(VOV)_តាមផែនការ ចាប់ពីថ្ងៃទី១ មករា ឆ្នាំ ២០១៦វៀតណាមនឹងចាប់ផ្តើម
អនុវត្តបណ្ដាគោលនយោបាយកាត់បន្ថយភាពក្រីក្រពហុទិស គោលនយោបាយថ្មី
មួយ នឹងនាំមកនូវជីវភាពរស់នៅល្អប្រសើរជាងសំរាប់ប្រជាជន ក្នុងរយៈពេល​៥ឆ្នាំ
ខាងមុខនេះ។ នាបច្ចុប្បន្ន ក្រសួង និងស្ថាប័នទាក់ទិននានា នឹងតំបន់ជាច្រើន បាន
សកម្មត្រៀមរៀបចំគោលនយោបាយនេះប្រកបដោយប្រសិទ្ធិភាព។

ធានាការអនុវត្តគោលនយោបាយកាត់បន្ថយភាពក្រីក្រពហុទិសប្រកបដោយប្រសិទ្ធិភាព

ក្នុងប៉ុន្មានឆ្នាំខាងមុខនេះ ការកំណត់គ្រួសារក្រីក្រត្រូវបានគិតតាមចំនួន​ប្រាក់
ចំណូល។ បទដ្ឋានអំពីក្រីក្រ ត្រូវបានកំណត់ ដោយផ្អែកទៅលើបរិមាណប្រាក់ចំ
ណាយ បំពេញបានតម្រូវការជាអប្បបរិមា និងត្រូវគិតជាប្រាក់។ សញ្ញាមួយក្នុងការ
ផ្ទេរប្តូររបៀបកំណត់ឯកទិសទៅជាពហុទិស គឺនាថ្ងៃទី១៥ កញ្ញា ឆ្នាំ ២០១៥ នាយក
រដ្ឋមន្ត្រីរដ្ឋាភិបាល បានអនុម័តលើគំរោងការណ៍មេ ស្ដីពីការផ្ទេរប្តូរអំពី​របៀបទាក់
ទងការកំណត់ក្រីក្រ ពីឯកទិសទៅជាពហុទិស ក្នុងដំណាក់កាល ​២០១៦-២០២០។
 តាមនោះ បទដ្ឋានអំពីក្រីក្រ ក្នុងដំណាក់កាល ២០១៦ -២០២០​របស់វៀតណាមត្រូវ
បានកសាងតាមទិស៖ គួបផ្សំបទដ្ឋាន​ក្រីក្រអំពីប្រាក់ចំណូល ​និងកំរិតទាក់ទងនឹង
សេវាកម្មមូលដ្ឋាននានា។ ហើយដើម្បីគោលនយោបាយមួយពង្រីកប្រសិទ្ធិភាពក្នុង
ស្ថានភាពជាក់ស្ដែងនេះគឺត្រូវត្រៀមរៀបចំអំពីសមត្ថភាព ប្រភពកម្លាំង ក៏ដូចជាការ
រួមសហការរវាងគ្រប់ស្ថាប័នទៀតផង។

អនុវត្តអោយបាន​ព្រមៗគ្នា

        តាមគំរោងផែនការ ត្រីមាសទី៤ ឆ្នាំ ២០១៥ បណ្ដាស្ថាប័ននឹងបូកសរុប រាយ
ការណ៍អំពីលទ្ធផលស្រាវជ្រាវ កំណត់ បែងចែកប្រភេទ មុខសញ្ញានានា តាមបទ
ដ្ឋានក្រីក្រពហុទិស ក្នុងប្រទេសទាំងមូល និងតំបន់និមួយៗ ដើម្បីដាក់ជូន​​នាយក
​រដ្ឋមន្ត្រី។ ទន្ទឹមនឹងនោះ ការកសាង និងផ្ទេរប្រគល់កម្មវិធី software ​online គ្រប់គ្រង
មុខសញ្ញាក្រីក្រក្នុងទូទាំងប្រទេស បញ្ចូលទិន្នន័យការសិក្សា​ស្រាវជ្រាវ ដើម្បីតាម
ដានលទ្ធផលអនុវត្តគោលនយោបាយកាត់បន្ថយភាពក្រីក្រនេះ។ នាយករដ្ឋមន្ត្រីវៀតណាម លោក Nguyen Tan Dung បានអោយដឹងថា៖

           “ រដ្ឋាភិបាលបានបញ្ជាណែនាំគ្រប់ក្រសួង ស្ថាប័ន ពិនិត្យឡើងវិញចំនួន​គ្រួ
សារ​ក្រីក្រ​ និងត្រៀមរៀបចំលក្ខណះនានាដើម្បីអនុវត្តក្នុងឆ្នាំ ២០១៦ ​ដោយ​ផ្សា
ភ្ជាប់ជាមួយការអនុវត្តកម្មវិធីគោលដៅជាតិ ស្ដីអំពីការកាត់បន្ថយភាពក្រីក្រ​និរន្តរភាព ២០១៦-២០២០ ដែលទើបនឹងបានរដ្ឋសភាអនុម័តនាពេលថ្មីៗនេះ។ ​ទន្ទឹម
នឹងនោះ បន្តសុក្រិត និងអនុវត្តប្រកបដោយប្រសិទ្ធិភាពបណ្ដាគោលនយោបាយ
ពិសេសដោយឡែកសំរាប់តំបន់ជនរួមជាតិជាជនជាតិភាគតិច និងតំបន់លំបាកជា
ពិសេស។”

