(VOVworld)-សេរីភាពខាងបង្កើតសមាគមជាសិទ្ធិមួយក្នុងចំណោមសិទ្ធិជាសារវ័ន្ធ
របស់ពលរដ្ឋ ស្គាល់ដោយរដ្ឋវៀតណាម និងត្រូវកត់ត្រាក្នុងរដ្ឋធម្មនុញ្ញនិងច្បាប់។
សិទ្ធិនេះ​កំពុងបានធានានិងពង្រីកក្នុងការពិតជាក់ស្តែងនៅវៀតណាម។ ប៉ុន្តែ ឆ្លៀត
យកសិទ្ធិសេរីភាពខាងការបង្កើតសមាគមសំដៅប្រឆាំងជំទាស់នឹងវៀតណាមគឺជា
ការខុសច្បាប់។

        ក្នុងរដ្ឋធម្មនុញ្ញឆ្នាំ២០១៣របស់វៀតណាម ក្នុងប្រការទី២៥បានចែងថា “ពលរដ្ឋ មានសិទ្ធិសេរីភាពខាងនិយាយស្តី សេរីភាពខាងសាព័ត៌មាន ទាក់ទង់ផ្ទាល់ ជាមួយ
ព័ត៌មាន​ ការជួបជុម បង្កើតសមាគម និងធ្វើបាតុកម្ម”។ ការអនុវត្តន៍សិទ្ធិ ទាំងអស់នេះ​ត្រូវបានវៀតណាមកំណត់ក្នុងឯកសារគតិយុត្តមុននេះ ដូចជា អនុក្រិត្យ លេខ ១០២
ចុះថ្ងៃទី២០ឧសភាឆ្នាំ១៩៥៧  ក្រមច្បាប់រដ្ឋប្បវេណីវៀតណាមឆ្នាំ២០០៥ រឺច្បាប់
អង្គការចាត់តាំងរដ្ឋាភិបាលជាដើម។

        សមាគមរាប់រយ អង្គការរាប់ពាន់ធ្វើសកម្មភាពប្រកបដោយប្រសិទ្ធិភាព

        តាមរដ្ឋធម្មនុញ្ញនិងច្បាប់ ពលរដ្ឋវៀតណាមគ្រប់រូប សុទ្ធតែមានសិទ្ធិចូលរួម
ឬមិនចូលរួមរាល់អង្គការសង្គម។ រដ្ឋមានការជួយឧបត្ថម្ភ ក្របខ័ណ្ឌនិងថវិការធ្វើ
សកម្មភាពចំពោះសមាគមពិសេស ដូចជា សមាគមប្រជាកសិករ សមាគមនារី និង
សហជីពជាដើម។ ចំពោះសមាគមមានលក្ខណៈអាជីពដូចជា សមាគមអ្នកនិពន្ធ
សមាគមអ្នកកាសែត ឬសមាគមសិល្បៈ​ឬបណ្តាសមាគមសេដ្ឋកិច្ចដូចជា សមា
គមអង្គភាពអាជីវកម្ម សមាគមអាជីវករ ដែលមានសកម្មភាពស្របនឹង ផលប្រ
យោជន៍ជាតិនិងបទដ្ឋានសង្គម ក៏ត្រុវបានរដ្ឋអំណាចគ្រប់ជាន់ថ្នាក់បង្ករ លក្ខណៈ
ងាយស្រួលក្នុងការបង្កើតនិងបន្តធ្វើសកម្មភាព។ សព្វថ្ងៃ នៅវៀតណាម មាន
សមាគម​អង្គការសង្គមចំនួន៤៦០ដែលមានសកម្មភាពលើទូទាំងប្រទេស និង
អង្គការសង្គម សម្ព័ន្ធសមាគម​ ក្លឹបនៅតំបន់នីមួយៗ ជាង៣៦ពាន់  ដែល មាន
សកម្មភាពជាច្រើនក្នុងជីវភាពរស់នៅសង្គម។

        តាមស្តិតិជាក់ស្តែងថា បណ្តាសមាគម អង្គការសមាគម ជាពិសេសគឺបណ្តា
សមាគមសេដ្ឋកិច្ច ដែលមានការរួមចំណែកជាច្រើនចូលក្នុងការកសាងនិងអភិ
វឌ្ឍន៍ប្រទេសជាតិ ព្រមទាំងមានតួនាទីធ្វើជាស្ពានផ្សារភ្ជាប់រវាងសមាជិកក្នុង សមាកមជាមួយរដ្ឋអំណាច ជួយឧបត្ថម្ភឲ្យសមាជិកនានាក្នុងសកម្មភាពផលិត
កម្ម ធ្វើអាជីវកម្ម លើកកំពស់សមត្ថភាពប្រគួតប្រជែង ក៏ដូចជាដោះស្រាយរាល់ វិវាទពាណិជ្ជកម្មជាដើម។ បណ្តាសមាកម ដើរតួនាទីយ៉ាងសំខាន់ក្នុងការពិគ្រោះ
យោបល់ បដិវាទ ចំពោះការផ្តួចផ្តើមគំនិត គោលមាគ៌ារបស់បក្ស គោលនយោបាយ
ច្បាប់របស់រដ្ឋវៀតណាម។

