VOVWORLD_ខ្ពង់រាប Lang Biang ឬហៅថាខ្ពង់រាប Lam Vien មានចំងាយ១២
គីឡូ​ម៉ែត្រ​ពីខាងជើងក្រុង Da Lat ជារមនីយដ្ឋានដែលភ្ញៀវទេសចរមិនអាចរំលង
បាន​ឡើយ​នាពេលមកទស្សនាក្រុង Da Lat ម្ដងៗ។ តំបន់នេះមានអាកាសធាតុ
ត្រជាក់ស្រួល​ពេញមួយឆ្នាំ មានទួលព្រៃស្រល់ខៀវស្រងាត់និងពពកគ្របដណ្ដប់លើ
កំពូលភ្នំ Lang Biang។

        ខ្ពង់រាប Lang Biang ជារមនីយដ្ឋានបែបធម្មជាតិផងហើយក៏ជា​ជីវមណ្ឌល​បំរុង​
ពិភពលោកដែលបានអង្គការយូណេស្កូទទួលស្គាល់នាឆ្នាំ២០១៥ផងដែរ។ Lang Biang
​ ជាជីវមណ្ឌលបំរុងពីភពលោកដំបូងនៅទឹកដី Tay Nguyen ចំណុះខេត្ត Lam Dong
ដែល​មានផ្ទៃ ជិត២៧៥៥០០ហិកតា។ នៅទីនេះមានរុក្ខជាតិដ៏សំបូរបែប ​រួមជាមួយ
​វប្បធម៌​គងឃ្មោះដ៏វិសេសវិសាលរបស់ប្រជាជនគ្រប់ជនជាតិទៀតផង។ នៅក្នុង
ជីវមណ្ឌលបំរុងមួយនេះមានព្រៃស្រោងដ៏ទូលាយដែលនៅកណ្ដាលជាឧទ្យានជាតិ
Bidoup-ភ្នំBa។ នាយកមជ្ឈមណ្ឌលពន្លឿនវិនិយោគ ពាណិជ្ជកម្មនិងទេសចរណ៍ខេត្ត
Lam Dong លោកVu Van Tuបានឲ្យដឹងថា

    “ មកទស្សនាក្រុង Da Lat ភ្ញៀវទេសចរបានស្រូបយកខ្យល់អាកាស​បរិសុទ្ធ​និង​ទៅ
​​ទស្សនាទេសភាពធម្មជាតិគួរឲ្យគាប់ចិត្ត។ ក្នុងនោះមានការឡើងភ្នំ Lang Biang​ដែល
​មានកំពស់ជិត២០០០ម៉ែត្រប្រៀបពីនីវ៉ូទឹកសមុទ្រ។ ឈរនៅលើកំពូលភ្នំនេះភ្ញៀវ​
ទេសចរអាចគយគន់ទិដ្ឋភាពព្រៃឈើនិងទីក្រុង Da Latទាំងស្រុង។​ក្រៅ​ពីនេះ​យើង​
ក៏បានទស្សនាភូមិឃុំរបស់ប្រជាជនគ្រប់ជនជាតិដែលរស់នៅតាមជើងភ្នំជាមួយ
វប្បធម៌ប្រពៃណីដ៏វិសេសវិសាលរបស់គេផងដែរ”។

រូបភាពទឹកដី Da Lat ផ្សាភ្ជាប់ជាមួយនឹងភ្នំ Lang Biang។ នេះជាភ្នំដែលមានរឿងរ៉ាវស្នេហាជាច្រើនរបស់ប្រជាជនរស់នៅជើងភ្នំ

        ពីជើងភ្នំ Lang Biang អ្នកទេសចរនឹងធ្វើដំណើរឡើងកំពូលភ្នំពីរចំណុះជីវមណ្ឌល
​បំរុងពិភពលោកLang Biang​ដែលមានចំងាយផ្លូវ១៤គីឡូម៉ែត្រ។​ ឡើងភ្នំ​មានពីរកំពូល
​ដែលមួយមានកំពស់១៩៥០ម៉ែត្រ មួយទៀតកំពស់២១៦៩ម៉ែត្រនោះភ្ញៀវទេសចរតែង
តែដើរកាត់ព្រៃស្រល់ដើម្បីគយគន់បឹង Dan Kia ទឹកថ្លាយង់ ​ឬក៏ដើរកាត់ព្រៃ​ស្រោង​
ដែល​មានផ្លូវចោតខ្វាត់ខ្វែង​ រួមទាំងដើមឈើនិងផ្ទាំងថ្មធំដេរដាស។កាន់តែឡើង​
ជិតដល់កំពូ​លភ្នំ ​អាកាសធាតុកាន់តែត្រជាក់។ លោក​ Hong Quan ជាពលរដ្ឋមួយរូប
ក្នុងតំបន់នេះ​បាន​ឲ្យដឹងថា

   “ រូបភាពទឹកដី Da Lat ផ្សាភ្ជាប់ជាមួយនឹងភ្នំ Lang Biang។​ នេះជាភ្នំដែល​មាន
រឿង​រ៉ាវស្នេហាជាច្រើនរបស់ប្រជាជនរស់នៅជើងភ្នំ។ ចូលភូមិLang Biang លោកអ្នក
នឹង​ទៅ​កាន់​ជើងភ្នំហើយឡើងភ្នំ។ ពេលឡើងដល់កំពូលភ្នំ លោកអ្នកនឹងមានការ
ចាប់​អារម្មណ៍​យ៉ាងខ្លាំងអំពីស្មារតីនិងកំលាំងរបស់ខ្លួន ”។

        ចំពោះក្រុមអ្នកចូលចិត្តដើរផ្សងព្រេងនិងស្វែងយល់ធម្មជាតិគឺគេតែងតែជ្រើស
រើសការដើរថ្មើជើង។ ក្រៅពីនោះនៅមានជំរើស២ទៀតនោះគឺជិះរទេះសេះនិងជិះឡាន
Jeep។ តាមអ្នកស្រី Bich Chiជាអ្នកមគ្គុទេសនៃក្រុមហ៊ុន Sai Gon Tourist បានឲ្យដឹង
ថា

    “ បើភ្ញៀវជិះឡានJeep គឺមានសុវិត្ថភាពនិងលឿនជាងដោយចំណាយពេល​តែ​១០
​នាទី​ប៉ុណ្ណោះ​គឺឡើងដល់កំពូលភ្នំ។ តាមផ្លូវលោកអ្នកមានបទពិសោធន៍ដ៏ល្អ​ប្រសើរ​
ពេលបានគយគន់ព្រៃស្រល់និងជិះឡានលើផ្លូវបត់បែនខ្វាត់ខ្វែង”។ 

ពេលឡើងដល់កំពូលភ្នំ Lang Biang ដែលមានកំពស់ ១៩៥០ម៉ែត្រប្រៀបនឹង
នីវ៉ូ​ទឹក​សមុទ្រ​នោះភ្ញៀវទេសចរហាក់លិចលង់ទៅក្នុងសមុទ្រពពកមួយ។​ ក្រឡេកមើល
​ទៅ​​ ទីក្រុង Da Lat លេចចេញដូចជាគំនូរមួយផ្ទាំង រីឯបឹង​ Dan Kia និង ​អូរ Vang
 ​​ដូច​ក្រណាត់ធំមួយផ្ទាំងលាតសន្ធឹងលើព្រៃស្រោងពណ៌ខៀវស្រងាត់៕