សារព័ត៌មានកូរ៉េខាងត្បូងមានការសង្ស័យចំពោះដំណើរទស្សនកិច្ចរបស់ថ្នាក់ដឹកនាំកូរ៉េខាងជើងលោក Kim Jong-un
(VOVWORLD) - មានលទ្ធភាពដែលបញ្ជាក់ថាដំណើរទស្សនកិច្ចរបស់ថ្នាក់ដឹកនាំកូរ៉េខាងជើងលោក គីមជុងអ៊ុន (Kim Jong-un) នឹងមិនប្រព្រឹត្តទៅនៅក្នុងឆ្នាំ ២០១៨ នេះ ។ នេះគឺជាដំណឹងដែល ទូរទស្សន៍ YTN របស់កូរ៉េខាងត្បូងបានចុះផ្សាយនាថ្ងៃទី ១០ ខែធ្នូកន្លងទៅ។
ថ្នាក់ដឹកនាំកូរ៉េខាងជើងលោក គីមជុងអ៊ុន |
ទូរទស្សន៍ YTN បានដកស្រង់ពាក្យសម្តីពីមន្រ្តីមួយរូប ដោយអះអាងថាលោក គីមជុងអ៊ុន ហាក់ដូចជាមិនមកបំពេញទស្សនកិច្ចក្នុងទីក្រុងសេអ៊ូលក្នុងរយៈពេល៣សប្តាហ៍ចុងក្រោយនៃឆ្នាំនេះទេ។
មុននោះ នាពីថ្ងៃទី ៩ ខែធ្នូ លេខាធិការសារព័ត៌មានជាន់ខ្ពស់របស់វិមានបៃតង (កូរ៉េខាងត្បូង) លោក Yoon Young-chan បានឲ្យដឹងថាមិនមានសញ្ញាណាមួយដែលសរឲ្យឃើញពីការរីកចម្រើនក្នុងការដែលថ្នាក់ដឹកនាំកូរ៉េខាងជើង លោក គីមជុងអ៊ុន អាចទៅបំពេញទស្សនកិច្ចនៅទីក្រុងសេអ៊ូលនោះឡើយ បន្ទាប់ពីរដ្ឋាភិបាល ប្រធានាធិបតីកូរ៉េខាងត្បូង លោក Moon Jea-in បានផ្ញើលិខិតអញ្ជើញជាផ្លូវការ ។ ក៏ប៉ុន្តែ ទីក្រុងសេអ៊ូលបានអះអាងថានឹងរក្សាខ្សែទាក់ទងជាមួយទីក្រុងព្យុងយ៉ាងចំពោះបញ្ហានេះ៕