VOVWORLD_មានចំងាយ២០០កីឡូម៉ែត្រពីទីក្រុងហាណូយ Moc Chau​ ជា
​រមនីយដ្ឋាន​បែប​ធម្មជាតិ​ដែលមានអាកាសធាតុត្រជាក់ស្រួលរួមជាមួយ​វប្បធម៌ ដ៏
សំបូរ​បែបរបស់​ប្រជាជន​គ្រប់ជនជាតិទៀតផង។ ដោយសារផ្លូវគមនាគមន៍ត្រូវ
បានជួសជុលល្អបានជាក្នុងប៉ុន្មានឆ្នាំកន្លងទៅនេះ Moc Chau បានក្លាយទៅ​ជា​
កន្លែង​​លេងកំសាន្តទាក់ទាញភ្ញៀវ​ទេសចរជាច្រើនកុះករមកទស្សនា។

        ពេលព្រឹកនៅ តំបន់ខ្ពង់រាប Moc Chau បរិយាកាសមានភាពស្ងប់ស្ងាត់​និង​
សុខសាន្តត្រាន។ ភ្ញៀវទេសចរភ្ញាក់ពីដេកក្នុងបន្ទប់ Bunalow container នៃ
មណ្ឌល​​ជីវៈចម្រុះ Moc Chau Arena Villege ឃើញនៅខាងក្រៅមាន​ចំការតែខៀវ​
ស្រងាត់នានាដាំលើទួលហើយខ្យល់បរិសុទ្ធបក់ចូលមកបន្ទប់យ៉ាងត្រជាក់ស្រួល។
 នៅក្នុងបរិយាកាសនេះ ភ្ញៀវទេសចរអាចបណ្ដែតអារម្មណ៍ជាមួយធម្មជាតិដោយ
លែងគិតដល់ភាពអ៊ូអរនិងការខ្វល់ខ្វាយពីបញ្ហានានាក្នុងជីវភាពប្រចាំថ្ងៃនៅទីក្រុង
។ សំរាកលំហែកាយក្នុងខ្យល់បរិសុទ្ធនេះ ភ្ញៀវទេសចរទំនងជាបានទទួល
ឋាមលពីមាតាធម្មជាតិ។ អ្នកស្រី Pham Thanh Tam ជាភ្ញៀវទេសចរមួយរូប​ដែល​
ស្នាក់នៅបន្ទប់ Bunalow container នៃ មណ្ឌល​​ជីវៈចម្រុះ Moc Chau Arena
Villege បានចែករំលែកថា

     “ ខ្ញុំចូលចិត្តបរិយាកាសធម្មជាតិបរិសុទ្ធនៅទីនេះ ពិ​​សែស​​គឺ​នា​​​​​ពេល​ព្រឹក​
ព្រលឹម។ ស្នាក់ក្នុងបន្ទប់បែបហ្នឹង ខ្ញុំគេងលក់ស្រួលណាស់ហើយក្រោយភ្ញាក់ពី
ដេកគឺខ្ញុំចង់ដើរទស្សនាទេសភាពនិងស្វែងយល់រមនីយដ្ឋានមួយនេះ។ ខ្ញុំទៅ
ទស្សនាចំការតែហើយបានគេណែនាំពីវិធីបេះតែរួចយកស្លឹកតែស្រស់ៗមកឆុង
ផឹកឈ្ងុយណាស់”។

រយៈពេលមួយថ្ងៃនៅ Moc Chau ប្រាកដជាមានអត្ថន័យចំពោះភ្ញៀវទេសចរគ្រប់រូបក្នុងដំណើរការស្វែងយល់វប្បធម៌វៀតណាម

