អគ្គលេខាបក្ស ប្រធានរដ្ឋ លោក តូ ឡឹម អញ្ជើញជួបពិភាក្សាជាមួយនាយករដ្ឋមន្ត្រីគុយបា Manuel Marrero Cruz (រូបថត៖ Lam Khanh/TTXVN)

ក្នុងជំនួបនេះ លោកអគ្គលេខាបក្ស ប្រធានរដ្ឋវៀតណាមបានពិភាក្សាជាមួយនាយករដ្ឋមន្ត្រីគុយបាអំពីស្ថានភាពនៃកិច្ចសហប្រតិបត្តិការរវាងប្រទេសទាំងពីរនាពេលថ្មីៗនេះ; ដោយពិភាក្សាយ៉ាងស៊ីជម្រៅអំពីវិធានការលើកកំពស់ប្រសិទ្ធភាពនៃកិច្ចសហប្រតិបត្តិការវៀតណាម-គុយបាលើគ្រប់វិស័យ។ នាយករដ្ឋមន្ត្រីគុយបាលោក Manuel Marrero Cruz បានអះអាងថា នឹងបង្កើតលក្ខណៈងាយស្រួលសម្រាប់អង្គភាពអាជីវកម្ម វៀតណាមធ្វើអាជីវកម្ម និងរួមចំណែកដល់សេដ្ឋកិច្ចគុយបា។ លោកអគ្គលេខាបក្ស ប្រធានរដ្ឋគុយបាបានស្នើឲ្យភាគីទាំងពីរជំរុញយ៉ាងសកម្មកិច្ចព្រមព្រៀងពាណិជ្ជកម្មរវាងប្រទេសទាំងពីរ ខិតខំបង្កើនទំហំពាណិជ្ជកម្មដល់ ៥០០ លានដុល្លារក្នុងរយៈពេល ៥ ឆ្នាំខាងមុខ។

អគ្គលេខាបក្ស ប្រធានរដ្ឋ លោក តូឡឹម អញ្ជើញជួបជាមួយប្រធានរដ្ឋសភាគុយបា Esteban Lazo Hernández (រូបថត៖ TTXVN)

នាថ្ងៃដដែល អគ្គលេខាបក្ស ប្រធានរដ្ឋ លោកតូ ឡឹម បានអញ្ជើញ ជួបសន្ទនាជាមួយប្រធានរដ្ឋសភាអាជ្ញាធរប្រជាជនគុយបា Esteban Lazo Hérnandez នៅទីស្នាក់ការរដ្ឋសភាគុយបា ក្នុងរដ្ឋធានី La Habana។

អគ្គលេខាបក្ស ប្រធានរដ្ឋ លោក តូ ឡឹម បានអះអាងជាថ្មីម្តងទៀតនូវគោលជំហរដ៏ខ្ជាប់ខ្ជួនរបស់បក្ស រដ្ឋ និងប្រជាជនវៀតណាមក្នុងសាមគ្គីភាព និងគាំទ្រយ៉ាងខ្លាំងក្លាចំពោះបដិវត្តន៍គុយបា សំណូមពរឲ្យបញ្ចប់វិធានការហ៊ុំព័ទ្ធប្រឆាំងនឹងគុយបា។ ប្រធានរដ្ឋសភាលោក Esteban Lazo Hérnandez បានអះអាងថា គុយបាតែងតែគោរពនិងមានបំណងធ្វើឲ្យស៊ីជម្រៅថែមទៀតនូវទំនាក់ទំនងសាមគ្គីភាពជាប្រពៃណី ជាពិសេសទំនាក់ទំនងមិត្តភាព និងកិច្ចសហប្រតិបត្តិការលើគ្រប់ជ្រុងជ្រោយរវាងបក្សទាំងពីរ រដ្ឋនិងប្រជាជននៃប្រទេសទាំងពីរ។ ភាគីទាំងពីរបានពិភាក្សា និងឯកភាពលើទិសដៅសំខាន់ៗមួយចំនួន ដើម្បីជំរុញ និងលើកកំពស់ប្រសិទ្ធភាពនៃកិច្ចសហប្រតិបត្តិការរវាងរដ្ឋសភានៃប្រទេសទាំងពីរ រួមចំណែកពង្រឹងទំនាក់ទំនងមិត្តភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងគុយបា៕