប់ធ្វើគំនូរក្នុងភូមិជាច្រើនត្រូវរសាត់បាត់អស់តាមទឹក។ រហូតដល់ឆ្នាំ ១៩៤៥ គ្មានអ្នកណាម្នាក់ នៅក្នុងភូមិ Kim Hoang ប្រកបមុខរបរធ្វើគំនូរទៀតឡើយ។

លោក Nguyen Sy Tien បច្ចុប្បន្នមានអាយុជិត ៦០ ឆ្នាំបានចែករំលែកថា៖ “មុខរបរធ្វើគំនូរបែបប្រពៃណីនេះមានតាំងពីយូរយារណាស់មកហើយ។ តាំងពីខ្ញុំនៅតូច ខ្ញុំបានលឺចាស់ទុំប្រាប់អំពីររបៀបធ្វើគំនូរ Kim Hoang។  ក្រុមគ្រួសាររបស់ខ្ញុំបានចាប់ផ្តើមបង្កើតឡើងប្រភេទគំនូរនេះ។ កាលនោះ នៅឆ្នាំ ១៩៤៥ ភាពក្រីក្ររីករាលដាល ហើយពុម្ភសម្រាប់ធ្វើគំនូរត្រូវរសាត់បាត់អស់តាមទឹកជំនន់  រហូតដល់បាត់បង់របរតែម្កង”។

ដោយមានបំណងចង់ស្តារឡើងវិញនូវប្រភេទគំនូរដែលត្រូវបាត់បង់ជាងកន្លះសតវត្សរ៍កន្លងមកនេះ ហេតុដូច្នេះ ប្រជាជនភូមិ Van Canh បានរួមសហការជាមួយសារមន្ទីរវិចិត្រសិល្បៈវៀតណាម ដើម្បីអនុវត្តន៍គម្រោង “ស្តារឡើងវិញនូវផ្ទាំងគំនូរប្រជាប្រិយ Kim Hoang”។ លោក Dao Dinh Trung ជាសិប្បករធ្វើគំនូរ Kim Hoang ដែលជាមនុស្សដំបូងគេ បានចាក់គ្រឹះក្នុងការស្តារឡើងវិញប្រភេទគំនូរ Kim Hoang បានចែករំលែកថា៖ ក្នុងរយៈពេល ៣ ឆ្នាំកន្លងមក លោកនិងមនុស្សគ្រប់គ្នា បានធ្វើវិធានការជាច្រើន ដើម្បីស្តារឡើងវិញនូវប្រភេទគំនូរនេះ។ ផ្តើមពីគំនូរបុរាណត្រូវបានរក្សាទុកនៅសារមន្ទីរវិចិត្រសិល្បៈវៀត ណាមនិងពីគំនូររបស់អ្នកស្រាវជ្រាវមួយរូបនៅប្រទេសបារាំង លោកនិងសហការីមានគំនិត ស្ដារឡើងវិញនូវប្រភេទគំនូរ ដែលមិនមានភាពខុសគ្នាច្រើនពីលំនាំប្រជាប្រិយចាស់តាំងពីបុរាណកាលមកនោះឡើយ។ លោក Dao Dinh Trung បានអោយដឹងថា៖ “មានផ្ទាំងគំនូរផ្សេងៗគ្នា ប្រហែលជា ៦០ ផ្ទាំងដែរ។ ដំបូង យើងបានស្តារជាបណ្តើរៗ ប៉ុន្តែអាទិភាពស្តារផ្ទាំងគំនូរមាន់ ជ្រូក មុនសិន ពីព្រោះគំនូរនេះ ត្រូវបាត់បង់កាលពីពេលមុន ដើម្បីបម្រើដល់អតិថិជន។  ដើម្បីស្តារបានល្អ ខ្ញុំត្រូវស្វែងយល់យ៉ាងលំអិតពីលក្ខណៈនីមួយៗសម្រាប់បង្កើតបានគំនូរ Kim Hoang មួយផ្ទាំង បន្ទាប់មកមើលថា តើវាខុសពីគំនូររបស់ភូមិដទៃទៀតទេ ប៉ុន្តែនៅពេលដែលខ្ញុំសិក្សាផ្ទាំងគំនូររបស់ភូមិខ្ញុំដោយប្រុងប្រយ័ត្នហើយប្រៀបធៀបជាមួយគំនូររបស់ភូមិដទៃទៀតខ្ញុំបានឃើញគំនូរ Kim Hoang គឺមានលក្ខណៈខុសប្លែកជាច្រើនដែរ”។

