VOVWORLD_Con Son – Kiep Bac​ជារមណីយដ្ឋានដែលមានកេរិ៍្តដំណែល​
ប្រវតិ្តសាស្រ្តជាច្រើនផ្សារភ្ជាប់ជាមួយជំនឿព្រះពុទ្ធសាសនា លទ្ធិខុងជីនិយម​និង
កេរិ៍្ត​ឈ្មោះ​របស់វីរជន អ្នកវប្បធម៌ជាច្រើនក្នុងប្រវតិ្តសាស្រ្តវៀតណាម។ ស្ថិតនៅប៉ែក
​ឥសាន្ត​ខេត្ត Hai Duong រមណីយដ្ឋាន Con Son – Kiep Bacទាក់ទាញអ្នកទេសចរ
ជា​ច្រើន​កុះករនៅក្នុងនិងក្រៅប្រទេសមកទស្សនា។

មានចំងាយ៨០គីឡូម៉ែត្រពីរដ្ឋធានីហាណូយតំបន់កេរិ៍្តដំណែល​ Con Son –
Kiep Bacជាមួយវត្ត Con Son គឺជាមជ្ឈមណ្ឌលមួយក្នុងចំណោម៣មជ្ឈមណ្ឌលនៃ
ព្រះពុទ្ធ​សាសនា​និកាយសមាធិ Truc Lamដែលតាំងនៅ Con Son Yen Tu និង​ 
Quynh Lam ខេត្ត​Quang Ninh។ព្រះពុទ្ធ​សាសនា​និកាយសមាធិ Truc Lamត្រូវ
បានស្ដេច Tran Nhan Tong (១២៥៨-១៣០៨)បង្កើតឡើងដោយផ្អែកទៅលើ
មូលដ្ឋានទស្សនវិទ្យានិងជំនឿ​សាសនា​របស់ជនជាតិវៀតណាម។

វត្ត Con Son ត្រូវបានកសាងឡើងនាសតវត្សទី១០ហើយត្រូវបានបើក
ទូលាយនា​រាជ្ជកាលស្ដេច Tranក្នុងសតវត្សទី១៣។ នាឆ្នាំ១៣២៩ព្រះសង្ខ្យ
Phap Loanជាអ្នកបង្កើត​ទី២របស់ព្រះពុទ្ធ​សាសនា​និកាយសមាធិ Truc
Lamបានមកជួសជុល​និងបើកទូលាយ​វត្ត។ បន្ទាប់មក ព្រះសង្ខ្យHuyen
 Quang ជាអ្នកបង្កើតទី៣របស់និកាយសមាធិ Truc Lam​បានមកនេះ
ផ្សព្វផ្សាយធម្មព្រះពុទ្ធ  បោះពុម្ភគម្ពី ចាក់ពុម្ភព្រះបដិមាហើយប្រែ
Con Son ​ក្លាយទៅជាមជ្ឈមណ្ឌលមួយរបស់ព្រះពុទ្ធ​សាសនា​និកាយសមាធិ
 Truc Lam។ តាម​លោក Le Duy Manhអនុប្រធានគណៈកម្មការគ្រប់គ្រង
តំបន់កេរិ៍្តដំណែល​ Con Son – Kiep Bac​​បានឲ្យដឹងថា

‘’ ប្រជាជននិយាយថាបើសិនជាអ្នកមិនទាន់ទៅដល់ Con Son Yen Tu
និងQuynh Lamគឺការសមាធិរបស់អ្នកមិនទាន់បានសំរេចនៅឡើយ។មជ្ឈមណ្ឌល
មូយនេះបានផ្សាភ្ជាប់ជាមួយអ្នកបង្កើត៣អង្គរបស់ព្រះពុទ្ធ​សាសនា​និកាយ
សមាធិ Truc Lam ។  ព្រះ​សង្ខ្យ​​​Huyen Quang ជាអ្នកបង្កើតទី៣របស់និកាយ
សមាធិ Truc Lam​បានគង់​នៅទីនេះ​ហើយ​ចូលនិព្វាននាថ្ងៃទី២៣ខែទីមួយ
តាមចន្ទគតិឆ្នាំ១៣៣៤។ ទិវារំលឹក​វិញ្ញាណក្ខន្ធ​របស់​ព្រះ​សង្ខ្យ​Huyen Quang 
បានក្លាយទៅជាពិធីបុណ្យប្រពៃណីរដូវផ្ការីក Con Son’’។

