អនុរដ្ឋមន្ត្រីក្រសួងផែនការ និងវិនិយោគ លោក Tran Quoc Phuong បានជូនដំណឹងនៅក្នុងសន្និសីទសារព័ត៌មានជាប្រចាំរបស់រដ្ឋាភិបាលក្នុងខែកញ្ញា ឆ្នាំ២០២៤។ រូបថត៖ VOV

ទាក់ទិននឹងដំណោះស្រាយ អនុរដ្ឋមន្ត្រី Tran Quoc Phuong បានឲ្យដឹងថា មូលដ្ឋានដែលមិនរងផលប៉ះពាល់ ប៉ុន្តែមានសក្ដានុពលកំណើនខ្ពស់ គួរតែចែករំលែកនិងខិតខំប្រឹងប្រែងបន្ថែមទៀត ដើម្បីជំនួសឲ្យការខាតបង់របស់មូលដ្ឋានដែលរងផលប៉ះពាល់ធ្ងន់ធ្ងរ៖ “ក្នុងរបាយការណ៍នេះ ក្រសួងផែនការ និងវិនិយោគបានស្នើទៅនាយករដ្ឋមន្ត្រីថា មានមូលដ្ឋានសំខាន់ចំនួន២ បើសម្រេចបាននូវអត្រាកំណើនខ្ពស់ជាង នឹងចូលរួមចំណែកយ៉ាងសំខាន់ដល់កំណើនសេដ្ឋកិច្ចរបស់ប្រទេសទាំងមូល គឺទីក្រុងហាណូយ និងទីក្រុងហូជីមិញ។ ទាំងនេះគឺជាក្បាលម៉ាស៊ីននិងជាកម្លាំងចលករដ៏សំខាន់របស់ប្រទេសទាំងមូល។ ដោយមានស្មារតីបែបនេះ នាពេលខាងមុខ ក្រសួងផែនការ និងវិនិយោគ នឹងសម្របសម្រួលជាមួយខុទ្ទកាល័យរដ្ឋាភិបាល ដើម្បីបង្ហើយសេចក្តីសម្រេចនៃកិច្ចប្រជុំជាប្រចាំរបស់រដ្ឋាភិបាល ដើម្បីអនុវត្តន៍តាមការណែនាំរបស់រដ្ឋាភិបាល និងនាយករដ្ឋមន្ត្រី”៕