នៅក្នុងសេចក្តីប្រកាសនាថ្ងៃទី ២៣ ខែសីហា អ្នកនាំពាក្យក្រុមប្រឹក្សាសន្តិសុខជាតិអាមេរិក លោក John Kirby បានឲ្យដឹងថា ការចរចានៅទីក្រុងគែរទទួលវឌ្ឍនភាព ហើយបានដាស់តឿនឱ្យអ៊ីស្រាអែល និងក្រុមហាម៉ាស រួមសហការគ្នា ឆ្ពោះទៅរកការអនុវត្តជាក់ស្តែង។

ទោះជាយ៉ាងណាក៏ដោយ ក្រុមហាម៉ាសមិនបានចូលរួមក្នុងការចរចាលើកនេះទេ។ ទន្ទឹមនឹងនេះ លោក Osama Badran មន្ត្រីក្រុមហាម៉ាស់ បានចាត់ទុកថា សំណើរបស់នាយករដ្ឋមន្ត្រី Netanyahu ស្តីពីការគ្រប់គ្រងច្រករបៀង Philadelphia ឆ្លុះបញ្ចាំងពី "ការបដិសេធរបស់អ៊ីស្រាអែល ចំពោះការឈានដល់កិច្ចព្រមព្រៀងចុងក្រោយ" ។

នៅក្នុងការវិវឌ្ឍមួយទៀត កាលពីថ្ងៃទី ២៣ សីហា ការប្រយុទ្ធឆ្លងដែនដ៏សាហាវបន្តផ្ទុះឡើងរវាងកងទ័ពអ៊ីស្រាអែល និងកងកម្លាំង Hezbollah នៅប្រទេសលីបង់។ ការវាយប្រហារតាមផ្លូវអាកាសរបស់អ៊ីស្រាអែលលើប្រទេសលីបង់បានសម្លាប់សមាជិកក្រុមហេសបូឡាយ៉ាងតិច៨នាក់។ គួរកត់សម្គាល់ថា តំបន់ជាច្រើននៅក្នុងប្រទេសលីបង់ ក៏បានក្លាយជាគោលដៅនៃការវាយប្រហាររបស់អ៊ីស្រាអែលជាលើកដំបូងក្រោយរយៈពេលជាង ១០ ខែនៃជម្លោះ។

 ក្រុមហេសបូឡាបានឆ្លើយតបទៅនឹងការវាយប្រហារតាមផ្លូវអាកាសរបស់អ៊ីស្រាអែលជាមួយនឹងការវាយប្រហារដោយគ្រាប់មីស៊ីលជាច្រើន សំដៅទៅលើតំបន់ភាគខាងជើងនៃប្រទេសអ៊ីស្រាអែល។ កងទ័ពអ៊ីស្រាអែលបានឲ្យដឹងថាំ នៅថ្ងៃទី ២៣ ខែសីហា ក្រុមហេសបូឡាបានបាញ់មីស៊ីលសរុបប្រហែល ១០០ គ្រាប់ចូលទៅក្នុងទឹកដីអ៊ីស្រាអែល៕