បញ្ហា Brexit៖ EU សង្កត់ធ្ងន់ថា ផែនការ Brexit របស់អង់គ្លេស "គប្បីកែប្រែ"
(VOVWORLD) - នាថ្ងៃទី ១៩ ខែកញ្ញា ប្រធានក្រុមប្រឹក្សាអឺរ៉ុបលោក Donald Tusk បានឲ្យដឹងថា អង់គ្លេសចាំបាច់ត្រូវពិចារណាឡើងវិញអំពីជំហរចរចាអំពី Brexit របស់ប្រទេសខ្លួន ដែលទាក់ទិននឹងបញ្ហាព្រំដែនអៀរឡង់ និងទំនាក់ទំនងពាណិជ្ជកម្មជាមួយសហភាពអឺរ៉ុប (EU) នាពេលអនាគត។
 នាយករដ្ឋមន្ត្រីអង់គ្លេសលោកស្រី Theresa May |
ថ្លែងមតិនៅក្នុងសន្និសីទកាសែត មុននឹងសន្និសីទកំពូល EU នៅ Salzburg ប្រទេសអូទ្រីស នាយប់ថ្ងៃដដែល លោក Donald Tusk បានអបអរសាទរចំពោះសំណើរមួយចំនួននៅក្នុងផែនការ Brexit របស់នាយករដ្ឋមន្ត្រីអង់គ្លេសលោកស្រី Theresa May ប៉ន្តែព្រមាន អំពី បញ្ហាផ្សេងៗទៀតដូចជាព្រំដែនអៀរឡង់ឬក្របខ័ណ្ឌនៃកិច្ចសហប្រតិបត្តិការសេដ្ឋកិច្ច ហើយរាល់សំណើររបស់អង់គ្លេសគឺគប្បីកែប្រែ។
ក្នុងបម្រែបម្រួលទាក់ទិនមួយទៀត លេខាធិការហិរញ្ញវត្ថុនៃក្រសួងហិរញ្ញវត្ថុអង់គ្លេស លោក Mel Stride នាថ្ងៃទី ១៩ ខែកញ្ញា បានឲ្យដឹងថា អង់គ្លេសអាចអនុវត្តន៍ការធ្វើប្រជាមតិជាលើកទីពីរ អំពីការចាកចេញពី សហភាពអឺរ៉ុប (EU) ឬហៅថា Brexit បើសិនជាសមាជិកសភាច្រានចោលនូវផែនការ Brexit របស់នាយករដ្ឋមន្ត្រីលោកស្រី Theresa May៕