គណៈប្រតិភូនៃគណៈកម្មាធិការកិច្ចការបរទេសនៃរដ្ឋសភាវៀតណាមបាន អញ្ជើញទៅបំពេញទស្សកិច្ចនិងធ្វើការនៅរុស្ស៊ី
 |
| គណៈប្រតិភូនៃគណៈកម្មាធិការកិច្ចការបរទេសនៃរដ្ឋសភាវៀតណាមបាន អញ្ជើញទៅបំពេញទស្សកិច្ចនិងធ្វើការនៅរុស្ស៊ី (រូបថតោ៖ Bao tin tuc) |
(VOV)_ចាប់តាំងពីថ្ងៃទី ១៨ ដល់ ២២ មិនា គណៈប្រតិភូនៃគណៈកម្មាធិការកិច្ច
ការបរទេសនៃរដ្ឋសភា ដែលដឹកនាំដោយលោក Nguyen Manh Tien អនុប្រធានគណៈ
កម្មាធិការបានអញ្ជើញទៅបំពេញទស្សកិច្ច និងធ្វើការនៅរុស្ស៊ី។ ក្នុងក្របខ័ណ្ឌនៃដំណើរ
ទស្សនកិច្ចលើកនេះ គណៈប្រតិភូបានធ្វើការជាមួយគណៈកម្មាធិការកិច្ចការបរទេស
ជាតិ Duma នៃសហព័ន្ធរុស្ស៊ី គណៈកម្មាធិការកិច្ចការបរទេសក្រុមប្រឹក្សាសហព័ន្ធរុស្ស៊ី
ទស្សនានិងធ្វើការជាមួយថ្នាក់ដឹកនាំស្ថានឯកអគ្គរដ្ឋទូតវៀតណាម តំណាងសហគមន៍
សមាគមអង្គភាពអាជីវកម្ម ព្រមទាំងបណ្ដាស្ថាប័នតំណងរបស់វៀតណាមប្រចាំនៅសហ
ព័ន្ធរុស្ស៊ីផងដែរ។
នាថ្ងៃទី ២១ មិនា គណៈប្រតិភូបានធ្វើការជាមួយលោក Anatoly Karpov អនុ
ប្រធានគណៈកម្មាធិការកិច្ចការបរទេសជាតិ Duma នៃសហព័ន្ធរុស្ស៊ី។ ភាគីទាំងពីរបាន
សម្ដែងនូវការពេញចិត្តចំពោះលទ្ធផលនៃកិច្ចសហប្រតិបត្តិការយ៉ាងសកម្ម ប្រសិទ្ធភាព
និងកិច្ចសហការយ៉ាងជិតស្និតលើវេទិកាអន្តរជាតិរវាងរដ្ឋសភាវៀតណាមនិងរដ្ឋសភា
សហព័ន្ធរុស្ស៊ីក្នុងរយៈពេលកន្លងទៅ ទន្ទឹមនឹងនោះភាគីទាំងពីរក៏បានឲ្យដឹងថា យើង
គប្បីបន្តការផ្លាស់ប្ដូរគណៈប្រតិភូគ្រប់ជាន់ថ្នាក់ជាប្រចាំដើម្បីបង្កើនការយល់ដឹងគ្នាទៅ
វិញទៅមក បង្កើតមូលដ្ឋានដ៏រឹងមាំដើម្បីជំរុញទំនាក់ទំនងទ្វេរភាគីអភិវឌ្ឍន៍ ។ ភាគី
ទាំងពីបានឯកភាពដោយសហការយ៉ាងជិតស្និតដើម្បីជំរុញការអនុម័ត និងឃ្លាំមើល
ការអនុវត្តបណ្ដាកិច្ចព្រមព្រៀង ដែលត្រូវបានថ្នាក់ដឹកនាំជាន់ខ្ពស់នៃប្រទេសទាំងពីរ
ចុះហត្ថលេខារួចមក។ ក្នុងឱកាសនេះដែរ លោក Nguyen Manh Tien បានស្នើឲ្យភាគី
រុស្ស៊ីពិនិត្យបន្ធូបន្ថយការផ្ដល់ទិដ្ឋាការទេសចរណ៍ឲ្យជនវៀតណាម ក៏ដូចជាបង្កលក្ខណៈ
ងាយស្រួលសម្រាប់សហគមវៀតណាមសិក្សារៀនសូត្ររស់នៅប្រកបដោយស្ថិរភាព និង
ស្របតាមច្បាប់នៅសហព័ន្ធរុស្ស៊ី ។
នាល្ងាចថ្ងៃដដែលនេះ នៅទីស្ដីការក្រុមប្រឹក្សាសហព័ន្ធរុស្ស៊ី គណៈប្រតិភូបានធ្វើ
ការជាមួយលោក Aleksandr Volkov អនុប្រធានគណៈកម្មាធិការកិច្ចការបរទេសទទួល
បន្ទុកអប់រំ និងវប្បធម៌ ។
មុននោះ គណៈប្រតិភូក៏បានធ្វើការជាមួយថ្នាក់ដឹកនាំនៃស្ថានឯកអគ្គរដ្ឋទូត
វៀតណាម តំណាងសហគមន៍ សមាគមអង្គភាពអាជីវកម្ម និងស្ថាប័នតំណាងរបស់
វៀតណាមប្រចាំនៅសហព័ន្ធរុស្ស៊ីផងដែរ៕