ប្រធានាធិបតីអាមេរិក Barak Obama  (រូបថតៈ Internet)

(VOVworld)-ទោះបីបន្ទាប់ពីការបោះឆ្នោតសកលបានមានបទថ្លែងមតិមួយចំនួន​មានចរឹតលក្ខណៈសម្រុះសម្រួលរវាងសេតវិមាន និងគណៈបក្សប្រជាធិប​តេយ្យ
ជាមួយភាគីគណៈបក្សសាធារណៈរដ្ឋក្តី  ប៉ុន្តែប្រជាមតិអាមេរិកនាថ្ងៃទី ៨វិច្ឆិកា
នៅចាត់ទុកថាប្រធានាធិបតី Barak Obama នៅតែប្រឈមមុខនឹងការសាកល្បង
ជាច្រើន ក្នុងរាល់បញ្ហាទំនាក់ទំនងកិច្ចការក្នុងនិងក្រៅប្រទេស​។ ដល់សព្វថ្ងៃ ថ្នាក់ដឹកនាំគណៈបក្សប្រជាធិបតេយ្យនិងគណៈបក្សសាធារ ណរដ្ឋនៅរដ្ឋសភា​នៅតែខ្វែងគំនិតគ្នាអំពីបញ្ហាគោលនយោបាយពន្ធ។ ក្នុងបញ្ហា ដែលអ្នកបោះ
ឆ្នោតតែងតែយកចិត្តទុកដាក់នេះ សេតវិមាន និង សមាជិកសភារបស់គណៈ
បក្សប្រជាធិបតេយ្យ មានការផ្តួចផ្តើមគំនិតដំឡើងពន្ធចំពោះអ្នកមាន។ ការ
ដំឡើងពន្ធនេះ នឹងបង្កើនប្រភពចំណូលថវិកាជាតិ រួមចំណែកចូលក្នុងការដោះ​ស្រាយបញ្ហាប្រាក់បំណុលជាតិ។ ប៉ុន្តែទស្សនៈរបស់ថ្នាក់ដឹកនាំគណៈបក្ស សាធារណរដ្ឋចាត់ទុកថា អ្នកមានប្រាក់ជាកម្លំាងចលករនៃខឿនសេដ្ឋកិច្ច ដូច្នេះ បើដំឡើងពន្ធនឹងធ្វើឲ្យការវិនិយោគថយចុះ ដោយហេតុនេះ មិនល្អសម្រាប់
ខឿនសេដ្ឋកិច្ចទេ។ ចំពោះកិច្ចការបរទេស ប្រធានាធិបតី Obama ក៏កំពុងប្រ
ឈមនិងការ សាកល្បងដែលត្រូវដោះស្រាយជាច្រើនដែរ។ រយៈពេល៤ឆ្នាំកាន់
អំណាច លោក Obama នៅមិនទាន់អនុវត្តន៌បានការសន្យាជម្រុញអ៊ីស្រាអែល
និងប៉ាឡែទីន ចុះហត្ថលេខាលើកិច្ចព្រមព្រៀងសន្តិភាពយូរអង្វែង៕