Hoai Hai ៖ គោលដៅរហោស្ថានដែលទាក់ទាញភ្ញៀវទេសចរនៅខេត្ត Binh Dinh
(VOVWORLD) - វាលថ្មទ្រនាប់ Hoai Hai ជាមួយនឹងឆ្នេខ្សាច់ពណ៌លឿង ទឹកសមុទ្រខៀវថ្លា និងផ្ទាំងថ្មចោតដ៏អស្ចារ្យ... បានទាក់ទាញភ្ញៀវទេសចរណ៍ជាច្រើនមកដល់ទីនេះ។
វាលថ្មទ្រនាប់ Hoai Hai (ឬ Ganh Ganh) ស្ថិតនៅឃុំ Hoai Hai ទីរួមខេត្ត Hoai Nhon ខេត្ត Binh Dinh មានចម្ងាយប្រហែល ១០០ គីឡូម៉ែត្រពីកណ្តាលទីក្រុង Quy Nhon ។
នៅទីនេះ នៅតែរក្សាបានលក្ខណៈរហោស្ថាន ជាមួយនឹងវាលថ្មរាងចម្លែកជាប់សមុទ្រ។
មើលពីខាងលើ ទឹកសមុទ្រពណ៌ខៀវស្រងាត់ព័ទ្ធជុំវិញវាលថ្ម រលកសមុទ្របោកបក់មកលើច្រាំងថ្មពណ៌ស ង្កើតជារូបភាពសមុទ្រនិងផ្ទៃមេឃដ៏អស្ចារ្យ។
ក្រៅពីភាពរហោស្ថាន វាលថ្ម Hoai Hai ក៏ជាគោលដៅដ៏ល្អសម្រាប់អ្នកទស្សនាចង់រីករាយជាមួយទេសភាពដ៏ល្វឹងល្វើយនៃលំហសមុទ្រ និងភាពអស្ចារ្យនៃធម្មជាតិ។
តភ្ជាប់ជាមួយវាលថ្ម Hoai Hai គឺជាឆ្នេរខ្សាច់ពណ៌សស្អាតជាំទីមនោរម្យ។
នាពេលថ្មីៗនេះ ទើបវាលថ្ម Hoai Hai ត្រូវបានភ្ញៀវទេសចរណ៍ស្គាល់ដល់ និងមកទស្សនា។
នៅចុងសប្តាហ៍ ភ្ញៀវទេសចររាប់រយនាក់ទាំងក្នុងនិងក្រៅខេត្តបានមកស្វែងយល់ ពិសោធន៍ និង check-in នៅវាលថ្ម Hoai Hai។
វាលថ្ម Hoai Hai មានរន្ធទឹកស្ថិតក្នុងច្រាំងថ្ម មានជម្រៅមធ្យម ត្រជាក់ស្រួល និងមានសុវត្ថិភាពសម្រាប់កុមារ។
មកដល់វាលថ្ម Hoai Hai ភ្ញៀវទេសចរក៏អាចរីករាយជាមួយនឹងមុខម្ហូបសមុទ្រនៅលើទូកនេសាទ។
យោងតាមលោក Tran Minh Lam ប្រធានគណៈកម្មាធិការប្រជាជនឃុំ Hoai Hai (ទីរួមខេត្ត Hoai Nhon ខេត្ត Binh Dinh) បានឲ្យដឹងថា ជារៀងរាល់ថ្ងៃចុងសប្តាហ៍ មានភ្ញៀវទេសចរណ៍ប្រមាណពី ១.៥០០ ទៅ ២.០០០ នាក់ទៅទស្សនា វាលថ្ម Hoai Hai ៕