(VOV)_ជាប្រទេសមួយក្នុងចំណោមប្រទេសពោរពេញទៅដោយ​អត្តសញ្ញាណ
វប្បធម៌ ​ឥណ្ឌូនេស៊ីជាប្រទេសមានឧបករណ៍ភ្លេងប្រពៃណីជា​ច្រើន​ ដោយមានសម្លេង ផ្អែមល្ហែម និងងាយស្ដាប់នៅតំបន់និមួយៗ​ ដែលក្នុងនោះ​មាន​ត្រែបបូមាត់ ( Karinding)។ ​

ត្រែបបូមាត់ ( Karinding)

          Karinding ជាឧបករណ៍ភ្លេងប្រពៃណីរបស់ជនជាតិ Sunda ភាគខាង​លិច កោះ
 Jawa ។ Karinding ត្រូវបានធ្វើពីឬស្សី មានកម្រាស់០,៥cm ទទឹង១ cm និងបណ្ដោយ
ប្រវែងពី១០-១៨ cm។ Karinding មាន៣ផ្នែក​ ផ្នែក​ទី១ប្រ​វែង​៧-៨ cm សំរាប់កាន់  ផ្នែកទី២ ប្រវែង៣-៤ cm ត្រូវបានដាក់ផ្អិបជាប់មាត់​អ្នកលេងដើម្បីផ្លុំ និងផ្នែក​ខាងចុង​មានប្រវែង៥-៦ cm ។ បង Kangman ប្រធានក្រុមអ្នកតន្ត្រី Karinding “Karinding Attack” នៅកោះ Bandung បានអោយដឹងថា៖ 

          “ នាបច្ចុប្បន្ន ឧបករណ៍នេះបានមានវត្តនៅកន្លែងជាច្រើន​ដូចជានៅតំបន់ជន
ជាតិ Sunda , Aceh ឬវៀតណាមទៀតផង។ នៅវៀត​ណាមវាបានហៅថា៖ ត្រែបបូមាត់។”

អ្នកលេងKarinding

          បង Aki Ameng សមាជិកនៃក្រុម តន្ត្រី Karinding “Karinding Attack” ជាអ្នកធ្វើ
Karinding  សំរាប់ក្រុមរបស់ខ្លួន បានអោយដឹងថា៖ Karinding​មាន​តំលៃពី៣ដល់៥,៥
ដុល្លារអាមេរិក។ ដើម្បីធ្វើ Karinding នោះរយៈពេលយូរបំផុតគឺ​​ពេលរង់ចាំ​ឬស្ស៊ីស្ងួត
 ប្រហែល៩ខែ។ បង Aki Ameng បានអោយដឹងថា៖

          “ ពេលទើបរៀនធ្វើ ខ្ញុំត្រូវចំណាយពេលវេលាអស់៣ថ្ងៃ ទើបសម្រេច Karinding​
 មួយគ្រឿង​។ ប៉ុន្តែ ពេលដែលបានចេះស្ទាត់ហើយ ​ខ្ញុំធ្វើអស់រយៈពេលតែ១-២ម៉ោង
ប៉ុណ្ណោះ។”

​ ឧបករណ៍ភ្លេងនេះមានសម្លេងដូចជារៃយំនេះ បានមានវត្តមានមុននេះជាង៧០០ឆ្នាំ
មុនមក និងត្រូវបានប្រើប្រាស់ដើម្បីវាយបណ្ដេញសត្វល្អិត ​ការពារដំណាំ។ ហើយក្នុង
ដំ ណើការអភវិឌ្ឍន៍ ជន Sudan បានប្រើឧបករណ៍នេះ ក្នុងជីវភាពរស់ នៅប្រចាំថ្ងៃ  ក្នុងពិធីបុណ្យធំៗ និង​ត្រូវបានជនជាតិជាច្រើនពេញនិយមប្រើប្រាស់ដែរ។ បង 
Kangwan បាន​អោយដឹងថា៖ ដើម្បីលេងឧបករណ៍ភ្លេងនេះ គឺត្រូវចំណាយរយៈពេល
១ខែដើម្បី ហ្វឹកហាត់និង ក្តាប់បានវិធី​ចំនួន៣​៖

          “ វិធីចំនួន៣នោះគឺ ចេះស្ទាត់ ឧស្សាព្យាយាមនិងហ្វឹងនរចិត្ត។ ​ប្រការនេះមាន
ន័យថា កាន់ឧបករណ៍នេះអោយជាប់ ត្រូវឧស្សាព្យាយាមក្នុងពេលលេង Karinding និងមានអារម្មណ៍ចំពោះសម្លេងរបស់​ឧបករណ៍​នេះ​។”

ដើម្បីបញ្ជូនឧបករណ៍ភ្លេងប្រពៃណីនេះចូលក្នុងជីវភាពរស់នៅប្រចាំថ្ងៃ នាបច្ចុប្បន្ន
 នៅឥណ្ឌូនេស៊ីមានក្រុមតន្ត្រីមានគ្នាចំនួន៥នាក់ ដែលក្នុងនោះមាន៣នាក់លេង
Karinding។ ក្រៅពីនោះ បណ្ដាក្រុមតន្ត្រីដូចជា៖​ Karinding Attack , Karinding
Celempung ជាដើម បានរួមផ្សំ​ឧបករណ៍​ជា​ច្រើន​ ​ដើម្បីការសម្ដែងបានពិរោះនិងព
ហុបែបជាងឬបើកថ្នាក់រៀន Karinding​ នៅសាលារៀនទៀតផង៕