វៀតណាម-មិកស៊ិកជំរុញទំនាក់ទំនងសេដ្ឋកិច្ចពាណិជ្ជកម្ម
(VOVWORLD) - ថ្លែងមតិក្នុងជំនួបនេះ ថ្នាក់ដឹកនាំទាំង២រូបសុទ្ធតែ មានបំណងឲ្យភាគីទាំង២ជំរុញយ៉ាងខ្លាំងក្លាថែមទៀតនូវទំនាក់ទំនងសេដ្ឋកិច្ចពាណិជ្ជកម្ម ជាពិសេសក្នុងវិស័យកសិកម្ម។
ប្រធានរដ្ឋសភាវៀតណាម លោកស្រី Nguyen Thi Kim Ngan អញ្ជើញទទួលជួបប្រធានព្រឹទ្ធសភា មិកស៊ីកលោក Ernesto Cordeno |
នាព្រឹកថ្ងៃទី២០ មករា នៅទីក្រុងហាណូយ ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ជើញទទួលជួបប្រធានព្រឹទ្ធសភា មិកស៊ីកលោក Ernesto Cordeno ក្នុងឱកាសអញ្ជើញមកបំពេញទស្សនកិច្ច ចូលរួមកិច្ចប្រជុំ APPF ២៦។ ថ្លែងមតិក្នុងជំនួបនេះ ថ្នាក់ដឹកនាំទាំង២រូបសុទ្ធតែ មានបំណងឲ្យភាគីទាំង២ជំរុញយ៉ាងខ្លាំងក្លាថែមទៀតនូវទំនាក់ទំនងសេដ្ឋកិច្ចពាណិជ្ជកម្ម ជាពិសេសក្នុងវិស័យកសិកម្ម។ ស្ដីពីកិច្ចសហប្រតិបតិ្តការពហុភាគី ប្រធានរដ្ឋសភាលោកស្រី Nguyen Thi Kim Ngan ចាត់ទុកថា ប្រទេសទាំង២ មានកិច្ចសហការដ៏ស្អិតរមួត គាំទ្រគ្នាទៅវិញទៅមកក្នុងអង្គការអន្តរជាតិនិង វេទិកាពហុភាគីនានា។
លោកស្រី Nguyen Thi Kim Ngan អញ្ជើញទទួលជួបប្រធានសភាជាន់ទាបឈីលីលោក Fidel Espinoza Sandoval |
នាព្រឹកថ្ងៃដដែល ប្រធានរដ្ឋសភាវៀតណាមលោកស្រី Nguyen Thi Kim Ngan បានអញ្ជើញទទួលជួបប្រធានសភាជាន់ទាបឈីលីលោក Fidel Espinoza Sandoval។ នៅទីនេះ លោកប្រធានរដ្ឋសភាឈីលីបានអបអរសាទរវៀតណាមដែលបានរៀបចំប្រកបដោយជោគជ័យនូវកិច្ចប្រជុំ APPF ២៦ ដោយមានការចូលរួមរបស់គណៈប្រតិភូជាង៣០ ព្រមទាំងសំដែងការចាប់អារម្មណ៍ចំពោះការអភិវឌ្ឍន៍របស់វៀតណាមក្នុងរយៈពេល១០ឆ្នាំកន្លងទៅផងដែរ៕