 |
| នាយករដ្ឋមន្ត្រីបានបញ្ជាបើកការដ្ឋានសាងសង់កំពង់ផែអន្តរជាតិ Hai Phong។ |
VOV-នាព្រឹកថ្ងៃទី១៤មេសានៅស្រុក Cat Hai ទីក្រុង Hai Phong នាយករដ្ឋមន្ត្រី
វៀតណាមលោក Nguyen Tan Dung បានបញ្ជាបើកការដ្ឋានគំរោងការសាងសង់
សំណង់កំពង់ផែច្រកទ្វារអន្តរជាតិ Hai Phong (កំពង់ផែ Lach Huyen)។ នេះជាគំរោង
ការមានអត្ថន័យសំខាន់ពិសេស មិនត្រឹមតែរួមចំណែកជំរុញសេដ្ឋកិច្ចសង្គម ធានា
សន្តិសុខការពារជាតិជំរុញដំណើរការឧស្សាហូបនីយកម្ម-ទំនើបភាវូបនីយកម្មរបស់
ទីក្រុង Hai Phong ដំបន់ភាគខាងជើងនិងទូទាំងប្រទេស។ ថ្លែងមតិនៅពិធី
នាយករដ្ឋមន្ត្រី Nguyen Tan Dung បានសង្កត់ធ្ងន់ថា៖
“យុទ្ធសាស្ត្រសមុទ្រវៀតណាមដល់ឆ្នាំ២០២០ដែលបានអនុម័តនៅសន្និបាត
លើកទី៤គណៈកម្មាធិការមជ្ឈឹមបក្ស(នីតិកាលទី១០) បានកំណត់គោលដៅដល់ឆ្នាំ២០២០គឺខំប្រឹងប្រែងនាំវៀតណាមក្លាយទៅជាប្រទេសខ្លាំងអំពីសមុទ្រធ្វើមាន
ពីសមុទ្រធានារឹងមាំអធិបតេយ្យភាព សិទ្ធិអធិបតេយ្យភាពជាតិលើសមុទ្រកោះរួមចំណែកសំខាន់ក្នុងបុព្វហេតុឧស្សាហូបនីយកម្ម-ទំនើបភាវូបនីយកម្ម ធ្វើឲ្យប្រទេសជាតិខ្លាំងមាំមួន។”
គំរោងការកំពង់ផែច្រកទ្វារអន្តរជាតិ Hai Phong (កំពង់ផែ Lach Huyen)មានកំរិតវិនិយោគសរុបប្រមាណ២៥លានលានដុងពីប្រភពទុន ODA របស់ជប៉ុននិង
ទុនរបស់រដ្ឋាភិបាលវៀតណាម៕