អនុរដ្ឋមន្ត្រីក្រសួងការបរទេសលោកស្រី Le Thi Thu Hang និងលោក Niclas Kvarnström អគ្គនាយកនៃអគ្គនាយកដ្ឋានអាស៊ី-ប៉ាស៊ីហ្វិកនៃទីភ្នាក់ងារកិច្ចការបរទេសសហភាពអឺរ៉ុប (EU) បានធ្វើជាសហប្រធានកិច្ចប្រជុំលើកទី ៥ នៃគណៈកម្មការចម្រុះវៀតណាម-សហភាពអឺរ៉ុបក្នុង ក្របខ័ណ្ឌនៃកិច្ចព្រមព្រៀងភាពជាដៃគូ និងកិច្ចសហប្រតិបត្តិការវៀតណាម-សហភាពអឺរ៉ុប (PCA) (រូបថត៖ dangcongsan.vn)

នៅក្នុងជំនួបនេះ អនុរដ្ឋមន្ត្រី លោកស្រី Le Thi Thu Hang បានអះអាង ថា EU គឺជាដៃគូសេដ្ឋកិច្ចនិងអភិវឌ្ឍន៍ដ៏សំខាន់បំផុតរបស់វៀតណាម ជានិច្ចកាលយកចិត្តទុកដាក់យ៉ាងខ្លាំង ចំពោះការអភិវឌ្ឍទំនាក់ទំនងដៃគូ និងកិច្ចសហប្រតិបត្តិការលើគ្រប់វិស័យ វៀតណាម - EU ក៏ដូចជាទំនាក់ទំនងជាមួយបណ្តាប្រទេសជាសមាជិក EU។ លោកស្រីអនុរដ្ឋមន្ត្រី Le Thi Thu Hang បានស្នើឱ្យ EU ជំរុញសភានៃប្រទេសជាសមាជិកមួយចំនួននៃប្លុកឲ្យបញ្ចប់ការផ្ដល់សច្ចាប័ន លើកិច្ចព្រមព្រៀងការពារការវិនិយោគវៀតណាម - សហភាពអឺរ៉ុប (EVIPA) ដោយទទួលស្គាល់ការខិតខំប្រឹងប្រែងរបស់វៀតណាមក្នុងការទប់ស្កាត់ការនេសាទខុសច្បាប់ មិនបានរាយការណ៍ និងមិនមានការគ្រប់គ្រង IUU) ដោយគិតគូរពីផលប្រយោជន៍របស់អ្នកប្រើប្រាស់ EU ដើម្បីដកកាតលឿងរបស់ IUU សម្រាប់ការនាំចេញអាហារសមុទ្ររបស់វៀតណាមក្នុងពេលឆាប់ៗនេះ។

ភាគីទាំងពីរបានឯកភាពបន្តជំរុញ និងនាំទំនាក់ទំនងទ្វេភាគីឡើងកំពស់ថ្មី សមស្របនឹងសក្ដានុពល និងឋានៈរបស់ភាគីទាំងពី។  ទាក់ទិននឹងបញ្ហាសមុទ្រខាងកើត ភាគីទាំងពីរបានសម្តែងការព្រួយបារម្មណ៍អំពីការវិវឌ្ឍនាពេលថ្មីៗនេះ ព្រមទាំងអះអាងសារជាថ្មីអំពីសារៈសំខាន់នៃសន្តិភាព ស្ថិរភាព សន្តិសុខ សេរីភាពនាវាចរណ៍ និងអាកាសចរណ៍ក្នុងតំបន់ ដោយសង្កត់ធ្ងន់ថា ភាគីទាំងអស់ត្រូវតែគោរពតាមច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិឆ្នាំ ១៩៨២ ស្តីពីការ ច្បាប់សមុទ្រ (UNCLOS); អះអាងការគាំទ្រចំពោះការបញ្ចប់មុនកាលកំណត់នៃក្រមប្រតិបត្តិសម្រាប់ភាគីនានានៅសមុទ្រខាងកើត (COC) ប្រកបដោយប្រសិទ្ធភាពនិងជាក់ស្តែង៕