VOVWORLD_រឿងនាងKieuរបស់លោកNguyen Du(១៧៦៥-១៨២០) ជា​
មហាកវិ​ជាតិ ​និងអ្នក​វប្បធម៌ពិភពលោកបានក្លាយទៅជាប្រភពអារម្មណ៍ដ៏ធំ
ធេង​ចំពោះ​មជ្ឈដ្ឋាន​​អ្នក​និពន្ធ ​អ្នក​ដឹកនាំរឿងនិងអ្នកតម្លើងល្ខោននៅ
ប្រទេសវៀតណាម។​ការ​ដែល​រោងល្ខោនវៀតណាមគ្រោងទុកតម្លើងល្ខោននាង
Kieuនោះបាន​ទាក់ទាញ​ការចាប់អារម្មណ៍យ៉ាងខ្លាំងពីទស្សនិកជន។។ ​ក្នុង​រយៈ
ពេល៧យប់សំដែងជាសាកល្បង ​មានទស្សនិកជនជាច្រើនកុះករបានមក
ទស្សនាពេញរោង។

        តាំងពីមុនមក រឿងនាងKieuធ្លាប់បានតម្លើងជាល្ខោននៃប្រភេទសិល្បៈ
ខុសពីគ្នាមានជាអាទិ៍ Cai luong   Cheo និងល្ខោនអូប៉េរ៉ា។ប៉ុន្តែ ការដែលរោង
ល្ខោនវៀតណាម​រៀប​រៀងនិងតម្លើងរឿងនាងKieuឲ្យក្លាយទៅជាល្ខោនមាន
ចំណងជើងថាKieuតាមរបៀបគួបផ្សំចំរៀងជាមួយនឹងរបាំនោះ បានបង្កើត
ឡើងភាពថ្មីថ្មោង​និងការពេញ​ចិត្តចំពោះ​ទស្សនិកជន។តាមលោក Ngo Quang
 Nang ជាទស្សនិកជនមួយរូបបានឲ្យដឹងថា

   “ បានទស្សនាល្ខោននាងKieuពេលនេះខ្ញុំសប្បាយចិត្តណាស់។រឿងនេះ
មាន​អ្វីមួយដែលស្ដែងឡើងអត្តសញ្ញាណជាតិវៀតណាមយើងនោះគឺទឹកចិត្ត
មនុស្សធម៏និងអង់អាចក្លាហាន។យើងមានខឿនវប្បធម៌ជ្រាលជ្រៅមួយដែល
ក្នុងនោះរឿងនាងKieuជាស្នាដៃលេចធ្លោមួយ”។

        សិល្បការិនីប្រជាជនLan Huong ដើរតួជាប្រពន្ធបុរសលក់សូត្រក្នុងល្ខោន
​នេះ​បាន​សំណេះសំណាលថា

 “ ជនវៀតណាមភាគច្រើននរណាក៏ស្គាល់រឿងនាងKieuដែរ។ មានតួអង្គ
ជាច្រើន​ក្នុងរឿងនាងKieuនេះបានក្លាយទៅជាដំណាងឲ្យមនុស្សដែលមាន
អត្តចរិតខុសៗពីគ្នាដូចជា So Khanh  Tu Ba  Thuc Sinh   Hoan Thu។ អ្នក
ដឹកនាំរឿងនឹងអ្នកនិពន្ធចង់បង្កើត​ឡើង​​ល្ខោនមួយដើម្បីទស្សនិកជនអាច
យល់ដឹងបន្ថែមនូវខ្លឹមសារនៃរឿងនេះ”។

ល្ខោននាងKieu

        ល្ខោននាងKieu​ កោតសរសើរសោភ័ណភាពរបស់នារីៗ ភាពប៉ិនប្រសប់ 
ទឹកចិត្ត​ស្មោះត្រង់និងអង់អាចក្លាហានជាដើម។តាំងពីមុនមក ជនវៀតណាម
ជាច្រើននាក់ចាត់ទុកនាង​Thuy Kieu ជានារីអាស៊ីគំរូដែលរងការទុក្ខព្រួយក្នុង
របបសក្តិភូមិ។នៅក្នុង​ល្ខោន​នាងKieuរបស់រោងល្ខោនវៀតណាមលើកនេះ អ្នក
ដឹកនាំរឿងបានដាក់បន្ថែមនូវកត្តាថ្មីថ្មោងមួយចំនួនសំរាប់តួអង្គ Kieu។តាម
សិល្បករប្រជាជន​Anh Tu ជាអ្នកដឹកនាំរឿង​ល្ខោន​នាងKieuបានថ្លែងថា

  ”គោលការណ៍តម្លើងល្ខោននាងKieuលើកនេះរបស់រោងល្ខោនវៀតណាមគឺ
ត្រូវតែរក្សាខ្លឹមសារត្រឹមត្រូវតាមច្បាប់ដើមដែលក្នុងនោះជីវិតកញ្ញាស្អាតនិងប៉ិន
ប្រសប់គឺនាងKieuជួបតែសេចក្ដីទុក្ខប៉ុណ្ណោះ។ខ្ញុំចូលចិត្តរឿងនាងKieuរបស់តា
Nguyen Du នៅត្រង់ចំណុចគឺលក្ខណព្យាករណ៍នោះគឺពេលដែលប្រាក់កាសនិង
អំណាចមិនស្មោះត្រង់ឡើងគ្រងរាជនោះវានឹងធ្វើឲ្យច្របូកច្របល់នូវអ្វីៗទាំង
អស់ ក្នុងនោះមានទាំងតំលៃសីលធម៌ផង”។

ដោយសារមានការសិក្សាស្រាវជ្រាវយ៉ាងសកម្មលើវិស័យសិល្បៈ ក្រុមសិក្បករ
សិល្បការិនីនៃរោងល្ខោនវៀតណាមបានធ្វើឲ្យរស់ឡើងវិញនូវជីវិតនាង Kieu​
តាម​រយៈ​ភាសាសិល្បៈថ្មីថ្មោង។ព្រមទាំងរួមចំណែកទៅក្នុងឆាកល្ខោនវៀតណាម
ជាមួយនឹងស្នាដៃសិល្បៈមួយដ៏វិសេសវិសាល៕