ឧបនាយករដ្ឋមន្ត្រីអចិន្ត្រៃយ៍រដ្ឋាភិបាលវៀតណាម លោក Truong Hoa Binh អញ្ជើញទទួលជួបជាមួយលេខានិងជាអភិបាលក្រុង Vientiane ប្រទេសឡាវ
(VOVWORLD) - នៅព្រឹកថ្ងៃទី ១២ ខែតុលា ឧបនាយករដ្ឋមន្ត្រីអចិន្ត្រៃយ៍រដ្ឋាភិបាល វៀតណាម លោក Truong Hoa Binh បានទទួលជួបជាមួយ លេខា-អភិបាលក្រុង Vientiane ប្រទេសឡាវ លោក Sinlavong Khoutphaythoune។ ក្នុងជំនួបនេះ លោក Truong Hoa Binh បានអះអាងថាទំនាក់ទំនងពិសេស រវាងវៀតណាម និងឡាវគឺជាទំនាក់ទំនងមានតែមួយគ្មានពីរទេនៅលើពិភពលោក។
ឧបនាយករដ្ឋមន្ត្រីអចិន្ត្រៃយ៍រដ្ឋាភិបាល វៀតណាម លោក Truong Hoa Binh បានទទួលជួបជាមួយ អភិបាលក្រុង Vientiane ប្រទេសឡាវ លោក Sinlavong Khoutphaythoune។ |
លោក Truong Hoa Binh បានសម្តែងនូវក្តីសប្បាយរីករាយថា កិច្ចសហប្រតិ បត្តិការរវាងមូលដ្ឋាននានានៃប្រទេសទាំងពីរ បានអភិវឌ្ឍន៍កាន់តែល្អប្រសើរ លើគ្រប់ជ្រុងជ្រោយ ក្នុងនោះមានកិច្ចសហប្រតិបត្តិការរវាងរដ្ឋធានីហាណូយ និងទីក្រុង Vientiane ផងដែរ។ លោក Truong Hoa Binh ក៏បាន សង្ឃឹមថាបក្ស ភាគ និងអាជ្ញាធរនៃទីក្រុងទាំងពីរនឹងបន្តរួមសហការគ្នាយ៉ាងជិតស្និទ្ធក្នុង ការផ្លាស់ប្តូរ ព័ត៌មាន បទពិសោធន៍ និងជួយឧបត្ថម្ភគ្នាទៅវិញទៅមក ដើម្បីកសាងនិង អភិវឌ្ឍន៍លើគ្រប់វិស័យផងដែរ។ ចំពោះលោក Sinlavong Khoutphaythoun វិញ លោកក៏មានគោលបំណងចង់ឲ្យរដ្ឋាភិបាលវៀតណាម ជួយគាំទ្រនិងបង្កលក្ខណៈងាយស្រួលបំផុតដើម្បីជំរុញថែមទៀតកិច្ចសហប្រតិបត្តិការរវាងទីក្រុង Vientiane និង ហាណូយក៏ដូចជាបណ្ដាតំបន់ផ្សេងៗ ទៀតរបស់វៀតណាមនៅគ្រប់វិស័យតាមរយៈនោះរួមចំណែកយ៉ាងសកម្មក្នុង លទ្ធផលនៃកិច្ចសហប្រតិបត្តិការរួមរវាងវៀតណាមនិងឡាវផងដែរ៕