ច្រកចូលព្រះវិហារប្រូតេស្តង់ Plei Mo Nu

កាលពីមុននេះមិនទាន់មានព្រះវិហារឡើយ បានជាអ្នកភូមិ Plei Mo Nu បានធ្វើសកម្មភាពសាសនាជាបណ្តោះអាសន្ននៅក្នុងផ្ទះរបស់ប្រជាជន។ ដោយមានចំនួនអ្នកកាន់សាសនាប្រូតេស្តង់កាន់តែកើនឡើងៗ ហើយត្រូវបានអ្នកភូមិបានបរិច្ចាគដីធ្លីនោះ សមាគមន៍ប្រូតេស្តង់ បានសម្រេចចិត្តកសាងព្រះវិហារប្រូតេស្តង់ Plei Mo Nu។ នៅថ្ងៃទី ២០ ខែវិច្ឆិកាឆ្នាំ ២០១៥ ពិធីបញ្ចុះបឋមសិលាសាងសង់ព្រះវិហារប្រូតេស្តង់ Plei Mo Nu បានប្រព្រឹត្តិទៅដោយព្រះជាម្ចាស់ប្រទេសានពរ។ ក្រោយរយៈពេល ៧ ខែនៃការសាងសង់មក សំណង់នេះត្រូវបានសម្រេចជាស្ថាពរ។ នៅថ្ងៃទី ១៧ ខែមករាឆ្នាំ ២០១៧ ក្នុងឱកាស ដែលព្រះវិហារ Plei Mo Nu ត្រូវបានដាក់ឱ្យដំណើរការជាផ្លូវការនោះ សមាគមន៍ប្រូតេស្តង់បានប្រារព្ធពិធីសាសនាឧទ្ទិសថ្វាយព្រះវិហារដល់ព្រះជាម្ចាស់។ លោក Puih Blik គ្រូអាចារ្យនៃព្រះវិហារ Plei Mo Nu បានមានប្រសាសន៍ថា៖ “កាលពីមុន ព្រះវិហារនៅក្នុងភូមិបានធ្វើពីសង្កសី បានជាក្ដៅស្អុះស្អាប់ណាស់ ។ ឥឡូវនេះ មានព្រះវិហារដ៏ស្រស់ស្អាតផ្ទាល់ខ្លួនហើយ ធ្វើឲ្យអ្នកភូមិពិតជាមានអារម្មណ៍ត្រេកអរណាស់។ ជាធម្មតានៅទីនេះ សកម្មភាពសាសនាបានប្រព្រឹត្តិទៅនាថ្ងៃអាទិត្យ ចាប់ពីម៉ោង ៦ និង ៣០ នាទី ដល់ម៉ោង ៨ នឹង៣០ នាទី។ ថ្ងៃពុធគឺធ្វើការអធិស្ឋានពេលព្រឹក ។ ថ្ងៃសុក្រគឺធ្វើការអធិស្ឋាននៅតាមសាខានានា។ នៅថ្ងៃអង្គារ និងថ្ងៃព្រហស្បតិ៍ ក្រុមសាសនានានាបានហាត់ច្រៀងនៅទីនេះ។ ខ្ញុំទើបតែមកដល់ទីនេះនៅឆ្នាំ ២០១៤។ ខ្ញុំបានផ្សព្វផ្សាយព្រះបន្ទូលរបស់ព្រះដល់ប្រជាជន ពោលគឺរស់នៅដោយគោរពព្រះ ស្រឡាញ់មនុស្ស ហើយមិនធ្វើអំពើអាក្រក់” ។

