រាយការណ៍ជូនរដ្ឋសភា រដ្ឋាភិបាលបានឲ្យដឹងថា តាមការប៉ាន់ប្រមាណ ល្បឿន កំណើន GDP ពេញមួយឆ្នាំ នឹងសម្រេចបានប្រហែល ៨% លើសពីគោលដៅដែល បានដាក់ចេញ (៦-៦.៥%) ដែលបង្កើតសន្ទុះដ៏សំខាន់សម្រាប់ឆ្នាំបន្តបន្ទាប់នៃការអនុវត្ត គោលដៅកំណើនសេដ្ឋកិច្ចនៃផែនការប្រាំឆ្នាំ ២០២១-២០២៥។ ទោះបីជានៅសល់ ២ ខែទៀតទើបបញ្ចប់ឆ្នាំ ២០២២ ក៏ដោយ ប៉ុន្តែមកដល់ពេលនេះ ស្ទើរតែប្រាកដណាស់ ថា នឹងមានគោលដៅសេដ្ឋកិច្ចសង្គមចំនួន ១៤/១៥ ក្នុងឆ្នាំ ២០២២ ត្រូវបានសម្រេច និងសម្រេចហួសគោលដៅដែលបានកំណត់ ជាពិសេសគោលដៅកំណើនសេដ្ឋកិច្ច។ ប្រសិនបើមិនមានការវិវឌ្ឍន៍វិសាមញ្ញាពេកទេ លទ្ធភាពដែលវៀតណាមសម្រេចបានកំណើន GDP ៨% គឺខ្ពស់ណាស់។ នាយករដ្ឋមន្ត្រី លោក Pham Minh Chinh បាន មានប្រសាសន៍ថា៖

“ម៉ាក្រូសេដ្ឋកិច្ចមានស្ថិរភាពជាស្ថាពរ អតិផរណាត្រូវបានគ្រប់គ្រង កំណើន សេដ្ឋកិច្ចបានងើបឡើងវិញជាវិជ្ជមាន តុល្យភាពសេដ្ឋកិច្ចសំខាន់ៗត្រូវបានធានា ក្នុងស្ថានភាពលំបាក។ កម្មវិធីស្តារ និងអភិវឌ្ឍន៍សេដ្ឋកិច្ចសង្គម និងកម្មវិធីគោលដៅ ជាតិចំនួន ៣ ត្រូវបានដឹកនាំ និងអនុវត្តន៍យ៉ាងសកម្ម។ បំណុលសាធារណៈ បំណុល រដ្ឋាភិបាល និងបំណុលបរទេសរបស់យើងត្រូវបានគ្រប់គ្រងដោយសុវត្ថិភាព។ អង្គការ អន្តរជាតិល្បីៗជាច្រើនបានវាយតម្លៃខ្ពស់ចំពោះលទ្ធផល និងយថាទស្សន៍នៃសេដ្ឋកិច្ច វៀតណាម”។

បង្ហាញរបាយការណ៍ផ្ទៀងផ្ទាត់នៅចំពោះមុខរដ្ឋសភា គណៈកម្មាធិការសេដ្ឋកិច្ចនៃរដ្ឋសភា ក៏បានឯកភាពជាមួយនឹងការវាយតម្លៃរបស់រដ្ឋាភិបាលដែរ។ វៀតណាម គឺជាប្រទេសតែមួយគត់នៅក្នុងតំបន់អាស៊ីប៉ាស៊ីហ្វិក និងជាប្រទេសមួយក្នុងចំណោម ប្រទេសចំនួនបួននៅលើពិភពលោកដែលត្រូវបានក្រុមហ៊ុន Moody's តម្លើងចំណាត់ ថ្នាក់ឥណទាន ចាប់តាំងពីដើមឆ្នាំមក។

ទាំងអស់នេះគឺជាលទ្ធផលគួរឲ្យលើកទឹកចិត្តក្នុងបរិបទដែលសេដ្ឋកិច្ចពិភពលោកប្រឈមនឹងការលំបាក និងបញ្ហាធំៗបើធៀបនឹងការព្យាករណ៍។ លទ្ធផលនេះបង្ហាញថា កម្លាំងសេដ្ឋកិច្ចរបស់
វៀតណាមត្រូវបានពង្រឹងកាន់តែខ្លាំងឡើង ហើយភាពធន់នៃ ខឿនសេដ្ឋកិច្ចក្នុងការទប់ទល់នឹងឧប្បត្តិហេតុម៉ាក្រូខាងក្រៅគឺល្អបង្គួរនៅបច្ចុប្បន្ននេះ។ អាស្រ័យហេតុនោះ បង្កើតសន្ទុះសម្រាប់ការងើបឡើងវិញ និងការអភិវឌ្ឍសេដ្ឋកិច្ច សង្គមនៅឆ្នាំ ២០២៣ និងដំណាក់កាលឆ្នាំ ២០២១-
២០២៥ ទាំងមូល។

