អគ្គលេខាបក្ស ប្រធានរដ្ឋ លោក To Lam ធ្វើទស្សនកិច្ចនៅស្ថានទូតវៀតណាមប្រចាំនៅប្រទេសចិន (រូបថត៖ VOV)

ក្នុងជំនួបនេះ អគ្គលេខាបក្ស ប្រធានរដ្ឋ លោក To Lam បានសង្កត់ធ្ងន់ថា ដំណើរទស្សនកិច្ចផ្លូវរដ្ឋលើកដំបូងទៅកាន់ប្រទេសចិនក្នុងតួនាទីថ្មីនេះរបស់លោកគឺដើម្បីពិភាក្សាជាមួយអគ្គលេខាបក្ស ប្រធានរដ្ឋចិន Xi Jinping និងថ្នាក់ដឹកនាំសំខាន់ៗរបស់ចិន អំពីវិធានការ បន្តធ្វើឱ្យស៊ីជម្រៅ និងលើកកំពស់ទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ កសាងយុទ្ធសាស្ត្រ  កសាងសហគមន៍ចែករំលែកអនាគតវៀតណាម-ចិន ប្រកបដោយអត្ថន័យយុទ្ធសាស្ត្រ។ វៀតណាមតែងតែយកចិត្តទុកដាក់ និងផ្តល់អាទិភាពកំពូលក្នុងការអភិវឌ្ឍទំនាក់ទំនងជាមួយចិន។ អគ្គលេខាបក្ស ប្រធានរដ្ឋ លោក To Lam បានមានប្រសាសន៍ថា៖ “ខ្ញុំរីករាយណាស់ដែលបានឃើញទំនាក់ទំនងនៃការផ្លាស់ប្តូររវាងប្រជាជននិងប្រជាជននៃប្រទេសទាំងពីរ រវាងបណ្តាខេត្តជាប់ព្រំដែន ខេត្តសម្ព័ន្ធមិត្ត មូលដ្ឋាននៃប្រទេសទាំងពីរ និងសហគមន៍ជន វៀតណាម កាន់តែមានការអភិវឌ្ឍ ហើយជីវភាពរស់នៅរបស់ប្រជាជនកាន់តែរីកចម្រើន។ ខ្ញុំក៏សង្ឃឹមថា នាពេលខាងមុខ សហគមន៍នឹងបន្តសមាគ្គីភាព រួមចំណែកកាន់តែច្រើនថែមទៀតក្នុងដំណើរការអភិវឌ្ឍន៍នៃប្រទេសម្ចាស់ផ្ទះ និងពង្រឹងទំនាក់ទំនងល្អរវាងប្រទេសទាំងពីរ។

 លោកអគ្គលេខាបក្ស ប្រធានរដ្ឋ To Lam បានស្នើឱ្យស្ថានទូតវៀតណាមបន្តអនុវត្តប្រកបដោយប្រសិទ្ធភាពថែមទៀត នូវយន្តការសហប្រតិបត្តិការដែលមានស្រាប់រវាងប្រទេសទាំងពីរ; ស្នើយន្តការសហប្រតិបត្តិការថ្មី សមស្របនឹងលក្ខណៈជាក់ស្តែងនៃប្រទេសទាំងពីរ នាំមកនូវផលប្រយោជន៍ដល់ប្រទេសទាំងពីរ ស្របតាមច្បាប់អន្តរជាតិ៕