ការបោះឆ្នោតប្រធានាធិបតីអាមេរិកឆ្នាំ ២០២០៖ ប្រធានាធិបតី លោក D. Trump អះអាងថា លោកមានសុខភាពល្អធម្មតា ដើម្បីបន្តយុទ្ធនាការឃោសនាបោះឆ្នោត
(VOVWORLD) - ក្នុងរយៈពេលជិត ១ សប្តាហ៍បន្ទាប់ពីបានធ្វើតេស្តវិជ្ជមានចំពោះជំងឺរាតត្បាតកូវីដ ១៩ នោះ ប្រធានាធិបតីអាមេរិកលោក D. Trump បានអះអាងថា លោកមានសុខភាពល្អធម្មតា ដើម្បីបន្តយុទ្ធនាការឃោសនាបោះឆ្នោត។
 ប្រធានាធិបតី លោក D. Trump (រូបថត៖ TTXVN) |
នៅក្នុងបទសម្ភាសន៍ជាមួយទីភ្នាក់ ងារសារព័ត៌មាននានា តាមទូរស័ព្ទកាលពីថ្ងៃទី ៨ ខែតុលា លោកប្រធានាធិបតី Trump បានប្រកាសថា លោកលែងបានទទួលការព្យាបាលជំងឺកូវីដ ១៩ ទៀតហើយ ប៉ុន្តែលោកនៅតែលេបថ្នាំ ប្រឆាំងនឹងការរលាក Steroid ផងដែរ។ លើសពីនេះទៅទៀត លោក D. Trump បានអះអាងថា លោកនឹងមិនទទួលយកការជជែកដេញដោលជាមួយ បេក្ខជនប្រធានាធិបតីនៃគណបក្សប្រជាធិបតេយ្យលោក Joe Biden តាមរយៈប្រព័ន្ធវីដេអូអនឡាញឡើយដោយចាត់ទុកថា ទម្រង់នេះនឹងអនុញ្ញាតឱ្យអ្នកសម្របសម្រួលកាត់សម្ដីលោកផងដែរ៕