នៅឆ្នាំ ២០២៣ ស្ថានភាពអន្តរជាតិនិយាយរួម និងសេដ្ឋកិច្ចពិភពលោក និយាយ ដោយឡែក នឹងនៅតែមានការវិវឌ្ឍន៍ដ៏ស្មុគស្មាញ ពិបាកទាយទុកជាមុនយ៉ាងច្រើនទាក់ ទងនឹងនយោបាយ សន្តិសុខ សេដ្ឋកិច្ច និងសង្គម ដែលបង្កឡើងបញ្ហាប្រឈមជា ច្រើនទៅលើកំណើន ស្ថិរភាពម៉ាក្រូសេដ្ឋកិច្ច និងការជ្រើសរើសគោលនយោបាយ សម្រាប់ប្រទេសនានា រួមទាំងវៀតណាមផងដែរ។ រដ្ឋាភិបាលវៀតណាមបានកំណត់ ថា នឹងមានកិច្ចខិតខំប្រឹងប្រែង ការប្តេជ្ញាចិត្តខ្ពស់បំផុតដើម្បីធ្វើសកម្មភាពជំរុញការ ស្តារ និងអភិវឌ្ឍសេដ្ឋកិច្ចសង្គម; សម្របខ្លួនដោយម្ចាស់ការទៅនឹងស្ថានភាព; គ្រប់ គ្រងហានិភ័យ ឆ្លើយតបភ្លាមៗទៅនឹងហានិភ័យនៃការធ្លាក់ចុះសេដ្ឋកិច្ច និងវិបត្តិពីខាង ក្រៅ; ដោះស្រាយប្រកបដោយសុខដុមរមនា និងសមហេតុផលរវាងកិច្ចសហប្រតិបត្តិ ការនិងការប្រកួតប្រជែងសេដ្ឋកិច្ចអន្តរជាតិ។ នាយករដ្ឋមន្ត្រី លោក Pham Minh Chinh បានសង្កត់ធ្ងន់ថា៖

“មានវិធានការឆ្លើយតបឲ្យបានសមស្រប ប្រតិបត្តិការដោយស៊ីសង្វាក់គ្នា ប្រកប ដោយភាពបត់បែន និងប្រសិទ្ធភាពការនូវគោលនយោបាយម៉ាក្រូសេដ្ឋកិច្ច; បង្កើន ការវិភាគ ព្យាករណ៍ មានភាពម្ចាស់ការសម្រាប់សេណារីយ៉ូ វិធានការដឹកនាំ ប្រតិបត្តិ ការនានា ដើម្បីឆ្លើយតបនឹងគ្រប់កាលៈទេសៈទាំងអស់។ ធានាការផ្គត់ផ្គង់ដើមទុន ឥណទានគ្រប់គ្រាន់សម្រាប់ខឿនសេដ្ឋកិច្ច ផ្តោតលើផលិតកម្ម អាជីវកម្ម វិស័យ អាទិភាព និងកម្លាំងចលករនៃកំណើនសេដ្ឋកិច្ច។ ពន្លឿនដំណើរការបើកចំណាយ ដើមទុនវិនិយោគសាធារណៈ កម្មវិធីស្ដារនិងអភិវឌ្ឍន៍ សេដ្ឋកិច្ចសង្គម កម្មវិធី គោលដៅជាតិចំនួន ៣ ចាប់តាំងពីដើមឆ្នាំ២០២៣”។

សមិទ្ធិផលសេដ្ឋកិច្ចសង្គមដែលវៀតណាមសម្រេចបានក្នុងរយៈពេល ៩ ខែ កន្លងមក ត្រូវបានស្ថាប័នហិរញ្ញវត្ថុអន្តរជាតិជាច្រើន ក៏ដូចជាប្រព័ន្ធផ្សព្វផ្សាយក្នុង និងក្រៅតំបន់កត់សម្គាល់។ ប្រសិនបើអនុវត្តន៍បានយ៉ាងល្អនូវដំណោះស្រាយស្តារសេដ្ឋកិច្ចសង្គមនោះ វៀតណាមពិតជាអាចជំនះពុះពារលើឆ្នាំ ២០២៣ ពោរពេញទៅដោយការលំបាក ហើយឆ្ពោះទៅឆ្នាំ២០២៤ ប្រកបដោយភាពវិជ្ជមាន៕