VOVWORLD_ស្តិតនៅប៉ែកពាយ័ព្យវៀតណាម តំបន់ខ្ពង់រាប Moc Chau មាន
កំពស់​១០៥០​ម៉ែត្រពីនីវូទឹកសមុទ្រ។ ខ្ពង់រាបនេះមានផ្ទៃដីចំនួន១៦០០ហិតា​សំបូរ
ទៅ​ដោយ​វាល​ស្មៅនិងរុក្ខជាតិគ្រប់ប្រភេទ។ តំបន់នេះមានអាកាសធាតុត្រជាក់
ស្រួលពេញមួយឆ្នាំដែលប្រមូលផ្ដុំរមណីយដ្ឋានល្អស្អាតៗហើយទាក់ទាញភ្ញៀវមក
ទស្សនាយ៉ាងច្រើនកុះករ។

ផ្លូវពីរដ្ឋធានីហាណូយទៅកាន់ Moc Chau មានប្រវែង២០០គីឡូម៉ែត្រដែលត្រូវ
បាន​បើក​ទូលាយដើម្បីបង្កើតភាពងាយស្រួលសំរាប់ការធ្វើដំណើររបស់ប្រជាជន។ 
Moc Chau ជាតំបន់​ខ្ពង់រាបមួយ​ដែលមានទេសភាពល្អ អាកាសធាតុត្រជាក់ស្រួល
 ហើយ​ប្រជាពលរដ្ឋ​រស់នៅ​ក្នុង​បរិយាកាសសុខសាន្តត្រាន។ ក្នុងប៉ុន្មានឆ្នាំកន្លងទៅ
នេះ Moc Chau បានក្លាយទៅជាកន្លែង​ទេសចរណ៍ទាក់ទាញភ្ញៀវមកទស្សនាយ៉ាង
ច្រើនកុះករ។ អ្នកស្រី Phung Thi Luu Ly ​អនុ​ប្រធាន​​​​​​​មន្ទីរវប្បធម៌ស្រុក Moc Chau 
បានឲ្យដឹងថា នាថ្ងៃសំរាកចុងសប្ដាហ៍និង​ទិវាបុណ្យ​នានា​មានភ្ញៀវទេសចរជា
ច្រើនកុះករមកកាន់ Moc Chau ហើយសណ្ឋាគារនិងផ្ទះសំណាក់ស្ទើ​តែ​ទាំង​អស់
គ្មានសល់បន្ទប់ទំនេរឡើយ។ អ្នកស្រី Phung Thi Luu Ly ​បានថ្លែងថា

“ បរិយាកាសនៅ Moc Chau មានការខុសប្លែកពីតំបន់ដទៃ។ នៅទីនេះមាន៤
រដូវគឺ​រដូវ​ផ្ការីក​ រដូវក្ដៅ រដូវស្លឹកឈើជ្រុះនិងរដូវរងា។ សីតុណ្ហភាពជាមធ្យមគឺពី១៨
ដល់២២​អង្សា​សេ​ដោយមិនសូវត្រជាក់ហើយក៏មិនសូវក្ដៅសំរាប់ភ្ញៀវទេសចរស្លៀក
ពាក់ខោអាវស្អាតៗនិងថតរូបជាអនុស្សាវរី។ Moc Chau ឥឡូវជាកន្លែងទេសចរណ៍
សំខាន់មួយដែលពោរពេញទៅ​ដោយសក្ដានុពល ”។

Moc Chau ល្បីដោយសារមានផ្កាគ្រប់ប្រភេទ។ ​នានិទាឃរដូវមានផ្កា​Man
ពណ៌ស ​ផ្កា​មាក់ខៃពណ៌ក្រហមរីកស្គុះស្គាយពាសពេញព្រៃ។ មានចំការតែពណ៌
ខៀវស្រងាត់ខ្លះលាតសន្ធឹងនៅលើចង្កេះទួលធ្វើឲ្យទេសភាពនៅតំបន់ខ្ពង់រាបនេះ
កាន់តែស្រស់ស្អាត។ តាមលោក Pham Minh Chien ជាមគ្គុយទេសទេសចណ៍នៅ
ក្រុមហ៊ុន Khanh Sinh បានឲ្យដឹងថា