          ដោយផ្អែកទៅលើការបញ្ជាណែនាំរបស់នាយករដ្ឋមន្ត្រី ក្រសួងការងារ យុទ្ធ
ជនពិការ និងសង្គមកិច្ច រួមសហការជាមួយអគ្គនាយកដ្ឋានស្ថិតិ និងគ្រប់ក្រសួង 
និងស្ថាប័នទាក់ទិននានា ដើម្បីកសាងបទដ្ឋានអំពីកំរិតរស់នៅជាអប្បបរិមា បទ
ដ្ឋានអំពីក្រីក្រគោលនយោបាយ បទដ្ឋានអំពីកំរិតជីវភាពរស់នៅមធ្យម បទដ្ឋានអំ
ពីគ្រួសារក្រីក្រ។ តាមការប៉ាន់ស្មាន ដើម្បីអនុវត្តគោលនយោបាយនេះ ក្នុងឆ្នាំ
 ២០១៦ ​ថវិការដ្ឋត្រូវចេញទឹកប្រាក់ចំនួន ១៥ ពាន់លានដុង ដើម្បីជួយឧបត្ថម្ភជន
ក្រីក្រ។ ដូច្នេះ ក្រសួងហិរញ្ញវត្ថុ ត្រូវគណនា ធ្វើតុល្យភាពប្រភពកម្លាំងនានា។ 
ក្រៅពីនោះ បណ្ដាក្រសួងសុខាភិបាល ក្រសួងអប់រំនិងបណ្ដុះបណ្ដាល ក្រសួងសំ
ណង់ក៏ចូលរួម ដើម្បីស្វែងរកដំណោះស្រាយនានា ដើម្បីលើកកំពស់សមត្ថភាព
ទាក់ទងរបស់ប្រជាជន អំពីសេវាកម្ម ពិនិត្យព្យាបាលជំងឺ បង្កើនអត្រាប្រជាជនមាន
ផ្ទះស្នាក់នៅដែលបានធានាអំពីផ្ទៃដី និងគុណភាព។

តំបន់សកម្មចូលរួមការងារនេះ

        តាមលោក Ngo Truong Thi ប្រធានការិយាល័យជាតិអំពីការកាត់បន្ថយ​ភាព
ក្រីក្រ ទស្សនះអនុវត្តការកាត់បន្ថយភាពក្រីក្រនាពេលខាងមុខនេះ គឺជំរុញខ្លាំងវិជ្ឈ
ការ និងប្រគល់សិទ្ធិអំណាចជូនមូលដ្ឋាន។ ដូច្នេះ នៅតំបន់ គណៈកម្មាធីការប្រជា
ជនខេត្ត ទីក្រុង បានបញ្ជាណែនាំរៀបចំការត្រួតពិនិត្យ ​កំណត់មុខសញ្ញា ម្ចាសការ
កសាងដំណោះស្រាយនានា។ អនុប្រធានក្រុម​ប្រឹក្សាជនជាតិនៃរដ្ឋសភា លោក 
Nguyen Lam Thanh បានចាត់ទុកថា៖ 

          “ ផ្លាស់ប្តូររបៀបទាក់ទង ដើម្បីលើកកំពស់សមត្ថភាពម្ចាស់ការ ឈានទៅ​មុខ
របស់ប្រជាជន ជាកម្លាំងចលករសំខាន់។ គោលនយោបាយកាត់បន្ថយភាពក្រីក្រ
នេះត្រូវ បន្ថយការជួយឧបត្ថម្ភដោយទទេរ និងជួយឧបត្ថម្ភដោយផ្សាភ្ជាប់ជាមួយ
លក្ខណះជាក់ស្ដែង។ នេះគឺជារបៀបធ្វើសមស្រប។”

          ផ្លាស់ប្តូររបៀបទាក់ទងការកំណត់កំរិតក្រីក្រតាមឯកទិស ទៅជាពហុទិសនោះ
គឺជាដំណើការ​មួយ។ ប៉ុន្តែ ការត្រៀបរៀបចំយ៉ាងម៉ត់ចត់ ពីស្ថាប័នគ្រប់ជាន់ថ្នាក់ តំ
បន់ នឹងរួមចំណែកសំខាន់ដើម្បីអនុវត្តគោលការណ៍នេះប្រកបដោយប្រសិទ្ធិភាព
លឿនជាង រួមចំណែក​ធានាខ្លឹមសារ រដ្ឋធម្មនុញ្ញ ២០១៣ ៖ ប្រជាពលរដ្ឋមានសិទ្ធិ
ធានាសន្តិសុខសង្គម៕