ព្រះវិហារប្រូតេស្តង់ Plei Mo Nu មានទំហំ ៦១០ ម៉ែត្រការ៉េ ដែលស្ថិតនៅទីទួលខ្ពស់ដ៏ធំទូលាយ ព័ទ្ធជំវិញដោយដើមស្រល់ខៀវស្រងាត់ហើយមានខ្យល់អាកាសត្រជាក់ពេញមួយឆ្នាំ។ លំហរវិហារនេះមានទំហំធំទូលាយ ដែលបានតុបតែងលំអរជាមួយក្បូរក្បាច់រចនាជាតិដ៏វិសេសវិសាល។ នៅខាងមុខ និងសង្ខាងព្រះវិហាមានបង្អួច និងទ្វារចេញចូលជាច្រើន ។ នៅខាងក្នុងព្រះវិហារត្រូវបានតុបតែងយ៉ាងស្អាតបាត ជាមួយជួរកៅអីចំនួន ៤ ហើយជួរនីមួយៗមានកៅអីវែងចំនួន ២៥  សម្រាប់មនុស្សចំនួន ៥ នាក់អង្គុយ ហើយមានអេក្រង់ធំៗចំនួន ២ រួមទាំងឧបករណ៍បច្ចេកទេសសំលេង ពន្លឺ និង កង្ហារអគ្គិសនីទំនើបៗ។ បរិវេណព្រះវិហារប្រៀបប្រដូចជាសួនឧទ្យានតូចមួយ ដែលមានដើមឈើបៃតង ផ្កា រុក្ខជាតិលំអ ស្មៅ និងបង់ថ្មអង្គុយ ។ លោក Siu Mor សមាជិកមួយរូបនៃសហគមន៍ប្រូតេស្តង់ បានឲ្យដឹងថា៖ “យើងខ្ញុំមានបរិវេណព្រះវិហាដ៏ស្រស់ស្អាត និងទំនើបៗ។ បរិវេណដើមឈើលំអរនៅជុំវិញព្រះវិហារមានទំហំប្រមាណ ២ ពាន់ម៉ែត្រការ៉េ។ បរិវេណព្រះវិហារមានទំហំ ៥ ០០០ ម៉ែត្រការ៉េ។ ព្រះវិហានេះអាចផ្ទុកបានមនុស្សចំនួនពី ៩០០ ទៅ ១ ០០០ នាក់។ រដ្ឋបានបង្កកល្ខណៈងាយស្រួលដល់ ជីវភាពរស់ប្រចាំថ្ងៃទាំងខាងផ្លូវលោក និងផ្លូវធម៌ដល់យើងខ្ញុំ។  យើងខ្ញុំកំពុងដាក់ពាក្យសុំលិខិតបញ្ជាក់កម្មសិទ្ធិដីធ្លី និងពង្រីកបរិវេណព្រះវិហារផងដែរ”។

ព្រះវិហារប្រូតេស្តង់ Plei Mo Nu

ជារៀងរាល់ថ្ងៃពុធនិងថ្ងៃអាទិត្យក្នុងសប្តាហ៍ អ្នកភូមិ Plei Mo Nu បានរួម គ្នាធ្វើ ពិធីបុណ្យសាសនា។ នាបច្ចុប្បន្ននេះ ចំនួនអ្នកភូមិ Plei Mo Nu ដែលបានកាន់សាសនាប្រូតេស្តង់គឺជាង ១ ពាន់នាក់ ហើយសុទ្ធតែជាជនជាតិ Jrai។ ទំនៀមទម្លាប់មនុស្សធម៌មួយរបស់ប្រជាប្រូតេស្តង់នៅភូមិ Plei Mo Nu គឺចូលរួមវិភាគទានជាថវិកានិងអង្ករបន្តិចបន្តួច នៅពេលធ្វើបុណ្យសាសនានៅព្រះវិហា ដើម្បីចែកជូនអ្នកភូមិដែលមានជីវភាពរស់នៅលំបាក ហើយមានថវិកាសម្រាប់ជួសជុលព្រះវិហារ។ ក្នុងពេលប្រជុំជីវភាពជំនឿសាសនាម្តងៗនោះ អ្នកភូមិបានអរព្រះគុណ ដែលបានប្រទានឲ្យសុខភាព និងបញ្ញា។ អ្នកស្រី Rina អ្នកភូមិ Plei Mo Nu ម្នាក់បានចែករំលែកថា៖ “អ្នកភូមិភាគច្រើនបានកាន់សាសនាប្រូតេស្តង់ ។ នៅថ្ងៃច័ន្ទ និងថ្ងៃសៅរ៍ ទៅហាត់ ច្រៀងបទចម្រៀង។ នៅថ្ងៃអាទិត្យ អ្នកភូមិបានធ្វើបុណ្យសាសនាច្រើនបំផុត ព្រោះថានេះជាថ្ងៃឈប់សម្រាក។ ថ្ងៃអាទិត្យជាថ្ងៃរបស់ព្រះ ។ ថ្ងៃព្រហស្បតិ៍គឺជាថ្ងៃគោរពឪពុកម្តាយ។ នៅពេលធ្វើបុណ្យសាសនា យើងខ្ញុំមានអារម្មណ៍សុខស្រួល ដោយមើលឃើញថាជីវភាពរស់នៅពិតជាស្រស់ស្អាត ហើយរំលឹកខ្លួនឯងធ្វើអំពើរល្អផងដែរ”។

ព្រះវិហារ Plei Mo Nu មានស្ថាបត្យកម្ម Roman តាមលំនាំប្រទេសលោកខាងលិច ប៉ុន្តែមានភាពសុខដុមជាមួយ ក្បូរក្បាច់ចម្លាក់មានលក្ខណៈនៃវប្បធម៌ក្នុងស្រុក។ ព្រះវិហារ Plei Mo Nu មិនត្រឹមតែជាសំណង់ខាងជំនឿសាសនាប៉ុណ្ណោះទេ ថែមទាំងត្រូវបាន ចាត់ទុកថាជាគោលដៅទស្សនាដ៏ទាក់ទាញភ្ញៀវទេសចរនៅភូមិ Plei Mo Nu ទៀតផង៕