        អង្គការសង្គមក្លែងខ្លួន

        ឆ្លៀតយកសិទ្ធិសេរីភាពបង្កើតសមាគម និងការបង្កលក្ខណៈងាយស្រួល របស់
រដ្ឋវៀតណាមចំពោះរាល់សកម្មភាពរបស់អង្គការសង្គម សម្ព័ន្ធសមាគម បណ្តាមុខ
សញ្ញាអមិត្តជាមួយវៀតណាម បានបង្កើតសមាគម ក្រុមក្លែងខ្លួនដោយខុស ច្បាប់
មួយចំនួន ដើម្បីធ្វើសកម្មភាពប្រឆាំងនឹងរដ្ឋវៀតណាម។ ជាក់ស្តែង គឺអង្គការប្រតិ
កិរិយាមានឈ្នោះ “Viet tan” បានបង្កើតឡើងរបស់ដែលហៅថា “សមាគមជាមិត្ត
ភក្តិរបស់ Viet tan” ឬ “មិត្តរបស់ Nguyen Ai Quoc” ដើម្បីទាក់ ទាញចិត្តនិងតភ្ជាប់ជន
ចូលរួមរាល់សកម្មភាពរំលោភសន្តិសុខជាតិ។ មានអង្គ ការផ្សេងៗមួយចំនួនទៀត ដែលតាំងខ្លួនជាអ្នកប្រមូលផ្តុំយុវជនប្រជាធិបតេយ្យ សមាគមនារីសិទ្ធិមនុស្ស សមាគមទណ្ឌិតមានមនៈសិការជា ដើម។ ទោះបីជាមានលក្ខន្តិកៈ គោលដៅ និងកម្មវិធីសកម្មភាពខុសដោយឡែកក្តី ប៉ុន្តែ បណ្តាអង្គការ សមាគមនេះសុទ្ធតែ
ចង់លប់បំបាត់តួនាទីដឹកនាំរបស់បក្ស កុម្មុយនិស្តវៀតណាម ការគ្រប់គ្រងដោយរដ្ឋ និងបំប្លែងការពិតថា វៀតណាម រំលោភសេរីភាពបង្កើតសមាគម​​ ព្រមទាំងអំពាវនាវ
ឲ្យបណ្តាប្រទេសដាក់ លក្ខ័ណ្ឌបង្កសម្ពាធឲ្យវៀត ណាមពេលដែលវៀតណាម
ចរចារចូលរួមកិច្ចព្រមព្រៀងដៃគូអន្តរប៉ាស៊ីហ្វិក។

        សេរីភាពបង្កើតសមាគមតាមរដ្ឋធម្មនុញ្ញ

        ហេតុផលដែលវៀតណាមមានចំនួនសមាគម អង្គការ សម្ព័ន្ធសមាគមជាច្រើន
គឺដោយសារ រដ្ឋវៀតណាម មានការខំប្រឹងប្រែងធានានិងពង្រីករាល់ផលប្រយោជន៍
ស្របច្បាប់របស់ពលរដ្ឋ ក្នុងនោះមានសិទ្ធិសេរីភាពបង្កើត សមាគមតាមស្មារតីរបស់
អនុសញ្ញាអន្តរជាតិ ស្តីអំពីសិទ្ធិនយោបាយ និងរដ្ឋប្បវេណី ឆ្នាំ១៩៦៦ ដែលវៀត
ណាមបានចូលរួមចុះហត្ថលេខា។​ ក្នុងជំពូក ទី១ ប្រការទី២២ របស់អនុសញ្ញានេះ
បានលើកច្បាស់ថា៖​​ “ជនគ្រប់រូបមានសិទ្ធិសេរីភាពបង្កើតសមាគម” ។​ប៉ុន្តែ ក្នុងជំ
ពូកទី២ ប្រការទី២២ បានលើកច្បាស់ថា “ការ ប្រតិបត្តិសិទ្ធិពោលខាងលើត្រូវការ
កំណត់ដោយច្បាប់”។

        ជាច្បាស់លាស់ថា មិនអាចបង្កើតសមាគមតាមអំពើចិត្តឡើយ​ ប្រសិនបើ សមាគមនេះបានជះឥទ្ធិពលដល់ផលប្រយោជន៍ជាតិ និងសិទ្ធិសេរីភាពរបស់អ្នក
ដទៃ។​ ប៉ុន្តែ ការបង្កើតអង្គការឯករាជ្យ និងមានកម្មភាពភាពដើរផ្ទុយទៅនឹង ប្រព័ន្ធ
នយោបាយរបស់វៀតណាមគឺរំលោភច្បាប់វៀតណាមនិងច្បាប់អន្តរជាតិ។ ហើយ
ពិតប្រាកដថា ប្រការនេះ មិនអាចទទួលបានឡើយ៕