វត្ត Con Son ជាកន្លែងគោរពបូជាអ្នកបង្កើតទី៣របស់និកាយសមាធិ
Truc Lam​ហើយ​​ត្រូវបានទទួលស្គាល់ជាកេរិ៍្តមរតកជាតិនាឆ្នាំ១៩៦២។ រីឯវិហារ
Kiep Bac ជាកន្លែង​គោរពបូជាមេទ័ពTran Hung Dao ដែលមានចំងាយ៥
គីឡូម៉ែត្រពី Con Son។ នាសតវត្ស​ទី១៣ នេះជាកន្លែងមេទ័ពTran Hung
 Daoកសាងមូលដ្ឋានសឹក បង្វឹកទ័ពសំរាប់​ធ្វើការ​តស៊ូប្រឆាំងខ្មាំងសត្រូវ
ម៉ុងហ្គោលីឈ្លានពាន។ នាថ្ងៃទី២០សីហាឆ្នាំ១៣០០មេទ័ពTran Hung Dao
ទទួលមរណភាពនៅភូមិ Van Kiep​ហើយត្រូវបានប្រជាជនកសាងវិហារ
គោ​រពបូជា។ តាមអ្នកស្រី Nguyen Thi Thuy Lien អនុប្រធានណៈកម្មការ
គ្រប់គ្រងតំបន់កេរិ៍្ត​ដំណែល​ Con Son – Kiep Bac​​ បានឲ្យដឹងថា

“ ផ្ទៃដីនៃមណ្ឌលកេរិ៍្តដំណែល Van Kiep ដែលមានវិហារគោ​រពបូជា
មេទ័ពTran Hung Daoនេះគឺ៤គីឡូម៉ែត្រក្រឡា។ សំណង់ស្ថាបត្យកម្មវិហារ
នេះត្រូវបានកសាង​តាមក្បូរក្បាច់របស់រាជវាំង។​សំណង់នេះត្រូវបានជួស
ជុលជាច្រើនលើកមកហើយ”។

កេរិ៍្តដំណែល Con Son – Kiep Bac ជាភស្តុតាងប្រវតិ្តសាស្រ្តដើម្បីអប់រំជំនាន់ក្រោយៗឲ្យយល់ដឹងអំពីប្រពៃណីបង្កើត ការពារប្រទេសនិងបណ្ដាគំរូវីរជនរបស់ប្រជាជាតិ

តំបន់កេរិ៍្តដំណែល​ Con Son – Kiep Bacទាក់ទាញអ្នកទេសចរជា​ច្រើន​កុះករ
នៅ​ក្នុងនិងក្រៅប្រទេសមកទស្សនា។ លោកJuanជាអ្នកទេសចរមួយរូបមកពី
ប្រទេសអែស្ប៉ាញបានសំណេះសំណាលថា

“ ខ្ញុំសង្កេតឃើញថាវៀតណាមបានធ្វើយ៉ាងល្អនុវការងារថែរក្សាប្រពៃណី
វប្បធម៌​ជាតិ។ ជាពិសេសគឺស្ថាបត្យកម្មនៃវត្តនេះវាសមស្របនឹងទេសភាពនៅ
ជំវិញ។​ប្រការ​នោះរួមចំណែកអភិរក្សរាល់តំលៃជាប្រពៃណីរបស់វៀតណាម”។

កេរិ៍្ត​ដំណែល​ Con Son – Kiep Bac​​ ជាភស្តុតាងប្រវតិ្តសាស្រ្តដើម្បីអប់រំជំនាន់​
ក្រោយៗ​ឲ្យយល់ដឹងអំពីប្រពៃណីបង្កើត ការពារប្រទេសនិងបណ្ដាគំរូវីរជនរបស់
​ប្រជាជាតិទៀតផង៕