 |
| កិច្ចព្រមព្រៀងនុយគ្លេអ៊ែអ៊ីរ៉ង់៖សុទិដ្ឋិនិយមក្នុងការប្រុងប្រយ័ត្ន (Getty) |
Vovworld-តាមកិច្ចព្រមព្រៀងដែលទទួលបាននាព្រឹកថ្ងៃទី២៤វិច្ឆិកានៅទីក្រុង
Geneva ថា អ៊ីរ៉ង់នឹងបញ្ឈប់ចំរើនធាតុ urani ដែលលើសពី៥%ក្នុងរយៈពេល៦ខែ
បំផ្លាញឃ្លាំង urani ដែលបានចម្រើននៅកំរិត២០%និងបញ្ឈប់ការសាងសង់រោង
ចក្រនៅ Arak។ ប្តូរទៅវិញ បណ្ដាប្រទេសលោកខាងលិចនឹងបញ្ឈប់វិធានការដាក់
ទណ្ឌកម្មទៅលើអ៊ីរ៉ង់ដោយមានតំលៃ៨ពាន់លានដុល្លារអាមេរិកនិងមិនអនុវត្តបន្ថែម
បទដាក់ទណ្ឌកម្មថ្មីណាមួយទៀតឡើយ។
ប្រសិទ្ធភាពភ្លាមមួយរំពេក
មួយថ្ងៃក្រោយពេលក្រុមP5+1 និងអ៊ីរ៉ង់ទទួលបានកិច្ចព្រមព្រៀងមានចរិតលក្ខណៈប្រវត្តិសាស្ត្រនោះ រដ្ឋមន្ត្រីការបរទេសបារាំងលោក Laurrent Fabius បាន
ប្រកាសថា ចាប់ពីខែធ្នូឆ្នាំ២០១៣ សហភាពអឺរ៉ុបនឹងសម្រាលវិធានការដាក់ទណ្ឌកម្មមួយចំនួនចំពោះអ៊ីរ៉ង់។ នាថ្ងៃដ៏ដែល អ្នកនាំពាក្យរដ្ឋាភិបាលអ៊ីរ៉ង់ Mohammad Baqer
Nobakht បានទទួលស្គាល់ថា រដ្ឋអំណាចអាមេរិកបានលុបចោលការហ៊ុំព័ទ្ធសេដ្ឋកិច្ច
សំរាប់ប្រទេសនេះប្រទេសនេះដោយមានតំលៃ៨ពាន់លានដុល្លារអាមេរិក។ មជ្ឈដ្ឋានអ្នកសង្កេតការបានចាត់ទុកមានលទ្ធភាពជាច្រើនដែលអន្តរជាតិនឹងដោះស្រាយវិធានការដាក់ទណ្ឌកម្មប្រេងឆៅចំពោះអ៊ីរ៉ង់។នេះជាប្រការដែលធ្វើឲ្យប្រេងឆៅលើទីផ្សារទ្វិបអាស៊ីនិងទ្វិបអឺរ៉ុបនាថ្ងៃទី២៥វិច្ឆិកាបានចុះថ្លៃ។
ការសាកល្បងនាបច្ចុប្បន្ន
ទន្ទឹមនឹងក្តីសប្បាយរីករាយអំពីលទ្ធផលចរចារ បណ្ដាភាគីក៏យល់ច្បាស់ការសាកល្បងដោយបរានុម័តនិងអត្តនោម័តនឹងត្រូវប្រឈមមុខនាពេលខាងមុខ
ដូចជាការទទួលស្គាល់របស់ប្រធានាធិបតីអាមេរិកលោក Barack Obama ថាស្ថានភាពនាបច្ចុប្បន្ននៅមានការលំបាក ដោយហេតុនេះ ប្រទេសនានាត្រូវរក្សាការ
ខំប្រឹងប្រែងការទូតក៏ដូចជាបន្តអនុវត្តដំណោះស្រាយដោយសន្តិភាពសំរាប់បញ្ហា
មានចរិតលក្ខណៈអន្តរជាតិនេះ។
 |
| អ៊ីរ៉ង់នឹងបញ្ឈប់ការសាងសង់រោងចក្រនៅ Arak។ (AP) |
ការសាកល្បងដំបូងមកពីផ្ទៃក្នុងអ៊ីរ៉ង់និងប្រទេសP5+1 ពិសេសគឺអាមេរិក។ ប្រធានាធិបតីអ៊ីរ៉ង់ត្រូវប្រឈមមុខនឹងការប្រឆាំងជំទាស់របស់បណ្ដាក្រុមដែរ តាមគោលមាគ៌ាតឹងរឹងដូចជាកំលាំងអង្គរក្សសាធារណរដ្ឋ។ ក្នុងពេលជាមួយគ្នានោះនៅ
