រោងល្ខោនធំជានិមិត្តរូបមួយនៃទីក្រុងហូជីមីញ
To Tuan -
(vov5) /
(VOV 5)_បើមានឱកាសមកទស្សនាទីក្រុងហូជីមីញគឺអ្នកទេសចរនឹងឃើញផ្ទះជា
ច្រើនដែលបានកសាងឡើងតាមស្ថាបត្យកម្មបារាំង។ រោងល្ខោនធំនៃទីក្រុង
ហូជីមីញជាសំណង់១បែបនេះ។ អាស្រ័យដោយមានអាយុកាលរាប់រយឆ្នាំនិង
ផ្សារភ្ជាប់ជាមួយប្រវតិ្តសាស្រ្តអភិវឌ្ឍន៍នៃទីក្រុងរោងល្ខោនធំបានក្លាយទៅជា
ទីកន្លែងទាក់ទាញភ្ញៀវមកទស្សនាយ៉ាងច្រើនកុះករ។
 |
| រោងល្ខោនធំជានិមិត្តរូបមួយនៃទីក្រុងហូជីមីញ |
រោងល្ខោនធំទីក្រុងហូជីមីញឬហៅថារោងល្ខោនក្រុងស្ថិតនៅលើវិថី
Dong Khoi ខ័ណ្ឌ១ក្រុងហូជីមីញ។ ទោះបីជាមានអាយុកាលជាងមួយរយឆ្នាំហើយ
ក្តីតែនាវសព្វថ្ងៃសំណង់នេះនៅតែរក្សាបាននូវសោភ័ណ្ណភាពយ៉ាងល្អប្រណិត
ដ៏ដែល។ រោងល្ខោនធំត្រូវបានបើកការដ្ឋានសាងសង់កាលពីឆ្នាំ១៨៩៨ហើយបាន
កសាងរួចរាល់ជាស្ថាពរនិងបើកសម្ពោធនាថ្ងៃទី១ខែមករាឆ្នាំ១៩០០។ សំណង់នេះ
ត្រូវបានកសាងឡើងតាមរចនាបទ Gothique ដែលគេនិយមចូលចិត្តយ៉ាងខ្លាំងនៅ
ប្រទេសបារាំងនាសតវត្សទី១៩និងដើមសតវត្សទី២០។ ចំណុចលេចធ្លោបំផុតនៃ
ទម្រង់ស្ថាបត្យកម្មនេះគឺការគួបផ្សំយ៉ាងចំណានរវៀងស្ថាបត្យកម្មជាមួយការឆ្លាក់
រូប។ ប្រភពចំណាប់អារម្មណ៍សំរាប់ក្រុមស្ថាបត្យករគូប្លង់រោងល្ខោននេះគឺផ្អែកលើ
គំរូរោងល្ខោន Ganier Opera និង Palais Petit នៅក្រុង Paris រួមជាមួយបទពិសោធន៍
ពីការសាងសង់រោងល្ខោនធំក្រុងហាណូយទៀតផង។ស្តីអំពីបញ្ហានេះស្ថាបត្យករ
Nguyen Huu Thai នៅក្រុងហូជីមីញបានឲ្យដឹងថា
នៅពេលមកដល់ទីនេះជនជាតិបារាំងបានប្តេជ្ញាចិត្តកសាងក្រុងនេះឲ្យក្លាយ
ទៅជាទីក្រុងទំនើបមួយតាមបែបអឺរ៉ូប។ជាពិសេសគេចូលចិត្តសាងសង់បណ្តា
មហាវិថីហើយនៅចំណុចផ្លូវបែកជា៣ឬបែកជា៦តែងតែមានសំណង់ធំៗដើម្បី
បង្កើតចំណាប់អារម្មណ៍។ រោងល្ខោនធំនៃទីក្រុងគឺជាស្នាដៃមួយក្នុងចំណោម
សំណង់ទាំងនោះ។នាគ្រានោះសំណង់ជាច្រើនរបស់បារាំងផ្សាភ្ជាប់ជាមួយ
រចនាបទថ្មីដោយគួបផ្សំរវាងរបៀបស្ថាបត្យកម្មលោកខាងលិចជាមួយលោកខាង
