សម្តែងឡើងវីញពិធីបុណ្យ Tac Ka Coong របស់ជនជាតិ Co Tu (រូបថត៖ VOV)

ពិធីបុណ្យ Tac Ka Coong រួមមានពិធីសំខាន់ៗដូចជា៖ Choh co (កប់ដើម Neu) Tong ri (ចងក្របី) Chươt Ti ri (ចាក់គោ) និងពិធីបុណ្យ Tac Ka Coong ផងដែរ។ បច្ចុប្បន្ននេះ  ពិធីចាក់ក្របីត្រូវបានលុបចោលហើយ។ នៅថ្ងៃឈប់សម្រាកពីព្រឹកព្រលឹមស្រាងៗ ព្រឹទ្ធាចារ្យភូមិ អ្នកមានកិត្យានុភាពក្នុងភូមិនិងមេគ្រួសារបានអនុវត្តន៍ពិធីកប់ដើម Neu។  ដើម Neu នេះត្រូវបានកប់នៅក្នុងដីរបស់ភូមិ ជានិមិត្តរូបនៃកម្លាំងមហាសាមគ្គីរបស់អ្នកភូមិទាំងមូល ដែលជាស្ពានតភ្ជាប់រវាងអ្នកភូមិនិងព្រះអាទិទេព្យ។ បន្ទាប់មកគឺពិធីចងក្របីថ្វាយអារក្សអ្នកតា ព្រះគីរី ព្រះគង្គារ។ បន្ទាប់មក យុវជន យុវនារីក្នុងសំលៀកបំពាក់ប្រពៃណីចម្រុះពណ៌បានរាំរបាំ Tung tung da da ដែលជារបាំប្រពៃណីរបស់ជនជាតិ Co Tu។ ព្រឹទ្ធាចារ្យភូមិ Ho Van Sap នៅឃុំ Lam Dot ស្រុក A Luoi បានឲ្យដឹងថា៖ “ពិធីបុណ្យ Tac Ka Coong ត្រូវបានស្តារឡើងវិញតាមទំនៀមទម្លាប់បុរាណរបស់ជីដូនជីតាយើង។ ពិធីបុណ្យនេះគេប្រារព្ធតែម្តង ក្នុងរៀងរាល់ ៣ ទៅ ៤ ឆ្នាំម្តង។ យ៉ាងណាមិញ ទំនៀមទម្លាប់របស់ជនជាតិ Co Tu ត្រូវតែរក្សាជារៀងរហូត”។

ការចាប់ផ្តើមពិធីបុណ្យ Tac Ka Coong គឺជាពិធីថ្វាយស្ពុកម្ហូបអាហារថ្វាយជូនពពួកទេវតា។ អ្នកដែលដាក់ស្ពុកដង្វាយធ្វាយជូនពពួកទេសវតាគឺយុវជន យុវនារីជនជាតិ Co Tu ដ៏ស្រស់ស្អាត មានព្រលឹងបរិសុទ្ធ  ដោយអ្នកភូមិជ្រើសរើស។ ម្ហូបធ្វើពីគ្រឿងបូជាដ៏ល្អបំផុតរួមមាន សត្វក្របី សត្វគោ ពពែ ជ្រូក និងមាន់។ រួមជាមួយនឹងនំច្រើនប្រភេទដែលបានធ្វើពីអង្ករដំណើបក្រអូប។ ទាំងអស់នេះត្រូវបានថ្វាយជូនដល់ពពួកទេវតា។ ស្ពុកប្ហូបសម្រាប់ដាក់សែនក្នុងពិធីបុណ្យ Tac Ka Coong ត្រូវបានដាក់យ៉ាងឧិឡារីកនៅលើតុ ហើយប្រជាជនសម្តែងអរគុណអារក្សអ្នកតា ព្រះគីរី ព្រះគង្គារ ដែលបានប្រទានពរជ័យដល់កូនចៅ និងភូមិឃុំនៃប្រជាជន Co Tu ទទួលបាននូវសេចក្ដីសុខចម្រើន និងសូមបួងសួងឱ្យព្រះបន្តការពារ និងប្រទានដល់កូនចៅភូមិឱ្យមានសុខភាពល្អ ជួបតែសំណាងល្អ។ លោកស្រី Ho Thi Tu អនុប្រធានការិយាល័យគ្រប់គ្រងការអភិរក្សវប្បធម៌ និងសិល្បៈ មជ្ឈមណ្ឌលវប្បធម៌ ព័ត៌មាន និងកីឡាស្រុក A Luoi បានឲ្យដឹងថា៖ "កាលពីពីរឆ្នាំមុន យើងបានរៀបចំឡើងវិញ ពិធីបុណ្យរបស់ជនជាតិ Pa Co និង Ta Oi។ ឆ្នាំនេះ យើងបន្តបង្ហាញឡើងវិញពិធីបុណ្យរបស់ជនជាតិ Co Tu   ដើម្បីបន្តអភិរក្ស និងលើកតម្កើងតម្លៃវប្បធម៌ និងពិធីបុណ្យប្រពៃណីរបស់ជនជាតិ Co Tu”។