អាមេរិក ព្រឹទ្ធសមាជិកនៅទីក្រុង New York លោក Charles Schumer ជាអ្នកទី៣នៅព្រឹទ្ធសភាបានចាត់ទុកថា កិច្ចព្រមព្រៀងមួយសមស្របជាងនឹងត្រូវរួមផ្សំការកាត់បន្ថយបទដាក់ទណ្ឌកម្មស្មើរនឹងការកាត់បន្ថយសម័ត្ថភាពនុយគ្លេអ៊ែរបស់អ៊ីរ៉ង់។
នោះគឺមិនទាន់និយាយដល់ការខ្វះទំនុកទុកចិត្តនិងសុឆ័ន្ទះរបស់អ៊ីរ៉ង់និង
សមាជិកក្រុម P5+1 ទៀតផង។ រដ្ឋមន្ត្រីការបរទេសបារាំងលោក Laurrent Fabius បាន
ព្រមានដោយប្រយោលថា ប្រសិនបើអ៊ីរ៉ង់មិនគោរពលក្ខណៈដែលបានសន្យានោះ សហភាពអឺរ៉ុបនឹងមានសិទ្ធិអនុវត្តឡើងវិញនូវបទដាក់ទណ្ឌកម្មដូចនាបច្ចុប្បន្ន។
ការសាកល្បងមួយទៀតមកពីអ៊ីស្រាអែល ប្រទេសសម្ព័ន្ធមិត្តរបស់លោកខាងលិចរហូតមកទល់ដល់ឥឡូវនេះនៅតែរិះគន់យ៉ាងខ្លាំងក្លាដំណើរការចរចារជាមួយ
អ៊ីរ៉ង់។ នាយករដ្ឋមន្ត្រីអ៊ីស្រាអែលលោក Benjamin Netanyahu បានប្រកាសថា កិច្ច
ព្រមព្រៀង Geneve ជាការភ័ន្តច្រឡំប្រវត្តិសាស្ត្រ ធ្វើឲ្យពិភពលោកក្លាយទៅជាកន្លែង
គ្រោះថ្នាក់ជាង។
ការខំប្រឹងប្រែងការពារកិច្ចព្រមព្រៀង
លើវិស័យអន្តរជាតិ អាមេរិកនិងប្រទេសសម្ព័ន្ធមិត្តលោកខាងលិចសកម្មបន្ធូស្រាលការព្រួយបារម្មណ៍ពីភាគីអ៊ីស្រាអែល។ តាមគំរោង បណ្ដាមន្ត្រីអាមេរិកនិងអ៊ីស្រាអែលនឹងមកបំពេញទស្សនកិច្ចនៅប្រទេសគ្នាទៅវិញទៅមកក្នុងប៉ុន្មានថ្ងៃ
ខាងមុខ។ ក្នុងពេលនោះរដ្ឋមន្ត្រីការបរទេសអង់គ្លេសលោក William Hague បាន
ព្រមានអ៊ីស្រាអែលត្រូវជៀសវាងសកម្មភាពដែលអាចជិះឥទ្ធិពលដល់កិច្ចព្រមព្រៀងនុយគ្លេអ៊ែជាបណ្ដោះអាសន្នរវាងអ៊ីរ៉ង់និងក្រុមP5+1។
កិច្ចព្រមព្រៀងនុយគ្លេអ៊ែជាបណ្ដោះអាសន្នដែលទទួលបាននៅ Geneve កំពុងត្រូវបានចាត់តុកជាកិច្ចព្រមព្រៀងប្រវត្តិសាស្ត្រ។ ពីព្រោះនេះជាលើកដំបូង កិច្ចសន្យាអន្តរជាតិមួយអំពីបញ្ឈប់កម្មវិធីនុយគ្លេអ៊ែអ៊ីរ៉ង់ត្រូវបានចុះហត្ថលេខា។ រយៈពេល៦ខែខាងមុខគឺមិនជាបេលវេលាវែងទេ ប៉ុន្តែក៏គ្រប់គ្រាន់ដើម្បីបណ្ដាភាគីមាន
សកម្មភាពជាក់ស្ដែងសុឆ័ន្ទះសំដៅនាំកិច្ចព្រមព្រៀងជាបណ្ដោះអាសន្នឈានទៅ
កិច្ចព្រមព្រៀងលើគ្រប់វិស័យអំពីនុយគ្លេអ៊ែរបស់អ៊ីរ៉ង់៕