លោក Dao Dinh Trung ជាសិប្បករធ្វើគំនូរ Kim Hoang

ការជួសជុលពុម្ភឈើសម្រាប់ធ្វើគំនូរ Kim Hoang តម្រូវឱ្យមានភាពល្អិតល្អនហើយក្រុមការងារបានជួសជុល ស្តារប្រភេទគំនូរនេះឡើងវិញ ដោយមានការរួមសហការពីសិប្បករជាង ៣០ នាក់ មកពីភូមិគំនូរប្រជាប្រិយបុរាណដទៃទៀត ដោយត្រូវធ្វើ ផ្អែកលើរូបភាពមួយចំនួនដែលរក្សាទុកនៅសារមន្ទីរវិចិត្រសិល្បៈវៀតណាមប៉ុណ្ណោះ។ រហូតមកដល់ពេលនេះ ទើបស្តារឡើងវិញបានតិចតូចណាស់ បើប្រៀបនឹងគំនូរ Kim Hoang កាលពីមុនបាត់បង់។

មិនដូចទៅនឹងគំនូរ Dong Ho និងគំនូ Hang Trong ដែលត្រូវបានបោះពុម្ពលើក្រដាសសឬក្រដាសធម្មតាទេ ប៉ុន្តែគំនូរ Kim Hoang ត្រូវបានបោះពុម្ពលើ ក្រដាសពណ៌ក្រហម ដែលជាចំណុចលេចធ្លោបំផុតរបស់គំនូរ Kim Hoang បើប្រៀបធៀបទៅនឹងគំនូរប្រជាប្រិយដទៃទៀត។ ម្យ៉ាងវិញទៀត ប្រធានបទនៃគំនូរKim Hoang គឺសម្បូរបែបណាស់ ដែលជិតស្និទនឹងជីវភាពជនបទ។ ប្រភេទគំនូរនេះ បំពេញបានចំណង់ចំណូលចិត្តរបស់អ្នកទិញ ដោយគេចាត់ទុកព្យួរប្រភេទគំនូរនេះក្នុងផ្ទះដូចជានាំមកភាពស្រស់ស្រាយជូនក្រុមគ្រួសារអញ្ចឹង។

សូមជម្រាបថា កាលពីខែសីហាឆ្នាំ ២០១៦ នៅឯតាំងពិព័រណ៍ “តាំងបង្ហាញគំនូរប្រជាប្រិយវៀតណាម ចំនួន ១២ ប្រភេទ” នៅសារមន្ទីរវិចិត្រសិល្បៈវៀតណាម ជាលើកដំបូងក្នុងរយៈពេលជិតមួយសតវត្សរ៍មក ប្រជាជនទីក្រុងនិងភ្ញៀវទេសចរជាតិនិងអន្តរជាតិបានមកទស្សនាដើម្បីគយគន់ប្រភេទគំនូរប្រជាប្រិយ Kim Hoang។ អ្នកទេសចរដែលចង់ស្វែងយល់អំពីប្រភេទគំនូរនេះ អាចទៅទស្សនានៅអាគាប្រពៃណីនៃ Van Canh ក្នុងនោះមានមជ្ឈមណ្ឌលស្តារគំនូរ Kim Hoang ដែលស្ថិតក្នុងបរិវេណ ១.៥០០ ម៉ែត្រការ៉េ។ ការស្ដារឡើងវិញនូវប្រភេទគំនូរ Kim Hoang គឺជាការបំពេញបន្ថែមដ៏សំខាន់នៃឃ្លាំងសិល្បៈនិងវប្បធម៌ប្រជាប្រិយដែលជាមរតកដ៏មានតម្លៃនិងពោរពេញទៅដោយអត្តសញ្ញាណជាតិ៕