កើត។សំភារះជាកំបោរនិងសារធាតិស្អិតរមួតរបស់វៀតណាមតែក្បូរក្បាច់របៀប
បារាំង។
ក្បូរក្បាច់និងរូបចំឡាក់ជាចំណុចលេចធ្លោនៃរោងល្ខោនដោយទាំងនៅខាងក្រៅ
ក៏ដូចជាខាងក្នុងនិងគ្រឿងសង្ហសរឹមនានាសុទ្ឋតែបានសូនបដិមានិងរូបចម្លាក់ប
ណ្តែត។ ក្លោងទ្វារធំត្រូវបានក្បូរក្បាច់តាមម៉ូតសិល្បៈដូចរោងល្ខោន Petit Palais
ដែលត្រូវបានសាងសង់ឡើងនារយៈពេលដូចគ្នា។ ក្រៅពីជាន់ក្រោមនៅមានពីរ
ជាន់ទៀតជាមួយកៅអីចំនួន១៨០០។ គំរូក្បូរក្បាច់និងរូបសំណាកទាំងអស់សុទ្ឋ
តែបានបណ្តាវិចិត្រករបារាំងឆ្លាក់ដូចគំរូនៃបណ្តារោងល្ខោននៅប្រទេសបារាំងចុង
សតវត្សទី១៩ដែរ។
នាគ្រាដំបូងរោងល្ខោនក្រុងហូជីមីញជាកន្លែងលេងកំសាន្តរបស់ពួកអ្នក
មានជនជាតិបារាំង។ ចំរៀងនិងល្ខោនទាំងឡាយដែលបានយកមកសំដែងនៅ
ទីនេះគឺបំរើឲ្យអ្នកធំក្នុងរដ្ឋអំណាចអាណានិគមនិយម។ ប៉ុនែ្តនាឆ្នាំ១៩៤៤រោង
ល្ខោននេះត្រូវយន្តហោះនៃកងទ័ពសម្ព័នមិត្តទំលាក់គ្រាប់បែកបណ្តាលការខូច
ខាតយ៉ាងធ្ងន់ធ្ងរហើយក៏ឈប់ធ្វើសកម្មភាពដែរ។ នាឆ្នាំ១៩៥៦រោងល្ខោនត្រូវ
បានជួសជុលនិងដូរមុខងារជាទីស្តីការសភាជាន់ទាបរដ្ឋអំណាចសាធារណៈរ
ដ្ឋវៀតណាម។ បន្ទាប់ពីឆ្នាំ១៩៧៥កន្លែងនេះត្រូវបានស្តារមុខងារដើមជារោង
ល្ខោនឡើងវិញ។កាលពីឆ្នាំ១៩៩៨រដ្ឋអំណាចទីក្រុងហូជីមីញបានបើកការ
ជួសជុលធំដោយការបំពាក់ប្រព័ន្ធអំពូលភ្លើងបំភ្លឺនិងសូរសព្ទទំនើបៗសំរាប់
សំដែងសិល្បៈគ្រប់រូបភាពដូចជាចំរៀងល្ខោននិងOpera។ រហូតមកដល់សព្វ
ថ្ងៃនេះរោងល្ខោនក្រុងហូជីមីញជាទីកន្លែងទេសចរណ៍គួរឲ្យទាក់ទាញទឹក
ចិត្ត។ លោកNguyen Anh Tu ជាទេសចរម្នាក់មកពីក្រុងហាយហ្វង់បានសំ
ណោះសំណាលថា
ខ្ញុំដឹងថានេះជាកន្លែងទេសចរណ៍ល្បីឈ្មោះដែលជាសំណង់ស្ថាបត្យកម្ម
ដ៏វិសេសវិសាលតាមម៉ូតបារាំង។ មើលទៅរោងល្ខោននេះមានរូបរៀងសម
ស្របទៅនឹងទិដ្ឋភាពសួនផ្កាខាងមុខនិងវិថីនានានៅជុំវិញ។
ឆ្លងអាយុកាល២សតវត្សមករោងល្ខោនក្រុងហូជីមីញមិនត្រឹមតែជា
អាស័យដ្ឋានវប្បធម៍ផ្សាភ្ជាប់ជាមួយការចុះឡើងនៃប្រវតិ្តសាស្រ្តប៉ុណ្ណោះ
ថែមទាំងជានិមិត្តរូបមួយនៃទីក្រុងនេះទៀតផង៕
To Tuan
-vov5