        ពីទួលដាំដុះដំណាំតែស្ងប់ស្ងាត់នេះភ្ញៀវទេសចរបន្តធ្វើដំណើរឆ្លងកាត់ព្រៃ
ព្រឹក្សាបៃតងខ្ចីហើយទៅដល់ភូមិ​ Ang ឃុំ Dong Sang​ ស្រុក Moc Chau។ ​នៅឯ​នោះ
​មានព្រៃស្រល់ចោលម្លប់មកលើបឹងទឹកថ្លាយង់ដែលមានផ្ទៃ៥ហិកតា។ ភ្ញៀវទេសចរ
អាចដើរគយគន់ទេសភាពនៅជុំវិញមាត់បឹងឬចូលព្រៃមើលរុក្ខជាតិនិងដើមឈើធំៗ
។ រហោភាពនៃធម្មជាតិនៅទីនេះពិតជានឹងធ្វើឲ្យភ្ញៀវទេសចរមានការចាប់អារម្មណ៍
យ៉ាងខ្លាំង។ ទេសភាពធម្មជាតិនៃព្រៃស្រល់ភូមិ​ Ang ក៏ជាកន្លែង​ល្អ​អស្ចារ្យ​សំរាប់
ក្រុមភ្ញៀវដែលជក់ចិត្តនឹងសិល្បៈថតរូបផងដែរ។

        ប្រការដែលទាក់ទាញភ្ញៀវទេសចរយ៉ាងខ្លាំងពេលមកទស្សនាភូមិ​ Ang នោះ
​គឺជីវភាពវប្បធម៌ជាប្រពៃណីរបស់គ្រប់ជនរួមជាតិដើមភាគតិច។ នៅទីនេះគេមាន
ពិធីបុណ្យHet Cha នាដើមរដូវផ្ការីករួមជាមួយម្ហូបឆ្ងាញ់ៗរបស់ជនជាតិ Thai និង​
ជន​ជាតិ H’mong។ តាមអ្នកស្រី Vu Mai Khanh ប្រកបការងារនៅក្រុមហ៊ុន​ភាគហ៊ុនទេសចរណ៍ Khanh Sinh បានឲ្យដឹងថា
    “​  ក្រុមហ៊ុនយើងខ្ញុំបើកទួរទេសចរណ៍ទៅ Moc Chau ដោយរៀបចំឲ្យភ្ញៀវ​
សំរាកលំហែកាយនៅរមនីយដ្ឋានបែបធម្មជាតិព្រមទាំងជូនភ្ញៀវទៅទស្សនានិង
ស្វែងយល់ជីវភាពរស់នៅរបស់ជនរួមជាតិរស់នៅ Moc Chau ទៀតផង។ ​នេះជា​
ឱកាសសំរាប់ភ្ញៀវទេសចរស្គាល់បន្ថែមនូវវប្បធម៌និងទំនៀមទំលាប់ជាប្រពៃណី
របស់ជនជាតិ Thai និងជនជាតិH’mong ។ នៅទីនេះភ្ញៀវក៌បានទស្សនា​កំសាន្ត​នូវ
​ការសំដែងសិល្បៈច្រៀងរាំរបស់ប្រជាជននៅតំបន់ប៉ែកពាយ័ព្យវៀតណាមផង
ដែរ“។

        មកទស្សនា Moc Chau ភ្ញៀវទេសចរ ចូលចិត្តទៅទស្សនាកសិដ្ឋានចិញ្ចឹមគោ
​នានា​របស់ឯកជននិងរោងចក្រកែច្នៃទឹកដោះគោ Moc Chau។ លោកស្រី Phung
Luu Ly អនុប្រធានមន្ទីរវប្បធម៌ស្រុកMoc Chau បានឲ្យដឹងថា

“ទួរទេសចរណ៍មកទស្សនាសកម្មភាពផលិតកម្មកសិកម្មផ្ដោតទៅលើការ
ផលិតនំទឹកដោះគោ តែ និងបន្លែស្អាត។ ក្រៅពីនេះក្នុងឆ្នាំទៅក៌បង្កើតទួរណែនាំ
ភ្ញៀវវិធីបេះផ្លែ Man​ និងទស្សនាការផលិតដំណាប់ Man ស្រា Man ការដាំដុះបន្លែ
 ​ឬការប្រមូលផលពោតទៀតផង”។

  រយៈពេលមួយថ្ងៃនៅ Moc Chau ប្រាកដជាមានអត្ថន័យចំពោះ​ភ្ញៀវ​ទេសចរ
​​គ្រប់រូបក្នុងដំណើរការស្វែងយល់វប្បធម៌វៀតណាម៕