ការថ្វាយចង្ហាន់ដល់ទេវតា (រូបថត៖ VOV)

នៅមហោស្រពវប្បធម៌ កីឡា និងទេសចរណ៍លើកទី ១៥ របស់ជនជាតិនៅតំបន់ព្រៃភ្នំ ខេត្ត Thua Thien Hue ឆ្នាំ ២០២៤ ដែលទើបប្រារព្ធឡើងនៅស្រុក A Luoi  ហើយជាលើកដំបូងស្រុក A Luoi បានប្រារព្ធឡើងវិញពិធីបុណ្យ Tac Ka Coong ផងដែរ។ លោកស្រី Le Thi Dieu ឃុំ Hong Ha ស្រុក A Luoi បានចូលរួមសម្តែងឡើងវិញពិធីបុណ្យ Tac Ka Coong បានសំណេះសំណាលថា៖ “នៅពេលខ្ញុំចូលរួមក្នុងពិធីបុណ្យ Tac Ka Coong របស់ជនជាតិ Co Tu ខ្ញុំពិតជាមានមោទនភាព និងកិត្តិយសខ្លាំងណាស់។ យើងខ្ញុំក៏ចង់រៀនដើម្បីមរតកទៅជំនាន់ក្រោយ”។

ពិធីបុណ្យ Tac Ka Coong របស់ជនជាតិ Co Tu បាននាំមកនូវបទពិសោធន៍គួរឱ្យចាប់អារម្មណ៍ជាច្រើនដល់ប្រជាជន និងភ្ញៀវទេសចរ។ លោកស្រី Chau Thi Hau ភ្ញៀវទេសចរណ៍មកពីទីក្រុង Da Nang មកទស្សនាស្រុក A Luoi ក្នុងឱកាសពិធីបុណ្យ Tac Ka Coong បានសម្តែងចំណាប់អារម្មណ៍ថា៖ “ខ្ញុំទើបតែស្គាល់ដល់ពិធីបុណ្យនេះ ហើយបានចូលរួមពិធីជាលើកដំបូង។ មកដល់ទីនេះ ខ្ញុំមើលឃើញថា ជីវភាពខាងវិញ្ញាណ និងវប្បធម៌របស់ជនជាតិភាគតិចនៅទីនេះសម្បូរបែប។ លើកទីមួយដែលខ្ញុំបានចូលរួមពិធីបុណ្យនេះ ខ្ញុំពិតជាសប្បាយណាស់”។

ពិធីបុណ្យ Tac Ka Coong គឺជាសម្រស់វប្បធម៌ប្រពៃណីរបស់ជនជាតិ Co Tu។ នោះគឺការរស់នៅដោយកតញ្ញូ គោរពប្រណិប័តន៍ជានិច្ច ហើយតែងតែផ្សារភ្ជាប់ជាមួយធម្មជាតិដែលជាកន្លងខ្លួនបានកើតមក ធំដឹងក្តី និងពេញវ័យ។ ស្រុក A Luoi ខេត្ត Thua Thien Hue គ្រោងនឹងនាំយកពិធីបុណ្យនេះ ដើម្បីបម្រើទេសចរណ៍សហគមន៍ រួមចំណែកផ្សព្វផ្សាយវប្បធម៌ និងរូបភាពក្នុងតំបន់៕