យោងតាមគេហទំព័រស្ថិតិអន្តរជាតិ worldometers.info បានឲ្យដឹងថាគិតត្រឹមម៉ោង ១ និង ៣០ នាទី ព្រឹកថ្ងៃទី ២០ កុម្ភៈ (ម៉ោង UTC) ពិភពលោកបានរកឃើញករណីឆ្លងជំងឺកូវីដ ១៩ សរុបចំនួន ៤២៤ លាននាក់ ក្នុងនោះមានករណីស្លាប់ជាង ៥,៩ លាននាក់។

អឺរ៉ុបនៅតែជាតំបន់ដែលរងផលប៉ះពាល់ដ៏ធ្ងន់ធ្ងរបំផុតដោយមានករណីឆ្លងជំងឺសរុបជាង ១៥០ លាននាក់ ក្នុងនោះមានករណីស្លាប់ប្រមាណ ១,៧ លាននាក់។ បន្ទាប់មកគឺអាស៊ីដោយមានករណីឆ្លងជំងឺប្រមាណ ១១២ លាននាក់ ក្នុងនោះមានករណីស្លាប់ជាង ១,៣ លាននាក់។ សហរដ្ឋអាមេរិកនៅតែជាប្រទេសដែលរងផលប៉ះពាល់ដ៏ធ្ងន់ធ្ងរបំផុតដោយសារជំងឺរាតត្បាកូវីដ ១៩ ផងដែរ៕