“ ចំពោះខ្ញុំគឺ Moc Chau ស្រស់ស្អាតក្នុងទាំង៤រដូវ។ រដូវរងារមានផ្កា Da quy
ពណ៌លឿង​រីកស្គុះស្គាយលើទួល។ និទាឃរដូវមានផ្កា Mo ផ្កាMan និងផ្កាមាក់ខៃ។ 
នាខែមិនា​មានផ្កា​​ Ban។​ ​​ដល់រដូវក្ដៅជារដូវនៃផ្លែឈើគ្រប់ប្រភេទ។ រដូវស្លឹកឈើ
ជ្រុះ​ជារយៈពេលប្រជានជន​នៅ​ទីនេះរៀបចំបុណ្យទាននានា។ ជនជាតិ H’mong 
មានពិធីបុណ្យឯករាជ្យនាថ្ងៃទី២​ខែ​កញ្ញា និងបុណ្យ Tet ចូលឆ្នាំនាខែ១១តាម
ច័ន្ទកតិដែលអូសបន្លាយអសរយៈពេលជាងមួយខែ។បើមកទស្សនា Moc Chau 
នារដូវស្លឹកឈើជ្រុះ ភ្ញៀវទេសចរនឹងមានការចាប់អារម្មណ៍ខ្លាំង​ចំពោះ​ទំនៀម
ទំលាប់ជាប្រពៃណីរបស់ប្រជាជនគ្រប់ជនជាតិនៅតំបន់ខ្ពង់រាបនេះ“ ។

មានចំការតែពណ៌ខៀវស្រងាត់ខ្លះលាតសន្ធឹងនៅលើចង្កេះទួលធ្វើឲ្យទេសភាពនៅតំបន់ខ្ពង់រាបនេះកាន់តែស្រស់ស្អាត

មកទស្សនា Moc Chau ភ្ញៀវទេសចរចូលចិត្តទៅមើលទេសភាពធម្មជាតិដែល
ក្នុងនោះ​មានរូងភ្នំ Son Moc Huong ឬហៅថារូងប្រចៀវ។ ក្នុងរូងភ្នំនេះមានពើងជា
ច្រើនមើលទៅដូចរូប​ទេវតា​ សត្វ​នាគ តោ ត្រកួត ​រួមទាំងល្អាងទឹកមួយចំនួនទៀត
ដែលជាប្រភពទឹកស្អាត​របស់​ប្រជាជនគ្រប់ជនជាតិនៅនឹងតំបន់។ ក្រៅពីនេះនៅ
មានរមណីយដ្ឋានល្បាក់ទឹកភូមិ Vat និងព្រៃស្រល់ភូមិ Ang ដែលទាក់ទាញភ្ញៀវ
ទេសចរមកលេងយ៉ាងច្រើនកុះករ។ ទទឹមនឹងនេះ Moc Chau នៅមានម្ហូបអាហា
ពិសេសជាច្រើនមុខដូចជាសាច់គោឆាគ្រឿង  ស្ពៃឆាសាច់ ជ្រូក​របស់​​ជនជាតិ
 H’mong ឬស៊ុបសាច់គោជាដើម។ សាច់គោ Moc Chau ឈ្ងុយឆ្ងាញ់ល្បី​ដោយ​
សារ​គោត្រូវបានចិញ្ចឹមតាមបទដ្ឋានខ្ពស់នៅកសិដ្ឋានចិញ្ចឹមគោយកទឹកដោះ
 Moc Chau។​ ទាំងអស់នេះបានធ្វើឲ្យ Moc Chau មានប្រៀបខ្លាំងដើម្បីពង្រីក
វិស័យទេសចរណ៍ដែលមុន​បង្អស់គឺទាក់ទាញភ្ញៀវមកទស្សនានាថ្ងៃសំរាកចុង
សប្ដាហ៍។ ស្ដីពីបញ្ហានេះ អ្ហកស្រី​ Phung Thi Luu Ly ​អនុ​ប្រធាន​​​​​​មន្ទីរវប្បធម៌
ស្រុក Moc Chau បានឲ្យដឹងទៀតថា 

“ ក្នុងរយៈពេលប៉ុន្មានឆ្នាំកន្លងទៅនេះ Moc Chau បានស្ថិតក្នុងយុទ្ធសាស្រ្ត
អភិវឌ្ឍន៍​ទេសចរណ៍សំខាន់នៃតំបន់ប៉ែកពាយ័ព្យវៀតណាម។ Moc Chau មាន
ប្រៀបខ្លាំងដោយសារ​មានផលតិតផលនានាដូចជាតែ ទឹកដោះគោ ពិសេសគឺ
ត្រូវបានទទួលស្គាល់ជាតំបន់ទេសចរណ៍ជាតិ។ ចំណុចសំខាន់មួយទៀតគឺ
 Moc Chau មានទីតាំងស្ថិតនៅច្រកចូលខេត្ត Son La ​ ជិតក្រុងហាណូយ 
អាកាសធាតុត្រជាក់ស្រួល ប្រជាជនរាក់ទាក់កក់ក្ដៅចំពោះភ្ញៀវ”។

Moc Chau ជាតំបន់ខ្ពង់់រាបសុខសាន្តត្រាណពោរពេញទៅដោយស្មៅ ផ្កា 
​បរិយាកាស​បរិសុទ្ធរួមជាមួយវប្បធម៌ដ៏វិសែសវិសាលរបស់ប្រជាជនគ្រប់ជនជាតិ
ប្រាកដប្រជាជាកន្លែងគួរឲ្យមកដល់ដ៍អស្ចារ្យសំរាប់ភ្ញៀវទេសចរ៕