ប្រតិភូ និងប្អូនកុមារអន្តរជាតិ ចូលរួមក្នុងការប្រឡងគំនូរកុមារអន្តរជាតិ  (រូបថត៖ ង្វៀន វៀត/TTXVN)

ការប្រឡងនេះគឺសម្រាប់កុមារវៀតណាមនិងអន្តរជាតិ មានអាយុពី ៥ ទៅ ១៦ឆ្នាំ ដែលរស់នៅ និងសិក្សានៅទីក្រុងហាណូយ។ ចូលរួមក្នុងការប្រឡង ប្អូនៗកុមារបានគូររូបភាពបង្ហាញពីក្តីស្រឡាញ់ចំពោះហាណូយ - ទីក្រុងដើម្បីសន្តិភាព ទីក្រុងច្នៃប្រឌិតអំពីមនុស្ស និងជីវភាព និងធម្មជាតិដ៏ស្រស់ស្អាតនៃទីក្រុងហាណូយ។ បន្ទាប់ពីរយៈពេល១ខែនៃការចាប់ដំណើរការ ការប្រឡងឆ្នាំនេះទទួលបានគំនូរជិត ៣០០ ផ្ទាំង  ដែលជាផ្ទាំងគំនូរប្រកប ដោយសោភ័ណភាពខ្ពស់ បង្ហាញពីសេចក្តីស្រឡាញ់ចំពោះទីក្រុងហាណូយ សេចក្តីស្រឡាញ់សន្តិភាពពីទស្សនៈដ៏បរិសុទ្ធរបស់កុមារហាណូយ។

គណៈមេប្រយោគបានផ្តល់រង្វាន់ពិសេសដល់ប្អូន Devanka Morritz (អាយុ ១១ ឆ្នាំ) មកពីស្ថានទូតឥណ្ឌូនេស៊ី។ រង្វាន់លេខមួយចំនួន ២ រង្វាន់បានទៅ៖ Phohne Myat Thaw (ស្ថានទូតមីយ៉ាន់ម៉ា) និង Nguyen Anh Thy (សិស្សសាលាអនុវិទ្យាល័យ Ngo Si Lien) រួមជាមួយរង្វាន់លេខ ២ ចំនួន ៤ រង្វាន់; រង្វាន់លេខ ៣ ចំនួន ៧ រង្វាន់និងរង្វាន់លើកទឹកចិត្តចំនួន ១០រង្វាន់។ ស្នាដៃឈ្នះរង្វាន់នឹងត្រូវដាក់តាំងបង្ហាញនៅមណ្ឌលកេរ្ត៍ដំណែល បរមរាជវាំងថាំងឡុង ពីថ្ងៃទី២៩ ខែសីហា ដល់ថ្ងៃទី១ ខែកញ្ញា។

នាល្ងាចថ្ងៃដដែល ក៏នៅបរមរាជវាំងថាំងឡុង សម្ព័ន្ធអង្គការមិត្តភាពទីក្រុងហាណូយបានសម្របសម្រួលជាមួយស្ថានទូតឡាវ (ប្រធានវេនអាស៊ានឆ្នាំ ២០២៤) និងបណ្តាប្រទេសអាស៊ាននៅវៀតណាមរៀបចំការតាំងពិពណ៌រូបថត “ពណ៌នៃវប្បធម៌អាស៊ាន”។  ការតាំងពិព័រណ៍បង្ហាញរូបថតចំនួន ៥៧ ផ្ទាំងស្តីពីប្រទេស ប្រជាជន តំបន់ប្រវត្តិសាស្ត្រ និងទេសភាពនៃប្រទេសអាស៊ាន; សកម្មភាពអនុស្សាវរីយ៍មួយចំនួនរបស់ថ្នាក់ដឹកនាំអាស៊ានផងដែរ៕